Ozee 2:21 - Bibeli do fee

²¹ Aɔ̃ Lafɛ̃ɛ í ni, an soɛi i jɛ abom hee do ajɔ fei. Mii iyi an sãaɛi í jɛ ntɔ do dee dee ku jɛ do kubi do araare.

Ozee 2:21 Iomraidhean Croise

Ezai 55:10

Yaase bɛi ijĩ í ya maa wɔ wa do kuta hai lele, nɔ í ya jɔ̀ ilɛ ku mandi, nɔ í ya jɔ̀ amaajɛ ŋa a fita, nɔ í ya jɔ̀ dimi iyi woo gbɛ̃ í gbɛ̃u ku bí, nɔ í ya jɔ̀ inɛ iyi ari wa kpa ku ba sɔnda iyi á jɛ,

Ezai 62:4

A kaa ya kpeɛ ilu iyi à kɔ̀si má, amma aa ya kpeɛi a ni, inɔ didɔ̃m í wa siɛ. A kaa ya kpeɛ bomma má, amma abo titɔ̃i aa ya kpeɛ, domi Aɔ̃ Lafɛ̃ɛ í nɛ inɔ didɔ̃ siɛ nɔ ilɛɛ á yɛi bɛi abo iyi í so mɔkɔ.

Ezai 62:5

Ntɔ ntɔ, bɛi awaasũ í ya ce abɔdɔ̃ do mudɛ̃ɛ, bɛɛbɛ mɔi inɛ iyi í teese wa maɛui á jɛ mɔkɔɛ. Nɔ yaase bɛi mudɛ̃ɛ iyi í nɛ awaasũ í ya jɔ̀ awaasũu ku maa nɛ inɔ didɔ̃, bɛɛbɛi awɔ mɔ aa jɔ̀ inɔi Aɔ̃ Lafɛ̃ɛɛ ku maa dɔ̃.

Ezai 65:24

Hee a maa kpem, amu an jɛ nŋa. Hee a fɔ ide a maa tã, an gbɔ ide iyi à waa fɔu.

Ezekiɛli 36:29

An faaba ŋɛ hai si riisi ikã ikã fei. An jɔ̀ bilee nŋɛ ŋa a fita nɔ i ba amaajɛ ŋa nkpɔ nkpɔ. N kaa n jɔ̀ ari ku naa si ilɛ nŋɛ má.

Ozee 14:7

Amaawɔ nŋa ŋau aa nai, nɔ aa sĩai bɛi jĩi ndii olivi. Aa nɛ inunu jiidai bɛi inunui jĩi ndii inɔ agboi Libãa ŋau.

Zoɛli 2:19

nɔ í jɛ nŋa kutɔɔ nŋau í ni, an mu nŋɛ bilee ŋa, do vɛ̃ɛ do ikpo. An mu nŋɛi hee ku to ŋɛ, nɔ n kaa n so ŋɛ n daa inɛi ilɛ mmu ŋa si awɔ a yaako ŋɛ má.

Zakari 13:9

Ikɔ akã iyi í gbeu an dasi ŋa ina n yɔɔ bɛi à ya yɔ isɔ fũfũ do wura si ina a nya jiidaɛ. Amui aa ya tɔɔ nɔ an ya n gbɔ kutɔɔ nŋa. An kpe ŋa zamaam nɔ aŋa mɔ aa ni, Aɔ̃ Lafɛ̃ɛi í jɛ Lafɛ̃ɛ nwa.

Zakari 8:12

An dasi laakai ku sũ si ilɛu. Jĩi ndii rezɛ̃ɛ ŋa aa ya so, ilɛu mɔ á ya ce ijɛi, ijĩ á ya wɔ wai hai lele jiida jiida. An jɔ̀ inɛ ŋa iyi à gbe ŋau ihɛ̃ a jɛ tubui mii ŋau fei.

Zakari 8:8

An jɔ̀ a baa hai bɛ a naa a buba Zeruzalɛmu. Aa jɛ inɛm ŋa nɔ n jɛ Lafɛ̃ɛ nŋa. An maa n mu ŋa si kpãai ntɔ do si dee dee ku jɛm.

Malasi 3:10

Mii iyi ì nɛ ŋa fei i timbiɛ ikɔ mɛɛwa nɔ i ko ikɔ akã i naam wa bi ku jilɛ amanim ŋa. Nɔ kpasɛ̃m kú nɛ amaajɛ kosĩa. I cɔ laakaim ŋa nɔ i cɔ bii í jɛ n kaa n cĩ nŋɛ lelei Aɔ̃ nɔ n wee nŋɛ ntɔ ntɔ.

Malasi 3:11

An lele kɛtɛngbo ŋa hai si ilɛ nŋɛ ŋa, ku ba a maà bɛjɛ amaajɛ nŋɛ ŋa. An jɔ̀ jĩi ndii rezɛ̃ɛ nŋɛ ŋa iyi a ci ya so ŋau a so si iko nŋɛ ŋa. Amu Aɔ̃ Lafɛ̃ɛi lele do ilɛi ǹ fɔ bɛɛbɛ.

Matie 6:33

Na nŋu, i hanya titã ŋa i ce idɔɔbii Ilaaɔ̃ do bɛi aa ce i jɔ̀ bommaɛ ku bɔ waju. Iyi í gbe bɛi fei Ilaaɔ̃i á kɔ̃ɔ nŋɛ si.

Romu 8:32

Ilaaɔ̃ kù kɔ̀ò Amai nŋu takaɛ, amma í jɔ̀ à daa inɛ ŋa si awɔ à kpaa na irii awa fei. Nŋu iyi í na wa Amaɛu bɛɛbɛ, bɛirei á ce iyi kù mu nwa mii iyi í gbe fei.