Ozee 2:12 - Bibeli do fee

¹² Bɛbɛi, an jɔ̀ ku gbe basĩi ku ba anyɔ ku muu si ijui mɔkɔ kaafeɛ ŋau, nɔ inɛ kãma kaa nyaa hai si awɔm.

Ozee 2:12 Iomraidhean Croise

Iri ku kɔ̃ 80:12

Amaawɔɛ ŋau à bɔi hee si tenku, nɔ icãɛ ŋa mɔ à bɔi hee si ido nla.

Ezai 29:17

Ntɔ ntɔ waati iyi í gbe kù sɔ má Libãa ku baa ku kpɔò bɛi ikoi jĩi, nɔ ikoi jĩi nɔu ku baa ku yɛ bɛi agbo.

Ezai 5:5

Bɛbɛi, bɛi an cea jĩi ndii rezɛ̃ɛm nɔui ǹ wa n bi n sɔ̃ ŋɛ. An kpa ama jĩi ŋa iyi ǹ kaakoò ilɛui, nɔ mɛɛmu gaa ŋa a lɔ a jɔɔ. An lɛgɛ bindi iyi ǹ mau mɔi nɔ inɛ ŋa a lɔ a nɛ si.

Ezai 7:23

Nɔ si waati nŋu bɛ má, ikoi jĩi ndii rezɛ̃ɛ icu dubu iyi á jɛ sikilii isɔ fũfũ dubu, aa sa a jɔ̀a agũ ŋa bɛi.

Zeremi 13:26

An wu itĩi ibɔɛi hee ku naa si wajuɛ ku ba inɛ ŋa a yɛ basĩɛ.

Zeremi 26:18

si waatii Ezekiasi ilaalui Zudaa, walii gɔ í wɛɛ iyi à ya kpe Misee inɛi Moresɛti. Nŋui í ce walii í sɔ̃ zamaai Zudaa fei í ni, ide iyi Aɔ̃ Lafɛ̃ɛi lele do ilɛ í fɔ wee. Í ni, Siɔ̃ɔ á na ku yɛi bɛi iko iyi à logoo à nya fiiɛ, Zeruzalɛmu mɔ bɛi ilu iyi í cuku í ce geete, nɔ iri kuta bii kpasɛ̃i Aɔ̃ Lafɛ̃ɛ í wau mɔ á ce agboi, fɔfɔ ku biiɛ fei.

Zeremi 5:17

Aa naa a ce nfei mii ndu ŋɛ ŋai fei. Hai amaajɛ nŋɛ do sɔnda nŋɛ ŋa fei. Aa kpa ama inɛmɔkɔ do ama inaabo nŋɛ ŋa. Aa kpa angudã nŋɛ do kɛtɛ nŋɛ ŋa. Aa ce asɔɔi ikoi jĩi ndii rezɛ̃ɛ do ti figi nŋɛ ŋa. Igũ á ce nfei ilu ku nɛ gbugbã nŋɛ ŋa iyi ì waa kaabau ŋa.

Zeremi 8:13

Aɔ̃ Lafɛ̃ɛ í ni, bii ǹ bi ngɔgɔ ku ka bi tu ŋa, n ci ya n ba isoi rezɛ̃ɛ kãma si jĩi ndii rezɛ̃ɛ. N ci ya n ba isoi figi kãma si jĩi ndii figiu. Wua ŋau à gbɛ fei. Mii iyi ǹ tako ǹ na ŋau à bɛjɛɛ.

Ozee 13:8

An bata ŋɛi bɛi mbo iyi í kua amaɛ ŋa. An ga gɛndɛ nŋɛi. An ŋɔ ŋɛi bɛi muusu nla iyei ama í ya ce. Mɛɛmui sako ŋa aa gagaga ŋɛi.

Ozee 2:5

Bii kù jɛ bɛɛbɛ, an bɔ jĩnɛɛ ŋai fei mam mam, nɔ n jɔ̀ɔ basĩ bɛi si ajɔ iyi à búu. An jɔ̀ ku yɛi bɛi gbaa. Á baa ku yɛi bɛi ilɛ iyi í gbɛ kù nɛ mandi. An jɔ̀ ku kui do agbɛ.

Ozee 5:14

Ntɔ ntɔ, amu Aɔ̃ Lafɛ̃ɛ, an yɛi bɛi muusu nla bi inɛi Efaraimu ŋa, nɔ an yɛi bɛi muusu nla saasaabɔ bi inɛi Zudaa ŋa. Bii ǹ mu sɔndam, ǹ ya n gaai, si anyiɛ nɔ n nɛm. Ǹ ya n nɛòi, nɔ inɛ kãma ci ya gbaa.

Ozee 9:1

Izirɛli, maà jɔ̀ i wɛɛò inɔ didɔ̃. Maà jɔ̀ inɔ didɔ̃ ku la siɛ bɛi zamaa iyi ihɔ̃ ngu ŋa, domi ì fũsi Aɔ̃ Lafɛ̃ɛɛ awɔ ì koo ì waa tɔɔ iwɛ̃ ŋa. Nɔ ì ya maa bi a sãɛ ribai iwɛ̃ ŋa ku tɔɔ tengi bii à ya kpokpo bilee fei.

Misee 3:12

Na nŋu, na iri nŋɛ, Siɔ̃ɔ á yɛi bɛi ilɛ iyi à fa. Zeruzalɛmu á kpɔò bomma. Nɔ bɛɛbɛi iri kuta kumá bii kpasɛ̃i Ilaaɔ̃ í wau á baa ku yɛi bɛi agbo.