Ozee 2:11 - Bibeli do fee

¹¹ Na nŋu, bii waatii bilee ku mu í to, an naa n gba bileem nii, nɔ bii waatii isoi rezɛ̃ɛ ku fɔ̃ í to, an naa n gba vɛ̃ɛm nii. An naa n gba acɔ kusĩa ŋa iyi à waa bii basĩɛui.

Ozee 2:11 Iomraidhean Croise

Ilaalu 1, 12:32

Ŋɔi í jilɛ jingau si ajɔ maatũsiai cukpa mɛɛjɔsia bɛi jingau iyi à ya jɛ ilɛi Zudaau. Nɔ nŋu takaɛ í bɔ Betɛli í koo í cea ama kɛtɛ ŋa iyi í ceu kuwee ŋa si antaii bi kuweeu. Nɔ í jilɛ woo wee ŋa si ilei iwɛ̃ ŋa iyi í mau.

Zeremi 16:9

Ntɔ ntɔ amu Aɔ̃ Lafɛ̃ɛi lele do ilɛ, amu Lafɛ̃ɛi inɛi Izirɛli ŋa, ide iyi ǹ fɔ wee. An leekĩ ibai jingau ŋa, do anu ku dɔ̃i inɔ didɔ̃ ŋa, do iri ku kɔ̃i mudɛ̃ɛ do awaasũ ŋa iyi à so njɛ. Nɔ á cei si waati nŋɛ i maa yɔɔ ŋa.

Zeremi 25:10

An jɔ̀ ibai jingau ŋa ku kpa irii bi tu ŋɛ, do anu ku dɔ̃i inɔ didɔ̃ ŋa, do iri ku kɔ̃i abɔdɔ̃ ŋa. Nɔ an jɔ̀ ibai alɔ ŋa mɔ ku kpa irii do inya kumái fitila ŋa.

Zeremi 7:34

An jɔ̀ anu ku dɔ̃i inɔ didɔ̃ ku kpa iri si ilui Zudaa ŋa do si kpãai Zeruzalɛmu ŋa. Aa kaa ya gbɔ iri ku kɔ̃i abɔdɔ̃ ŋa má, domi ilɛu á kpɔò gbaa.

Ezekiɛli 26:13

An jɔ̀ iri ku kɔ̃ɛ ŋau a leekĩ, nɔ a kaa gbɔ imui mɔɔlɔɛ ŋa má.

Ozee 3:4

Ntɔ ntɔ, inɛi Izirɛli ŋa aa wɛɛi waati sisɔ hai nɛ ilaalu, nɔ a kaa nɛ inɛ ngbo ŋa. A kaa nɛ iwɛ̃ ŋa, nɔ a kaa ya ce kuwee ŋa, nɔ a kaa nɛ mii ŋa iyi à ya beeò idɔɔbii Ilaaɔ̃.

Ozee 5:7

Inɛ ŋau à zamba Aɔ̃ Lafɛ̃ɛi, domi à bí amu ŋa do abo ŋa iyi aŋaò ŋa a kù ce abɔdɔ̃. Na nŋu, hai ihɛ̃ ku bɔ cukpa akã, aa ce nfei ilɛ nŋaui do amani nŋa ŋa.

Kuwee 26:20

Aa ya ta gbugbã nŋɛ ŋai ngbɛ ngbɛ, ilɛ nŋɛ ŋa a kaa ya ce amaajɛ kãma, nɔ jĩi ndii ilɛ nŋɛ ŋau mɔ a kaa ya so iso kãma.

Amɔsu 5:21

Ǹ cé jingau nŋɛ ŋa iyi ì waa jɛ na irim ŋa nɔ n kù saalu ŋa, n kù bi inunui tuaei buki nŋɛ ŋa ku gbɔ.

Amɔsu 8:3

Amu Aɔ̃ Lafɛ̃ɛ ǹ ni, ajɔ nŋu bɛ, iri ŋa iyi aa maa kɔ̃ si kabai ilaalu fei, irii inɔ kufɔ ŋai á jɛ. Bii fei iku ŋai aa maa nyɔ. Nɔ ilu á maa cokoi.

Amɔsu 8:5

Iŋɛ iyi ì waa ni, waati yoomai cukpa titɔ̃ á lɔ ka bɛi ka naaò amaajɛ nwa ŋa ku ta wa. Waati yoomai ajɔi kusĩmi á lɔ ka bɛi ka cĩ suu nwa ŋa. Aa ka kaye gũai nɔ ka kɔ̃ɔsi fia. Aa ka fɔtɔtɔi kilooi ka zambaò inɛ ŋa.

Nahumu 1:10

Baa bii í jɛ à yɛ bɛi agũ ŋa iyi à tɔtɔɔ inya akã nkpɔ nkpɔ, aŋa iyi à ya mɔ atɛ̃ nŋa hee kú maa kpa ŋa, aa ce nfe nŋai mam mam bɛi ina í ya cea fɔfɔ ngbɛ.