Ozee 2:13 - Bibeli do fee

¹³ An jɔ̀ inɔ didɔ̃ɛ fei ku leekĩi. Nɔ hai jingauɛ ŋa, do jingaui ajɔi cukpa titɔ̃ɛ ŋau, do ajɔi kusĩmiɛ ŋau hee do waati si bii à ya ko a ce jingau ŋau fei, aa leekĩi.

Ozee 2:13 Iomraidhean Croise

Ilaalu 2, 1:2

Ajɔ nŋu gɔ Ahazia í ga í cuku wa hai do fɛrɛntii ile kugbokaɛ iyi í wa Samariu nɔ í ba kumɛɛ nla nla. Ŋɔi í bɛ inɛ ŋa kubee ku ce bi Baali-Zebu iwɛ̃i inɛi Ekorɔ̃ɔ ŋau mà nŋu á ba iri hai si mbiisi iyi í naa si nŋuu.

Ilaalu 2, 10:28

Bɛɛbɛi Yehu í kpaò kuweei Baali si ilɛi Izirɛli.

Ilaalu 2, 21:3

Nŋui í teese í ma bi kuwee ŋa iyi baaɛ Ezekiasi í lɛgɛ si antaii geete ŋau. Nɔ í maa iwɛ̃ Baali bi kuwee ŋa, nɔ í gũa iwɛ̃ Asera jĩi bɛi Akabu ilaalui Izirɛliu í tako í ceu wo. Nɔ í ya gulɛ ku maa tɔɔ cukpa do inunu do leleaɔ̃ ŋa fei.

Zɔɔbu 8:13

Bɛɛbɛi í ya na ku jɛa inɛ ŋa iyi à sinda à toa Ilaaɔ̃ anyi fei. Nɔ bɛɛbɛi kpãa ku cɔi inɛ laalɔ á ce nfe.

Iri ku kɔ̃ 106:13

Amma à saasa à gbɛjɛ icɛɛ ŋa. A kù degbe iri ku kpaɛ má.

Iri ku kɔ̃ 106:21

À gbɛjɛ Ilaaɔ̃ woo faaba nŋa, nŋu iyi í ce mii nla ŋa Ezibiti,

Iri ku kɔ̃ 78:11

À gbɛjɛ mii nla ŋa iyi í ce, maamaake ŋa iyi í jɔ̀ à yɛ.

Kufita 32:34

Bɛbɛi koo gbã inɛ ŋau i nɛò ŋa tengi bii ǹ sɔ̃ɛu. Amalekam nii á maa cuaɛ. Amma ajɔ iyi ǹ dede an kpã ŋa iju na irii dulum du ŋa.

Ezai 17:10

Ntɔ ntɔ iŋɛ inɛi Izirɛli ŋa, ì gbɛjɛ Aɔ̃ Lafɛ̃ɛ nŋɛ iyi í faaba ŋɛ. I kù waa ye gigii kuta ku nɛ gbugbã nŋɛ. Na ŋɔi í jɔ̀ ì waa lɔa iwɛ̃ ŋa jĩi ŋa iyi á sĩa nŋa si, nɔ ì waa gbɛ̃ dimi ŋa iyi aa jɛ bɛɛrɛi iwɛ̃ ŋau.

Ezai 65:7

Aɔ̃ Lafɛ̃ɛ í ni, an sã gbesei kurarai iŋɛ taka nŋɛi hee do ti bala nŋɛ ŋa fei, aŋa iyi à joa iwɛ̃ nŋa ŋa tuae ku dɔ̃ inunu ŋa si iri kuta ŋa, nɔ à dede idɔɔkɔ̃m si geete ŋa. Kucei tako nŋa ŋaui an wã n bɛi n sã nŋa. An sã nŋa mii iyi í wa si gãmɛi awaò ŋaui.

Zeremi 11:13

Kukpɔi iwɛ̃i inɛi Zudaa ŋau do kukpɔi ilu nŋa ŋau fei à waa mungai. Si ilui Zeruzalɛmu, bi kuwee ŋa iyi à ce do kukpɔi kpãaɛ ŋau fei à waa mungai. Si bi kuwee ŋau bɛi à ya cea iwɛ̃ Baali iyi à ya kpe anyɔu kuwee ŋa.

Zeremi 18:15

To, inɛm ŋa wee à gbɛjɛm. À koo à waa cea iwɛ̃ ŋa kuwee. Iwɛ̃ ŋaui à waa dasi ŋa isɛ ku ko si kpãa nŋa ŋa iyi à mà hai tako wo, nɔ à koo à waa nyaa ara nŋa kpãa titɔ̃ ŋa.

Zeremi 2:32

Mudɛ̃ɛ í ya gbɛjɛ jĩnɛ ku ce boodaɛ ŋa? Abo titɔ̃ í ya gbɛjɛ kungbã iyi á dĩ si gbankilii ibɔi abɔdɔ̃ɛ? Amma iŋɛ zamaam ŋa ì gbɛjɛ idem hai ajɔ nkpɔ nkpɔ iyi kù nɛ jia.

Zeremi 23:2

Na ŋɔi í jɔ̀ Aɔ̃ Lafɛ̃ɛi inɛi Izirɛli ŋau í nyi í fɔ má si gãmɛi inɛ ŋa iyi à waa degbe inɛɛ ŋau í ni, ì fangaa angudãm ŋa, ì lele ŋa ŋa, i kù gbɔ nŋa ŋa. Na nŋu, i cɔ, an naa si ŋɛ na kuce laalɔ nŋɛ ŋau.

Zeremi 7:34

An jɔ̀ anu ku dɔ̃i inɔ didɔ̃ ku kpa iri si ilui Zudaa ŋa do si kpãai Zeruzalɛmu ŋa. Aa kaa ya gbɔ iri ku kɔ̃i abɔdɔ̃ ŋa má, domi ilɛu á kpɔò gbaa.

Zeremi 7:9

Mii iyi ì ya maa ce ŋa wee. Ile do inɛ ku kpa do sakara do kugbasi ku ce si ibo do iwɛ̃ Baali ku joa tuae do iwɛ̃ mmu ŋa iyi i kù mà ŋa ku tɔɔ.

Kukpata 1:4

Kpãa ŋa iyi à waa bɔ Siɔ̃ɔ, à nɛ inɔ kufɔi iku. Inɛ ŋa à ci ya too ŋa a bɔ jingau má. Bantumaɛ ŋa fei à gbe ngbɛ. Woo weeɛ ŋa à waa kakaa, ama mudɛ̃ɛɛ ŋa à nɛ inɔ kufɔ, nɔ nŋu takaɛ í wa si ara kuro.

Kukpata 5:14

Inɛ ngboi ilu ŋa a ci ya buba anu koofai iluu má, nɔ awaasũ ŋa mɔ a ci ya kɔ̃ iri má.

Ezekiɛli 16:12

Ǹ daaɛ si mii bɛi lɛlɛawɔ gɔ si imɔɛ, ǹ daaɛ si hanlaga si itĩɛ ŋa, nɔ ǹ daaɛ si fula kusĩa gɔ si iriɛ.

Ezekiɛli 16:17

Ì so jĩnɛi wura do isɔ fũfũ ŋa iyi ǹ naɛu ì ceò iwɛ̃ akɔ ŋa nɔ ì ya maa ce sakara do ŋa.

Ezekiɛli 22:12

Bi tu ŋɛ, inɛ ŋa à ya gba amua ŋai a bɛi a kpa inɛ gɔ. Inɛ ŋa à ya maa wɛ̃a inɛ ŋa fiai do inyi nɔ a maa dɛ si riba. Inɛ ŋa à ya maa taa kpaasi nŋa ŋa gbugbãi ku ba a ba fia. Amma amu, à ya gbɛjɛ idem nii mam mam. Amu Aɔ̃ Lafɛ̃ɛi ǹ fɔ bɛɛbɛ.

Ezekiɛli 23:35

Na nŋu, amu Aɔ̃ Lafɛ̃ɛ ǹ ni, si na iyi í jɔ̀ ì gbɛjɛ idem, nɔ ì kɔ̀sim, awɔ mɔ aa yɛ ijuukpã na sakaraɛ do kuce hai nɛ yaaseɛ ŋau fei.

Ozee 11:2

Amma si anyiɛ, inɛi Izirɛli ŋa à na à nɛ hee jĩijĩ. Nɔ bɛi à waa kpe ŋa fei, bɛɛbɛi à ya maa jĩò inɛ ŋa iyi à waa kpe ŋau. À ya maa cea iwɛ̃ ŋa iyi à ya kpe Baali ŋau kuwee nɔ à ya joa iwɛ̃ mmu ŋa tuae ŋa.

Ozee 13:1

Waati iyi Efaraimu wa fɔ ide fei, zigii inɛ ŋa í ya dai, domi í nɛ gbugbã ntɔ ntɔ si Izirɛli. Amma í so taale si na iyi í jɔ̀ iwɛ̃ iyi à ya kpe Baaliu bɛi í ya tɔɔ, nɔ í ku.

Ozee 13:6

Amui ǹ gbã ǹ bɔòɛ tuu bii aa jɛ, nɔ ì ba ì jɛ hee ì yo. Amma waati iyi ì ba ì jɛ ì yo, ì baa ì nɛ faau, nɔ ì gbɛjɛm.

Ozee 2:5

Bii kù jɛ bɛɛbɛ, an bɔ jĩnɛɛ ŋai fei mam mam, nɔ n jɔ̀ɔ basĩ bɛi si ajɔ iyi à búu. An jɔ̀ ku yɛi bɛi gbaa. Á baa ku yɛi bɛi ilɛ iyi í gbɛ kù nɛ mandi. An jɔ̀ ku kui do agbɛ.

Ozee 2:7

Iye nŋa nŋu iyi í bí ŋau, í ce sakara. Í dasi araɛ anyɔi si waati iyi í fɔ í ni, an too mɔkɔ kaafem ŋai, aŋa iyi à waa muum sɔnda do inyi. Aŋai à waa muum ikũ do acɔ, do ikpo do vɛ̃ɛ.

Ozee 4:13

À ya maa ce kuwee ŋai si antaii iri kuta ŋa. À ya maa jo tuae ku dɔ̃ inunu ŋa si antaii geete ŋa, do si abɛi jĩi tũtũ ŋa tengi bii jĩjĩ jiida í wa. Na ŋɔi í jɔ̀ ama inaabo nŋa ŋau aa maa ta icui, nɔ aboi ama inɛmɔkɔ nŋa ŋau mɔ aa maa ce sakarai.

Ozee 4:6

Ntɔ ntɔ, zamaam wa ce nfei si na iyi í jɔ̀ kù nɛ kumà. Nɔ si na iyi í jɔ̀ awɔ takaɛ i kù bi i màm, an nyaɛ hai si icɛm nii. Nɔ si bɛi ì gbɛjɛ woodai amu Aɔ̃ Lafɛ̃ɛɛ, bɛɛbɛ mɔi amu mɔ an gbɛjɛ amaɛ ŋa.

Ozee 8:14

Inɛi Izirɛli ŋau à gbɛjɛ inɛ iyi í taka ŋai, nɔ à ma ile kusĩa ŋa ntɔ ntɔ. Inɛi Zudaa ŋa mɔ à ma ilu ku nɛ gbugbã ŋa nkpɔ nkpɔ. An jɔ̀ ina ku naa si ilu nŋa ŋaui, nɔ ku ce asɔɔi kabai bomma nŋa ŋau.

Ozee 9:7

Waati si bii Aɔ̃ Lafɛ̃ɛ á sã nŋɛ gbesei mii ŋa iyi ì ce ŋau fei mbɛ ŋa. Ntɔ ntɔ, waati si bii inɛ fei á ba ribai mii ŋa iyi ì ce ŋau mbɛ, nɔ inɛi Izirɛli ŋa à nɛ a mài. Ì ya fɔ ŋa i maa ni, waliiu ihɛ̃ í sũmui. Ì ya fɔ má ŋa i ni, inɛ iyi hundei Ilaaɔ̃ í wa siɛu ihɛ̃ wa fɔ ide hai nɛ yaase. Ntɔ ntɔ bɛɛbɛi, amma iyi bɛ ŋau bɛ fei, na laalɔ nkpɔ nkpɔ ku ce nŋɛ ŋai, do ide ku kɔ̀ nŋɛ do gbugbã nla nla.

Amɔsu 8:10

An kpaasi jingau nŋɛ ŋaui do inɔ kufɔ, nɔ iri ku kɔ̃ nŋɛ ŋa mɔ do kukpata. Jĩnɛi inɔ kufɔi inɛ fei á dasi. Nɔ inɛ fei á gbogoo iriɛi na inɔ kufɔ. Inɔ kufɔi ikui á naa si ilɛu fei bɛi ti ajɔi ikui ama akã, nɔ mii fei á kpa irii do inɔ kufɔ nla nla.

Wooda ku kɔsi 32:18

Ntɔ ntɔ, awɔ Izirɛli ì gbɛjɛ kuta ku nɛ gbugbã iyi í bíɛ wa si andunya. Ì waa ce atafii si Ilaaɔ̃ nŋu iyi í jɔ̀ ì nɛ kuwɛɛ.

Wooda ku kɔsi 6:12

i ce laakai i maà ti i na i gbɛjɛ Aɔ̃ Lafɛ̃ɛ nŋɛ, nŋu iyi í nya ŋɛ wa hai ilɛi Ezibiti bii ì tako ì waa jɛ aru ŋa wo.

Woo kiiti ŋa 10:6

Inɛi Izirɛli ŋau à nyi à ce mii iyi kù dɔ̃a Aɔ̃ Lafɛ̃ɛ si má. Iwɛ̃ Baali ŋai à ya maa tɔɔ do iwɛ̃ Asitaate do iwɛ̃i inɛi Siri ŋa do ti inɛi Sidɔ̃ɔ ŋa do ti inɛi Moabu ŋa do ti inɛi Amɔɔ ŋa do ti inɛi Filisi ŋa, nɔ à fũsi Aɔ̃ Lafɛ̃ɛ awɔ a ci ya gulɛ a tɔɔɛ má.

Woo kiiti ŋa 3:7

Inɛi Izirɛli ŋa à cea Aɔ̃ Lafɛ̃ɛ nŋa mii iyi kù dɔ̃aa si, à gbɛjɛ ideɛ nɔ à waa tɔɔ iwɛ̃ Baali do Asera ŋa.

Samuɛli 1, 12:9

Amma si anyii nŋu à gbɛjɛ idei Aɔ̃ Lafɛ̃ɛ nŋa. Na nŋu, í jɔ̀ Sisera inɛ ngboi soogei ilui Hasɔɔ ŋa do inɛi Filisi ŋa do ilaalui inɛi Moabu ŋa à jɛ ŋa igũ.