Ozee 2:23 - Bibeli do fee

²³ Ŋɔi Aɔ̃ Lafɛ̃ɛ í ni má, ajɔ nŋu bɛ bukaatai mii iyi lele í bi an naa. Nɔ lele mɔ á na ilɛ bukaatai mii iyi wa cɔ siɛ.

Ozee 2:23 Iomraidhean Croise

Iri ku kɔ̃ 118:28

Awɔi ì jɛ Ilaaɔ̃ Lafɛ̃ɛm, an maa n cĩɛi. Ilaaɔ̃ Lafɛ̃ɛm, an fɔ n maa n sisi kulaɛ.

Iri ku kɔ̃ 22:27

Ilu are ŋa aa ba a jɛ hee a yo. Inɛ ŋa iyi à waa dɛdɛ Aɔ̃ Lafɛ̃ɛ, aa maa wɛɛi do ajɔ fei nɔ a maa saabuɛ.

Iri ku kɔ̃ 68:31

Ilaaɔ̃, kpã mɛɛmui inɔ inyi ŋau iju do kɛtɛ gaa ŋa do ama kɛtɛi zamaa ŋa iyi à naa à sɛɛbata si wajuɛ do fia kpɛkɛlɛ ŋa. Fangaa inɛ ŋa iyi igũ ku cei í ya maa dɔ̃ nŋa siu.

Iri ku kɔ̃ 72:16

Jɔ̀ amaajɛ ku ce si ilɛu nkpɔ nkpɔ, hee a maa yaga si antaii iri kuta ŋa bɛi amaajɛi Libãa ŋa, nɔ amanɛ ŋa a kpɔ a maa koo si iluu bɛi fɔfɔ ŋa.

Iri ku kɔ̃ iyi í dɔ̃ í re 2:16

inɛ iyi ǹ biu, titom nii í jɛ, amu mɔ ǹ jɛ titɛɛ. Ntɔi í yɛ bɛi angbãi iyi wa jɛ fɔfɔ ŋa iyi à nɛ koko ŋa.

Ezai 44:5

Nɔ inɛ ihɛ̃ á ni, ti Aɔ̃ Lafɛ̃ɛi ǹ jɛ. Inɛ mmu gɔ mɔ á bi a maa kpe nŋu do irii Zakɔbu. Inɛ mmu gɔ mɔ á kɔ si awɔɛ ku ni, ti Aɔ̃ Lafɛ̃ɛ, nɔ irii Izirɛlii aa naa.

Zeremi 16:19

Aɔ̃ Lafɛ̃ɛ, awɔi ì jɛ gbugbãm, nɔ awɔi ì jɛ bi kuwa ku nɛ gbugbãm. Si waatii wahala, bi titɛɛi an ba n sa n koo n manji. Inɛ ŋa iyi à wa hee ilɛ jĩijĩ ŋa aa naa bi tɛɛ. Nɔ aa maa ni, bala nwa ŋa, tubui iboi à jɛ. Nɔ inya ngbɛi, kù nɛ aranfãani kãma.

Zeremi 30:22

Aa jɛ zamaam ŋa, nɔ amu mɔ an jɛ Aɔ̃ Lafɛ̃ɛ nŋɛ.

Zeremi 31:27

Nɔ Aɔ̃ Lafɛ̃ɛ í ni má, ajɔ wa naa si bii an jɔ̀ zamaai amanɛ ŋa do mɛɛmu ŋa a fangaa si bommai Izirɛli do Zudaa bɛi à ya fã ngboi mii ku gbɛ̃ si ilɛ.

Zeremi 32:38

Aa jɛ inɛm ŋa, nɔ amu mɔ an jɛ Aɔ̃ Lafɛ̃ɛ nŋa.

Zeremi 33:26

To, inɛ á yɔkɔ ku jɛsi iyi ǹ fũsi tɔkui Zakɔbu ŋa awɔ do iyi à jɛ ti Davidi woo ce icɛm nɔu? Kú jɛ si inɔ nŋa ǹ kɔ̀ ku so ilaalu ŋa iyi aa maa gbã dimii Aburahamu do ti Izaaki do ti Zakɔbu ŋau? Aawo. Ǹ nɛ kubi nŋai ntɔ ntɔ, nɔ an nyi n teese kuwɛɛ nŋa mái.

Ezekiɛli 36:29

An faaba ŋɛ hai si riisi ikã ikã fei. An jɔ̀ bilee nŋɛ ŋa a fita nɔ i ba amaajɛ ŋa nkpɔ nkpɔ. N kaa n jɔ̀ ari ku naa si ilɛ nŋɛ má.

Ozee 1:6

Si anyiɛ, abou í na í nɛ asĩ má, nɔ í bí ama inaabo. Nɔ Aɔ̃ Lafɛ̃ɛ í sɔ̃ɔ má í ni, sɔɔ Lo-Ruhama, waatɔ inɛ iyi a kaa ce araareɛ, domi n kaa n maa n mɔsi do araarei Izirɛli ku ce má n maa n ceaa suuru waati kãma fei.

Ozee 8:2

Aa na a maa dɔ̃ sim anui a maa ni, Aɔ̃ Lafɛ̃ɛ, awa inɛi Izirɛli ŋa, à màɛ.

Zakari 10:9

Ǹ fangaa ŋai si dimi fei wo, amma hai ilɛ jĩijĩ ŋa bii à wau aa na a ye gigim. Aa wɛɛ nŋa do ama nŋa ŋa, nɔ aa nyi wa má.

Zakari 13:9

Ikɔ akã iyi í gbeu an dasi ŋa ina n yɔɔ bɛi à ya yɔ isɔ fũfũ do wura si ina a nya jiidaɛ. Amui aa ya tɔɔ nɔ an ya n gbɔ kutɔɔ nŋa. An kpe ŋa zamaam nɔ aŋa mɔ aa ni, Aɔ̃ Lafɛ̃ɛi í jɛ Lafɛ̃ɛ nwa.

Zakari 14:16

Waati bɛɛbɛ inɛ ŋa iyi à jɛ Zeruzalɛmu igũu, inɛ nŋa ŋa iyi à wɛɛ si hunde adɔ̃ fei aa ya naa a tɔɔ Aɔ̃ Lafɛ̃ɛi Zeruzalɛmu bɛ, nŋu iyi wa jɛ ilu gbugbã fei, nɔ a jɛ jingaui Kusu ŋa.

Zakari 14:9

Waati bɛɛbɛ Aɔ̃ Lafɛ̃ɛ nŋu akãi á jɛ ilaalui andunyau fei. Nŋui á jɛ Lafɛ̃ɛi inɛ fei, nɔ do irii nŋu akãi inɛ fei á ya ceò kutɔɔ.

Zakari 2:11

Iŋɛ inɛi Zeruzalɛmu ŋa iyi ì wa si ilɛi Babilɔni, i kookaai i sa ŋa.

Malasi 1:11

Hai nunui daakɔ hee ku bɔ nunui alɛ inɛi andunya ŋa fei à mà bɛɛrɛm. À ya maa joom tuae ŋa bii fei, nɔ à ya maa ceem kuwee ŋa ku ba a nyisiò bɛɛrɛi irim. Do ntɔ inɛi andunya ŋa fei à mà bɛɛrɛm.

Romu 3:29

Mà Ilaaɔ̃ í jɛ ti Zuifu ŋa aŋa akãi. Kù jɛ ti dimi mmu ŋa má? Ntɔ ntɔ í jɛ ti dimi mmu ŋa mɔ,

Zaaki 1:1

Amui Zaaki woo ce icɛi Ilaaɔ̃ do ti Lafɛ̃ɛ Jesu Kirisi. Ǹ ce dimii Zuifu maateeji ŋa iyi à fangaa si andunya fei fɔɔ.