Ozee 2:18 - Bibeli do fee

¹⁸ Ŋɔi Aɔ̃ Lafɛ̃ɛ í ni, si ajɔ nŋu bɛ, awɔ Izirɛli, aa kpem nii i ni, mɔkɔm. I kaa kpem i ni, Baali lafɛ̃ɛm.

Ozee 2:18 Iomraidhean Croise

Zɔɔbu 5:22

Zigiɛ kaa da si waatii ari do wahala, nɔ i kaa ce njoi mɛɛmui sako ŋa,

Zɔɔbu 5:23

domi i kaa nɛ kuta ŋa si ikoɛ, nɔ mɛɛmui sako ŋa a kaa bitandiɛ.

Iri ku kɔ̃ 148:10

Iŋɛ mɛɛmui sako do mɛɛmui inɔ ilu ŋa, iŋɛ yɛi ŋa do mii ku cã ilɛ ŋa, i saabuɛ ŋa.

Iri ku kɔ̃ 23:2

Nŋui í ya bɔɔm tengi bii inyi wa sũ cau. Nŋui í ya jɔ̀ n sĩmi tengi bii fɔfɔ tũtũ í wa.

Iri ku kɔ̃ 46:9

I naa i cɔ icɛ iyi Aɔ̃ Lafɛ̃ɛ í ce ŋa. Tɔtɔ ku fɔ iyi í ce si ilɛ.

Ezai 2:11

Waati bɛɛbɛ, inɛ iyi wa cɔ araɛ hee lele, á baaò ijuɛ wa ilɛi. Ilu faau mɔ í nɛ ku gulɛi, domi ajɔ nŋu bɛ, inɛ fei á jɛsi iyi Aɔ̃ Lafɛ̃ɛ nŋu akãi í jɛ inɛ nla.

Ezai 2:17

Inɛ ŋa iyi à waa cɔ ara nŋa hee lele ŋau fei, á baaò ŋa wai hee ilɛ, nɔ ilu faau ŋau mɔ fei, á jɔ̀ a gulɛi, domi ajɔ nŋu bɛ, inɛ fei á jɛsi iyi Aɔ̃ Lafɛ̃ɛ nŋu akãi í jɛ inɛ nla.

Ezai 2:4

Nŋui á jɛ woo kiitii ilɛu fei, nɔ nŋui á kiiti zamaau fei. Taakuba nŋa ŋai aa so a ceò sɔɔku ŋa, nɔ kaka nŋa ŋa mɔi aa so a ceò kɔɔma ŋa. Ilɛ gɔ kaa bɔ igũ si ilɛ mmu gɔ má, nɔ inɛ kãma kaa maa kɔkɔ igũ ku ce má.

Ezai 26:1

Waati bɛɛbɛ, si ilɛi Zudaa inɛ ŋa aa kɔ̃ irii a maa ni, à nɛ ilu iyi í nɛ gbugbã. Í jɔ̀ à ba faaba na idĩɛ ŋa do bindiɛ.

Ezai 32:18

Inɛm ŋau aa maa wai si inyai laakai ku sũ, si inya ŋa bii naanɛ í wa. Zamaam nɔu á maa sĩmii si inyai bi kusĩmiu.

Ezai 54:5

Ntɔ ntɔ, inɛ iyi í takaɛ, lafɛ̃ɛi í jɛ mɔkɔɛ. Iriɛi í jɛ Aɔ̃ Lafɛ̃ɛi lele do ilɛ. Nŋui í jɛ woo yaɛ, nɔ nŋui í jɛ Inɛ Kumái Izirɛli. Nŋui à ya kpe Ilaaɔ̃ Lafɛ̃ɛi ilɛu fei.

Ezai 65:25

Mbo do ama angudã fei, inya akãi aa maa jɛ. Muusu nla do kɛtɛ, aŋa fei fɔfɔi aa maa jɛ, nɔ njo mɔ, ilùlùi á jɛ sɔndaɛ. Si antaii iri kuta kumám nɔu bii fei, laalɔ ku ce do gbugbã ku taa njɛ kãma kaa wa si. Aɔ̃ Lafɛ̃ɛi í fɔ bɛɛbɛ.

Zeremi 23:6

Si waatiɛi inɛi Zudaa ŋa aa ba faaba, nɔ inɛi Izirɛli ŋa aa jɛ kuwɛɛ nŋai do laakai ku sũ. Iri iyi aa ya kpoo doi í jɛ, Aɔ̃ Lafɛ̃ɛi í jɛ woo kiiti nwa.

Zeremi 30:10

Nɔ awɔ Zakɔbu woo ce icɛm, maà jɔ̀ zigiɛ ku da. Amu Aɔ̃ Lafɛ̃ɛi ǹ fɔ bɛɛbɛ. Awɔ Izirɛli, maà yaya, domi an faabaɛ hai ilɛ jĩijĩ bii ì wa, nɔ amui an faaba tɔkuɛ ŋa hai ilɛ bii à waa jɛ aru. Zakɔbu á na ku baa, nɔ á ba kusĩmi do laakai ku sũ. Nɔ inɛ kãma kaa dede laakaiɛ má.

Zeremi 33:16

Waati bɛɛbɛ, ilɛi Zudaa á ba faaba, nɔ Zeruzalɛmu mɔ á nɛ laakai ku sũ si iluɛ, nɔ aa ya kpooi, Aɔ̃ Lafɛ̃ɛi í jɛ dee dee ku jɛ nwa.

Ezekiɛli 34:25

An dĩ akabuui laakai ku sũi do mɛɛmu gaam ŋa. An lele mɛɛmu buu ŋaui hai si ilɛu. Do yaase bɛɛbɛ, mɛɛmu gaam ŋa aa ba a wɛɛi do laakai ku sũ si gbaa, nɔ a ya maa sũ si abɛ wua ŋa.

Ezekiɛli 39:1

Awɔ amanɛ, ce walii si gãmɛi Gɔgu i ni amu Aɔ̃ Lafɛ̃ɛ ǹ ni, an na n kpã awɔ iyi ì jɛ amanlui inɛi Rɔsi do Mesɛki do Tubali ŋau iju.

Zakari 14:4

Waati bɛɛbɛ á leekĩi si geetei Olivie iyi í wa kɔkɔi Zeruzalɛmu ikpa nunui daakɔi iluu. Nɔ ku kpalɔɛ geeteu minji hai nunui daakɔ hee ku bɔ nunui alɛ. Ikpa akã ku nɛ ikpa awɔ njɛi kpãai inunu, nɔ akã mɔ ku nɛ ikpa awɔ cangai kpãai inunu, nɔ angbɔɔ nla ku ce si afei iri kuta minjiu.

Zakari 14:9

Waati bɛɛbɛ Aɔ̃ Lafɛ̃ɛ nŋu akãi á jɛ ilaalui andunyau fei. Nŋui á jɛ Lafɛ̃ɛi inɛ fei, nɔ do irii nŋu akãi inɛ fei á ya ceò kutɔɔ.

Zakari 2:11

Iŋɛ inɛi Zeruzalɛmu ŋa iyi ì wa si ilɛi Babilɔni, i kookaai i sa ŋa.

Zakari 3:10

Bii ajɔu í na í to, laakai ku sũ á wɛɛ nŋɛ hee inɛ fei ku ya kpe kpaasiɛ ŋa a naa a buba a maa nya faaji si jĩjĩi jĩi ndii rezɛ̃ɛ do jĩi ndii figi ŋa.

Zakari 9:10

Á jɔ̀ sarɛtii igũ ku kpa iri si ilɛi Efaraimu, nɔ baa acĩ ku ja igũ ŋa a kaa wa Zeruzalɛmu má. Á cɛ bioo ŋa iyi à ya ceò igũ. Ilaaluu á jɔ̀ laakai ku sũ ku wa si dimi ŋau, nɔ ku jɛ bomma hai si tenku ihɛ̃ ku bɔ si tenku ihɔ̃, hai ido iyi à ya kpe Efarata hee ku bɔ si kɔɔi andunya.