Ozee 2:10 - Bibeli do fee

¹⁰ Abou kù mà iyi amui ǹ ya n tako n maa n mua nŋu sɔnda wo, do vɛ̃ɛ do ikpo. Amui ǹ muaa fia do wura, nɔ í soo í cea iwɛ̃ iyi à ya kpe Baali amuaɛ.

Ozee 2:10 Iomraidhean Croise

Bomma 2, 24:7

Ntɔ ntɔ, Atali abo laalɔu do amaɛ ŋa à bɛjɛ kpasɛ̃i Ilaaɔ̃u nɔ à so mii ŋa iyi à nya ikã a jɛ ti Aɔ̃ Lafɛ̃ɛu fei à ceaò iwɛ̃ Baali icɛ.

Iri ku kɔ̃ 50:22

I ce laakai nɔ i sotĩ i gbɔ ŋa, iŋɛ iyi ì gbɛjɛ idei amu Ilaaɔ̃ ŋa. Bii kù jɛ bɛɛbɛ an na n gagaga ŋɛ nɔ inɛ gɔ kaa gba ŋɛ.

Mɔnda ŋa 11:21

Ntɔ ntɔ inɛ laalɔ fei á yɛ ijuukpã, amma tɔkui inɛ dee dee ŋa aa ba faaba.

Ezai 3:17

Na nŋu, Aɔ̃ Lafɛ̃ɛ á jɔ̀ ntoi iri nŋa ŋa a wɔi a baa a gbe hai nɛ nto, nɔ ku jɔ̀ ŋa basĩ.

Zeremi 13:22

Waati bɛɛbɛ, aa bee araɛ ide i maa ni, na mii í jɔ̀ mii nɔu ihɛ̃ wa bam. Na kurara nkpɔ nkpɔɛ ŋaui í jɔ̀ itĩi ibɔɛ ŋau wa nya, nɔ ì waa ba kumɛɛ ntɔ ntɔ si cicĩisɛɛ ŋa.

Zeremi 13:26

An wu itĩi ibɔɛi hee ku naa si wajuɛ ku ba inɛ ŋa a yɛ basĩɛ.

Ezekiɛli 16:16

Ì so jĩnɛ jiidaɛ ŋa ì koo ì ceò boodai ilei iwɛ̃ɛ ŋa ì bɛi ì waa ceò si sakaraɛ. Mii iyi ì ceu bɛ, a kù yɛ dimiɛ nɔ kaa ce má ajɔ kãma.

Ezekiɛli 16:19

Ǹ naɛ pɛ̃ɛm do iyafũ jiida, do ikpoi olivi do nyikɔ̃ í jɛ sɔndaɛ. Amma ì so fei ndɛɛ ì koo ceaò iwɛ̃ɛ ŋau kuwee iyi í nɛ inunu jiida. Bɛɛbɛi ì ce. Amu Aɔ̃ Lafɛ̃ɛi ǹ fɔ bɛɛbɛ.

Ezekiɛli 23:29

Aa ceɛ laalɔi si yaase bɛi à céɛ. Amani iyi ì ba si icɛɛ fei, aa kooi a jɔ̀ɛ ngbɛ. Aa jɔ̀ɛi basĩi si wajui inɛ ŋa bɛi ì ya maa ceò sakarau.

Ozee 10:1

Izirɛli í yɛi wo bɛi jĩi ndii rezɛ̃ɛ iyi í ya so jiida jiida. Do yaase bɛi í ya maa so nkpɔ nkpɔu bɛ, bɛɛbɛ mɔi bi kuweeɛ ŋau í kpɔ wa kɔ̃ɔsi. Do yaase bɛi ilɛɛu í sĩa wa koo, bɛɛbɛ mɔi í ya maa ce booda si kuta ŋa iyi í gũ à jɛ iwɛ̃ɛ ŋau.

Ozee 13:1

Waati iyi Efaraimu wa fɔ ide fei, zigii inɛ ŋa í ya dai, domi í nɛ gbugbã ntɔ ntɔ si Izirɛli. Amma í so taale si na iyi í jɔ̀ iwɛ̃ iyi à ya kpe Baaliu bɛi í ya tɔɔ, nɔ í ku.

Ozee 2:3

I sɔ nyaanze nŋɛ ŋa Ammi, waatɔ zamaam ŋa, do Ruhama, waatɔ awɔ iyi à ce araareɛ.

Ozee 6:9

Do yaase bɛi wuaai sooge ŋa, à ya maa manjia inɛ ŋa ku ba a kpa ŋa, do yaase bɛɛbɛi wuaai woo wee ŋau à ya manjia inɛ ŋa a maa kpa ŋa si kpãai Sikɛmu. Nɔ iyi bɛ, mii laalɔi.

Misee 5:8

Iŋɛ tɔkui Zakɔbu ŋa, i dede si mbɛɛ nŋɛ ŋa, nɔ i kpa ŋa fei ŋa.

Kɔrɛnti 1, 4:5

Na nŋu, i maà kiiti inɛ kãma hai waati iyi Ilaaɔ̃ í jilɛu kù to. I degbe ajɔ iyi Lafɛ̃ɛ á nyi wa ŋa. Mii iyi wa manji si ilu kuku fei á jɔ̀ ku fita bantuma, nɔ ku jɔ̀ a mà lasabui idɔi amanɛ ŋa. Waati bɛɛbɛi, inɛ fei á gbɔ saabu iyi í jɛ tɛɛ hai bi Ilaaɔ̃.