Ozee 2:1 - Bibeli do fee

¹ Ajɔ wa naa si bii inɛi Izirɛli ŋau aa na a kpɔ hee ku caa, hee a kaa yɔkɔ a ka ŋa bɛi sãai itĩi tenku iyi inɛ kaa yɔkɔ ku kaa. Nɔ tengi bii Ilaaɔ̃ í tako í sɔ̃ ŋa wo í ni, i kù jɛ zamaam ŋa, á nyi ku kpe ŋa má ku ni, amai amu Ilaaɔ̃ ilu hunde.

Ozee 2:1 Iomraidhean Croise

Kusintii Andunya 22:17

an weeɛ do ntɔ nɔ n jɔ̀ dimiɛ ku kpɔ bɛi leleaɔ̃ walakɔ bɛi sãai itĩi tenku, nɔ a kãmia mbɛɛ nŋa ŋa má.

Zeremi 31:33

Amma akabuu iyi an dĩ do inɛi kpasɛ̃i Izirɛli ŋa si anyii ajɔ nŋu ŋau bɛ wee. An jɔ̀ woodam ku wa si ŋai. Woodau, an kɔɔi si idɔ nŋa. An jɛ Aɔ̃ Lafɛ̃ɛ nŋa, nɔ aŋa mɔ aa jɛ inɛm ŋa.

Zeremi 32:38

Aa jɛ inɛm ŋa, nɔ amu mɔ an jɛ Aɔ̃ Lafɛ̃ɛ nŋa.

Zeremi 51:5

[Bɛɛbɛi á ce,] si na iyi í jɔ̀ Aɔ̃ Lafɛ̃ɛi lele do ilɛ kù fũsi Izirɛli do Zudaa awɔ, baa do iyi à ce kurara nkpɔ nkpɔ si ilɛ nŋau si gãmɛi Inɛ Kumái Izirɛliu.

Ezekiɛli 11:20

Do yaase bɛɛbɛ, aa too si ikɔm ŋa nɔ aa ceò woodam ŋa icɛ. Aa jɛ inɛm ŋa nɔ amu mɔ an jɛ Ilaaɔ̃ Lafɛ̃ɛ nŋa.

Ezekiɛli 36:11

Amanɛ ŋa do mɛɛmu ŋa aa kpɔ a kɔ̃ɔsii si ilɛu bii fei. Aa kpɔ, nɔ aa ba tɔku ŋa bututu. Zamaa nŋa á kpɔi bɛi ti takou, nɔ amani nŋa á re ti tako si ilɛu fei. Do yaase bɛɛbɛi, aa mà iyi amui ǹ jɛ Aɔ̃ Lafɛ̃ɛ nŋa.

Ezekiɛli 36:28

Aa wa si ilɛ iyi ǹ na bala nŋɛ ŋau. Aa jɛ inɛm ŋa nɔ an jɛ Ilaaɔ̃ Lafɛ̃ɛ nŋɛ.

Ezekiɛli 37:27

An wa si anini nŋa, n jɛ Ilaaɔ̃ Lafɛ̃ɛ nŋa, nɔ aŋa mɔ a jɛ inɛm ŋa.

Ozee 2:2

Waati bɛɛbɛi inɛi Zudaa ŋa do inɛi Izirɛli ŋau aa tɔtɔɔ njɛ nɔ a so inɛ akã ku jɛ inɛ ngbo nŋa, nɔ aa fita hai si ilɛui, domi ajɔi Yizireɛliu, ajɔ nla nlai á jɛ.

Ozee 2:23

Ŋɔi Aɔ̃ Lafɛ̃ɛ í ni má, ajɔ nŋu bɛ bukaatai mii iyi lele í bi an naa. Nɔ lele mɔ á na ilɛ bukaatai mii iyi wa cɔ siɛ.

Zakari 13:9

Ikɔ akã iyi í gbeu an dasi ŋa ina n yɔɔ bɛi à ya yɔ isɔ fũfũ do wura si ina a nya jiidaɛ. Amui aa ya tɔɔ nɔ an ya n gbɔ kutɔɔ nŋa. An kpe ŋa zamaam nɔ aŋa mɔ aa ni, Aɔ̃ Lafɛ̃ɛi í jɛ Lafɛ̃ɛ nwa.

Kɔrɛnti 2, 4:1

Ilaaɔ̃i í da nwa icɛu si awɔ na jiida ku jɛɛ. Nŋui í jɔ̀ a kù mɔngɔ munya.

Timɔtee 1, 1:13

baa do iyi ǹ ya n maa n fɔ laalɔɛ wo nɔ ǹ ya n maa n kpãa iju nɔ idɔɔkɔ̃m ci ya jĩ. Do nŋu fei, í ce araarem si bɛi n kù mà mii iyi ǹ wa n ce, si na iyi í jɔ̀ n kù dasiɛ naanɛ wo.

Piɛɛ 1, 2:10

Tako wo i kù jɛ dimi ŋa iyi inɛ gɔ í mà, amma nsɛi ì jɛ inɛi Ilaaɔ̃ ŋa. Tako wo araarei Ilaaɔ̃ kù wa si nŋɛ, amma nsɛi ì ba í ce araare nŋɛ.