Ozee 2:16 - Bibeli do fee

¹⁶ Na nŋu, an faa wa bi titom nii, n gbã n bɔòɛ si gbaa ku ba n baaò laakaiɛ wa sim.

Ozee 2:16 Iomraidhean Croise

Kusintii Andunya 34:3

Nɔ lasabuɛ í wa si Dina amai Zakɔbuu. Í nɛ kubii ama inaabou ntɔ ntɔ, nɔ wa dɛ idɔɛ ku sinda si nŋu wa do ide didɔ̃ɛ ŋa.

Ezai 40:2

I fɔ ide i muaò inɛi Zeruzalɛmu ŋa gbugbã ŋa. I dɔ̃ anu i sɔ̃ɔ ŋa i ni, icɛi tilasi ku ceɛu í kpa iri mbɛ, nɔ í sã gbesei kuraraɛ mɔ mbɛ. Ijuukpã iyi í nɛ ku baa na dulum dɛɛ ŋau fei, Aɔ̃ Lafɛ̃ɛ í jɔ̀ í sãa ikɔ minji.

Ezai 54:5

Ntɔ ntɔ, inɛ iyi í takaɛ, lafɛ̃ɛi í jɛ mɔkɔɛ. Iriɛi í jɛ Aɔ̃ Lafɛ̃ɛi lele do ilɛ. Nŋui í jɛ woo yaɛ, nɔ nŋui í jɛ Inɛ Kumái Izirɛli. Nŋui à ya kpe Ilaaɔ̃ Lafɛ̃ɛi ilɛu fei.

Zeremi 3:14

I baa wa ŋa ama ku kɔ̀ ide ŋa, domi amui ǹ jɛ mɛɛtu nŋɛ. An so nŋɛ inɛ akã hai si ilu gɔ, inɛ minji hai si nyaanze gɔ, nɔ n bɔò ŋɛ Siɔ̃ɔ.

Ezekiɛli 20:35

An bɔò ŋɛi si gbaa, tengi bii inɛ ŋa a kù wa. Bɛi an kiiti nŋɛ ijuò iju.

Ozee 2:7

Iye nŋa nŋu iyi í bí ŋau, í ce sakara. Í dasi araɛ anyɔi si waati iyi í fɔ í ni, an too mɔkɔ kaafem ŋai, aŋa iyi à waa muum sɔnda do inyi. Aŋai à waa muum ikũ do acɔ, do ikpo do vɛ̃ɛ.

Laabaau jiida iyi Zãa í kɔ 3:29

Inɛ iyi í nɛ abo titɔ̃ nŋui í jɛ mɔkɔ titɔ̃, mà irei. Amma kpaasii mɔkɔ titɔ̃u, inɛ nŋu á leekĩi ku maa gbɔ. Nŋu mɔ í ya nɛ inɔ didɔ̃ ntɔ ntɔ waati iyi í gbɔ imui mɔkɔ titɔ̃u. Na ŋɔi í jɔ̀ nsɛi amu takam inɔ didɔ̃m í kɔ̃.

Kɔrɛnti 2, 11:2

Ǹ wa n ce igu iyi wa naa hai bi Ilaaɔ̃ na iri nŋɛ, domi ì yɛ ŋai bɛi mudɛ̃ɛ iyi ǹ mua mɔkɔ akã. Mɔkɔui í jɛ Kirisi nɔ ǹ bi n kooò ŋɛ bi tɛɛi bɛi mudɛ̃ɛ iyi kù mà mɔkɔ.

Kuyɛi Zãa 19:7

I jɔ̀ ka nyaanyi, ka wɛɛò inɔ didɔ̃. Ka jɔ̀ ku nɛ amboe domi abɔdɔ̃i ama angudãu í to wa, mudɛ̃ɛu takaɛ mɔ í tã sɔɔlu.

Woo kiiti ŋa 19:3

Ŋɔi mɔkɔu í dede í koo siɛ koo baa ide ku fɔ nɔ ku gbã ku baaɛ wa. Iyi wa koo, í gbã woo ce icɛɛ do gbankɛlɛ minji. Ŋɔi í to, nɔ abou í jɔ̀ í lɔ kpasɛ̃i baaɛ, nɔ iyi baaɛu mɔ í yɔɔ í gbaa do inɔ didɔ̃.

Ruutu 2:13

Nɔ Ruutu í jɛaa í ni, ǹ ba jiida ku jɛ si wajuɛ awɔ lafɛ̃ɛm, domi si ide ku fɔɛ ì tũ idɔm ntɔ ntɔ, amu iyi n kù to baa inɛ akãi woo ce icɛɛ ŋa.