Ozee 2:3 - Bibeli do fee

³ I sɔ nyaanze nŋɛ ŋa Ammi, waatɔ zamaam ŋa, do Ruhama, waatɔ awɔ iyi à ce araareɛ.

Ozee 2:3 Iomraidhean Croise

Kufita 17:3

Amma si bɛi agbɛ wa mante ŋa, à wasi ku gbagba si Moizi à waa ni, na mii í ce ì nya wa hai ilɛi Ezibiti ka na ka ku do agbɛ, awa do ama nwa ŋa do mɛɛmu nwa ŋa.

Ezai 33:9

Inɔ kufɔ nla nla í wa si ilɛu, nɔ ilɛu í baa í gbɛ. Libãa í baa í wa si anyɔ, nɔ wuaɛ ŋa à waa gbɛ. Lɔɔmai iri kutau í baa í yɛ bɛi gbaa. Kaamɛli do Basãa a kù nɛ jĩi ŋa má.

Ezai 47:3

Basĩɛ á fita gbugbãa inɛ ŋa a yɔɔ hee anyɔ ku muɛ. Do yaase bɛɛbɛi an sãò gbese nɔ inɛ kãma kaa ganji.

Ezai 64:10

Kpasɛ̃ ku nɛ bɛɛrɛ nwa iyi à nya ikã í jɛ titɛɛ, tengi bii bala nwa ŋa à ya koo a tɔɔɛ nɔ a kɔ̃ iri a maa cĩɛu, ina í joo. Nɔ mii ŋa iyi à bi ntɔ ntɔu fei, à ce nfe nŋa.

Zeremi 12:10

Woo degbe nkpɔ nkpɔi wa ce asɔɔi jĩi ndii rezɛ̃ɛm. À waa jojo si bantumai ikom ŋa. À waa kpaasi iko kusĩam nɔu bɛi gbaa do bɛi inya iyi í kpɔò bomma.

Zeremi 13:22

Waati bɛɛbɛ, aa bee araɛ ide i maa ni, na mii í jɔ̀ mii nɔu ihɛ̃ wa bam. Na kurara nkpɔ nkpɔɛ ŋaui í jɔ̀ itĩi ibɔɛ ŋau wa nya, nɔ ì waa ba kumɛɛ ntɔ ntɔ si cicĩisɛɛ ŋa.

Zeremi 13:26

An wu itĩi ibɔɛi hee ku naa si wajuɛ ku ba inɛ ŋa a yɛ basĩɛ.

Zeremi 14:3

Ilu gbugbã ŋa à ya bɛ woo ce icɛ nŋa ŋai a koo a dɛdɛ inyi wa. Amma baa bii à bɔ isɔ̃ a ci ya ba inyi kãma wa. À ya sinda a baai jɔlɔ ngbɛ. Nɔ na anyɔ do na lasabu nŋa iyi í fɔtɔtɔu, à ya bii iri nŋai do acɔ.

Zeremi 17:6

Lafɛ̃ɛ á yɛi bɛi ama jĩi tũtũ ŋa iyi à dede si gbaa. Lafɛ̃ɛ kaa ba ku yɛ ididɔ̃ kãma iyi wa naa. Á maa wai si inya gbãai gbaau, inya ku da imu bii inɛ kãma kù wau.

Zeremi 2:31

Iŋɛ inɛi nsɛi ŋa, i sotĩ i gbɔ idem nɔu do laakai ŋa. Amui ǹ baa ǹ yɛ bɛi ilɛ gbaa bi tu ŋɛ walakɔ bɛi ilɛi ilu kuku nla nla? Na mii í ce iŋɛ inɛm ŋa ì fɔ ì waa ni ŋa, à nɛ ara nwa. A kù bi ka nyi wa bi tɛɛ.

Zeremi 2:6

A ci ya ni, iwoi Aɔ̃ Lafɛ̃ɛ iyi í nya wa hai ilɛi Ezibitiu í wa má, nŋu iyi í gbã wa si gbaa do si ilɛ ngbɛ ku nɛ isa nkpɔ nkpɔu, si ilɛ hai nɛ mandi, si ilɛ bii kuwɛɛ í gaabu, ilɛ bii inɛ kãma kù ce si ideu.

Zeremi 22:6

Aɔ̃ Lafɛ̃ɛ í fɔ si gãmɛi kpasɛ̃i ilaalui Zudaa í ni, bi titom ì sĩai bɛi agboi Galaadi, walakɔ bɛi akãi antaii iri kutai Libãa. Amma ǹ wa n sɔ̃ɛi iyi aa baa i jɛ gbaa, ilu iyi kaa nɛ inɛ kãma má.

Zeremi 4:26

Ŋɔi ǹ cɔ ilu má, nɔ ǹ ba wee ilɛ ku nɛ taasiu í baa í kpɔò gbaa. Nɔ à lɛgɛ iluɛ ŋau fei. Aɔ̃ Lafɛ̃ɛi í jɔ̀ iyi bɛ í ce si idɔɔkɔ̃ nla nlaɛ,

Zeremi 51:43

Iluɛ ŋau à baa à kpɔò bomma, nɔ ilɛu í baa í jɛ gbaa. Í baa í jɛ ilɛ bii inɛ kãma kù wa si má, nɔ inɛ kãma ci ya too do bɛ.

Zeremi 51:5

[Bɛɛbɛi á ce,] si na iyi í jɔ̀ Aɔ̃ Lafɛ̃ɛi lele do ilɛ kù fũsi Izirɛli do Zudaa awɔ, baa do iyi à ce kurara nkpɔ nkpɔ si ilɛ nŋau si gãmɛi Inɛ Kumái Izirɛliu.

Ezekiɛli 16:22

Si inɔi laalɔ ku ceɛ ŋa do sakara ku ceɛ ŋau fei, i kù ye gigii waatii mudɛ̃ɛu. I kù ye gigii waati iyi ì wɛɛ basĩ popoopo, nɔ ì waa bimbili si njɛɛu.

Ezekiɛli 19:13

Nɔ nsɛi à koo à lɔɔ si gbaa si ilɛ ngbɛ tengi bii inyi kù wa.

Ozee 13:15

Waati iyi kuwɛɛi Efaraimu wa bɔ waju si inɔi inɛɛ ŋa, fufu gɔi í naa siɛ. Fufuu í naai hai ikpa bi gbaau. Amu Aɔ̃ Lafɛ̃ɛi ǹ jɔ̀ fufuu í naa, nɔ inyii isɔ̃ ŋau fei à gbɛ. Lɔgɔ ŋa mɔ à gbɛ. Fufuu í ko amaniɛ ŋau fei í nɛò, nɔ í ko jĩnɛ ilu bɛɛrɛɛ ŋau mɔ fei í nɛò.

Ozee 2:10

Abou kù mà iyi amui ǹ ya n tako n maa n mua nŋu sɔnda wo, do vɛ̃ɛ do ikpo. Amui ǹ muaa fia do wura, nɔ í soo í cea iwɛ̃ iyi à ya kpe Baali amuaɛ.

Kuyɛi Zãa 17:16

Ngo mɛɛwa iyi ì yɛu bɛ do mɛɛmuu, aa cé abo à ce sakarau. Aa so mii iyi í nɛ fei nɔ a jɔ̀ɔ basĩ. Aa ŋɔ iŋaɛ nɔ a joo ina mam mam.

Woo kiiti ŋa 15:18

Ŋɔi gbakã agbɛ í mu Samusɔ̃ɔ ntɔ ntɔ, nɔ wa tɔɔ Aɔ̃ Lafɛ̃ɛ wa ni, awɔi ì nyam hai si awɔi mbɛɛ ŋau ihɛ̃ ì jɔ̀ ǹ jɛ ŋa igũ. To, nsɛi aa jɔ̀ n ku do agbɛ nɔ n cuku si awɔi hai ce bango ŋau ihɛ̃i?