Ozee 2:22 - Bibeli do fee

²² Ntɔ ntɔ an soɛi i jɛ abom na kubi, nɔ do yaase bɛɛbɛi aa mà iyi amui ǹ jɛ Aɔ̃ Lafɛ̃ɛ.

Ozee 2:22 Iomraidhean Croise

Zoɛli 2:19

nɔ í jɛ nŋa kutɔɔ nŋau í ni, an mu nŋɛ bilee ŋa, do vɛ̃ɛ do ikpo. An mu nŋɛi hee ku to ŋɛ, nɔ n kaa n so ŋɛ n daa inɛi ilɛ mmu ŋa si awɔ a yaako ŋɛ má.

Ozee 1:4

Ŋɔi Aɔ̃ Lafɛ̃ɛ í sɔ̃ɔ í ni, sɔ amau Yizireɛli, domi waati kù gbe kù waa sɔ̀ má si bii an sãa kpasɛ̃i Yehu mii iyi í ce, si na iyi í jɔ̀ í dikã njɛ ilui Yizireɛli. An jɔ̀ gbugbãi bommai Izirɛliu ku kpa irii.

Zeremi 31:12

Aa maa baai do anu ku dɔ̃i inɔ didɔ̃ si iri kutai Siɔ̃ɔ. Waju nŋa á maa daanai do inɔ didɔ̃ na mii jiida ŋa iyi aa ba hai bi Aɔ̃ Lafɛ̃ɛ. Mii jiida ŋau wee. Bilee do vɛ̃ɛ titɔ̃ do ikpoi olivi, do angudã ŋa do iwo ŋa do kɛtɛ kombo ŋa. Kuwɛɛ nŋa á maa sĩai bɛi lambo iyi à waa muaa inyi. Nɔ a kaa wɛɛò inɔ kufɔ má.

Ozee 14:7

Amaawɔ nŋa ŋau aa nai, nɔ aa sĩai bɛi jĩi ndii olivi. Aa nɛ inunu jiidai bɛi inunui jĩi ndii inɔ agboi Libãa ŋau.

Ezai 62:4

A kaa ya kpeɛ ilu iyi à kɔ̀si má, amma aa ya kpeɛi a ni, inɔ didɔ̃m í wa siɛ. A kaa ya kpeɛ bomma má, amma abo titɔ̃i aa ya kpeɛ, domi Aɔ̃ Lafɛ̃ɛ í nɛ inɔ didɔ̃ siɛ nɔ ilɛɛ á yɛi bɛi abo iyi í so mɔkɔ.

Zeremi 24:7

An jɔ̀ a mà iyi amui ǹ jɛ Aɔ̃ Lafɛ̃ɛ. Bii à sinda a nyi wa bi titom do idɔ nŋa fei, waati bɛɛbɛ aa jɛ inɛm ŋa, nɔ amu mɔ an jɛ Aɔ̃ Lafɛ̃ɛ nŋa.

Zakari 8:8

An jɔ̀ a baa hai bɛ a naa a buba Zeruzalɛmu. Aa jɛ inɛm ŋa nɔ n jɛ Lafɛ̃ɛ nŋa. An maa n mu ŋa si kpãai ntɔ do si dee dee ku jɛm.