Ozee 14:3 - Bibeli do fee

³ Na nŋu, i sinda i nyi wa bi Aɔ̃ Lafɛ̃ɛ nɔ i sɔ̃ɔ ŋa i ni, ce nwa suurui kurara nwa ŋau fei, nɔ i gba wa do jiida ku jɛ. Idei gɛlɛ nwa ŋai aa jɛ kuwee iyi aa ka maa ceɛ.

Ozee 14:3 Iomraidhean Croise

Bomma 2, 16:7

Si waatiu bɛ, walii Hanani í bɔ bi Aza ilaalui Zudaau nɔ í sɔ̃ɔ í ni, si na iyi í jɔ̀ i kù na gbugbã si Aɔ̃ Lafɛ̃ɛɛ í gbe si ilaalui Siri, nŋui í jɔ̀ soogei inɛi Siri ŋau à fita hai si awɔɛ.

Iri ku kɔ̃ 10:14

Awɔ Aɔ̃ Lafɛ̃ɛ, ì waa yɛ mii fei, bitandii ilu are do wahalaɛ fei ì waa yɔɔ. Mii iyi í ba hai nɛ gbugbã fei awɔi í ya jɔ̀a, nɔ awɔi ì ya naa i sobi kɔyɔ ŋa.

Iri ku kɔ̃ 146:3

I maà jɔ̀ naanɛ nŋɛ ku wa si inɛ nlai andunya ŋau ihɛ̃ ŋa. Aŋa mɔ amanɛ ŋai, a kaa yɔkɔ a faaba inɛ.

Iri ku kɔ̃ 146:9

Aɔ̃ Lafɛ̃ɛi í ya maa mu inɛ njoo ŋa. Í ya maa gbɔa kɔyɔ ŋa do jaaɔ̃ ŋa. Amma í ya kɛkɛ lasabui ilu inɔ kukã.

Iri ku kɔ̃ 33:17

Masa iyi naanɛɛ í wa si acĩɛ, kaa jɛ igũ. Do gbugbã nla nlai acĩu fei, kaa yɔkɔ ku faabaɛ.

Iri ku kɔ̃ 68:5

I kɔ̃a Ilaaɔ̃ iri ŋa, i kɔ̃ iri na bɛɛrɛɛ ŋa. I teesea kpãa ŋa, nŋu iyi í gũ acĩ wa baa hai jĩijĩ. Aɔ̃ Lafɛ̃ɛi í jɛ iriɛ. I wɛɛò inɔ didɔ̃ ŋa si wajuɛ.

Ezai 1:29

Ntɔ ntɔ aa yɛ anyɔ ŋai si na iyi í jɔ̀ ì nɛ buki ŋa iyi ì ya maa ce si abɛ jĩi ŋau ihɛ̃ ŋa nɔ bɛi idɔ nŋɛ fei í wa. Aa yɛ inɔ kufɔ ntɔ ntɔ ŋa si na iyi í jɔ̀ ì cica jĩi ndii lambo ŋau ihɛ̃ a jɛ bi ku ce buki nŋɛ ŋa.

Ezai 2:20

Ajɔ nŋu bɛ, iwɛ̃ ŋa iyi inɛ ŋa à ce do isɔ fũfũ, do iyi à ce do wura ŋa, nɔ à ya maa sɛɛbata nŋau, fei ndɛɛ aa dikãa boli ŋa do adã ŋai.

Ezai 27:9

Do yaase bɛɛbɛi í kpaò kurarai dimii Zakɔbu. Mii iyi suurui dulum iyi à ceau á bí wee. Aa lɛgɛ kuta ŋa iyi à ceò bi kuweeu feii hee a nya fufu nŋa. Nɔ inɛ kaa yɛ jĩi ŋa iyi à gũ na iwɛ̃ Asera ŋau a maa leekĩ má, nɔ bi ku jo tuae ŋau mɔ a kaa maa leekĩ má.

Ezai 30:16

Ì fɔ ŋai ì waa ni ŋa, aawo, aa ka sai do acĩ. Na ŋɔi í jɔ̀ aa sa ŋa. Ì waa fɔ má ŋa ì waa ni acĩ ŋa iyi à gbãai aa gũ ŋa. Amma inɛ ŋa iyi aa maa lele ŋɛ ŋau mɔ aa gbãa a re ŋɛ.

Ezai 30:2

Í ni inɛ ŋau à ya bɔ Ezibitii, amma a ci ya sabuu nŋu ide kãma. À ya koo bɛi a koo a manji si ile ku nɛ gbugbãi ilaalu Faraɔ̃. Ilɛi Ezibitiui í jɛ bi ku bɔ ku manji nŋa.

Ezai 31:1

Inɔ kufɔi á jɛ ti inɛ ŋa iyi aa bɔ Ezibiti ku ba a ba sobi. Acĩ ŋai à waa kaaba, nɔ naanɛ nŋa í wa si sarɛti ku ja igũ ŋa si na iyi í jɔ̀ à kpɔ, do si masa ŋa, domi à nɛ gbugbã ntɔ ntɔ. Amma a kù sinda ikpa bi Aɔ̃ Lafɛ̃ɛ Inɛ Kumái Izirɛliu, nɔ a kù bee lasabuɛ.

Ezai 31:3

Inɛi Ezibiti ŋa, amanɛ ŋai. A kù nɛ gbugbã kãma bɛi Ilaaɔ̃. Acĩ nŋa ŋa, mɛɛmu ŋai. A kù nɛ gbugbã bɛi Ilaaɔ̃. Bii Aɔ̃ Lafɛ̃ɛ í wu awɔ, inɛ iyi wa naa faaba á koosɛi, nɔ inɛ iyi wa bi ku faabau ku cuku ilɛ. Tengi bɛi á jɛ iri ku kpai aŋa minji fei.

Ezai 36:8

Bɛbɛi, ǹ wa n tɔɔɛi, jɔ̀ awɔ do lafɛ̃ɛm ilaalui Asiri i fɔ ide gɔ i jilɔɔ ŋa. Amu an naɛ acĩ dubu minji (2.000) bii í jɛ aa ba masa ŋa iyi aa gũ ŋa.

Zeremi 49:11

Aa sa i jɔ̀ ama nŋɛ ŋa kɔyɔ ŋai, amma amui an jɔ̀ a wɛɛ, nɔ amui jaaɔ̃ nŋɛ ŋau aa dasi naanɛ.

Ezekiɛli 36:25

An fã si ŋɛ inyi kumá iyi á jɔ̀ i maaju ŋa. An jɔ̀ i maaju ŋai hai si riisi nŋɛ ŋa fei, do hai si riisi iyi iwɛ̃ nŋɛ ŋa à dasi ŋɛ fei.

Ezekiɛli 37:23

A kaa riisi ara nŋa do iwɛ̃ nŋa ŋa ku tɔɔ do kuce laalɔ nŋa ŋa do kurara ikã ikã nŋa ŋa má. An nya ŋai hai si mii ŋa iyi a kù jɛ dee dee iyi à ce, nɔ n jɔ̀ a maaju si wajum. Aa jɛ inɛm ŋa nɔ amu mɔ an jɛ Ilaaɔ̃ Lafɛ̃ɛ nŋa.

Ozee 12:1

Ŋɔi Aɔ̃ Lafɛ̃ɛ í ni, zamaai Efaraimu í kaakom nii do muafiti, nɔ inɛi Izirɛli ŋa mɔ à biim nii do zamba. Inɛi Zudaa ŋai à waa nɛ do amu Ilaaɔ̃ amma aŋa mɔ a kù leekĩ dee dee, domi a kù fũsi iwɛ̃ ŋa awɔ.

Ozee 13:2

Nsɛi wee à waa mɔsi do dulum du ŋa ku ce má. À ya yɔ isɔ fũfũ ŋai a ceò iwɛ̃ ŋa. À ya ce iwɛ̃ ŋaui si bɛi aŋa taka nŋa à lasabu. Woo ce icɛi awɔ ŋai à ya ce fei ndɛɛ. À ya fɔi si gãmɛ nŋa a maa ni, inɛ ŋa à waa ce kuwee do amanɛ ŋa, nɔ à ya maa tɔɔ ama kɛtɛ kombo ŋa.

Ozee 14:8

Inɛ ŋa iyi à ya maa buba si jĩjĩɛ ŋau, aa sinda a baai. Aa ya nyi a gbɛ̃ bilee ŋa má, nɔ kuwɛɛ nŋa á maa bɔ wajui bɛi jĩi ndii rezɛ̃ɛ. Iri nŋa á bɔ bii feii bɛi ti vɛ̃ɛi Libãa.

Ozee 2:17

Nɔ hai tengi bɛ, an sindoa jĩi ndii rezɛ̃ɛɛ ŋa, nɔ n jɔ̀ lɔɔmai Akɔɔ ku baa ku jɛ bɛi andɛ koofai kpãa ku cɔ. Hai waati bɛɛbɛ, á maa toom nii bɛi si waatii mudɛ̃ɛɛ, bɛi si waatii kufitaɛ wa hai ilɛi Ezibiti.

Ozee 4:12

Zamaam nɔu, jĩi iyi í gbe í jɛ iwɛ̃ɛi í ya maa bee ide. Jĩi nɔui í ya jɛaa. Lasabui iwɛ̃ ŋa ku tɔɔi í naa si ŋa nɔ í jɔ̀ à nyɔ. Nŋui í jɛ bɛi sakara iyi à ya maa ce, nɔ à fɛɛfɛ do amu Aɔ̃ Lafɛ̃ɛ nŋa.

Ozee 5:13

Inɛi Efaraimu ŋa à yɛ bɔ̃ɔ iyi aŋa à nɛ, nɔ inɛi Zudaa ŋau mɔ à yɛ juju iyi aŋa à nɛ. Efaraimu í dede í bɔ Asiri, nɔ í bɛ inɛ ŋa bi ilaalui Yarɛbu. Amma ilaaluu bɛ kaa yɔkɔ ku jɔ̀ a ba iri, nɔ kaa ba nŋa iwɔi jujuu.

Ozee 7:11

Inɛi Efaraimu ŋa à yɛi bɛi ankasiidi. Lasabu nŋa kù jĩisa nɔ a kù nɛ bisi. Inɛi Ezibiti ŋai à kpe. Si anyiɛ, nɔ à dede à nɛ ilɛi Asiri.

Ozee 8:6

Kɛtɛ kombo saasaabɔ nŋɛu wa naai hai Izirɛli. Iwɛ̃i, kù jɛ Ilaaɔ̃. Woo ce icɛi awɔ gɔi í coo. Na nŋu, kɛtɛ kombo saasaabɔi Samariu, aa bububuui.

Ozee 8:9

À dedei à nɛ ilɛi Asiri. A kù yɛi bɛi sɛnga iyi í wɛɛ nŋu akãɛ. Inɛi Efaraimu ŋa aa sãi na akabuu iyi à dĩ do inɛi ilɛ mmu ŋau.

Zonasi 2:10

Amma amu an ceɛ kuwee, an saabuɛ, an kɔ̃ kuwã ŋa iyi ǹ ceɛu, domi Aɔ̃ Lafɛ̃ɛ, awɔ akãi ì ya faaba amanɛ.

Zakari 13:2

Aɔ̃ Lafɛ̃ɛi lele do ilɛ í ni, an nya iwɛ̃ ŋau hai si ilɛu nɔ inɛ gɔ kaa ye gigi nŋa má hee a maà kpe iri nŋa. An nya walii ilu ibo ŋau mɔ nɔ n nya lasabu sãmi hai si idɔ nŋa.

Laabaau jiida iyi Zãa í kɔ 14:18

N kaa n jɔ̀ ŋɛ kɔyɔ. An na n nyi wa bi tu ŋɛ má.

Wooda ku kɔsi 17:16

Inɛ iyi á jɛ ilaalu nŋɛ, kù sĩa ku nɛ acĩ bututu, nɔ kù sĩa ku bɛ inɛ ŋa a koo a raa wa hai ilɛi Ezibiti, domi Aɔ̃ Lafɛ̃ɛ í ni i kaa nyi si ilɛu bɛ má ŋa.