Ozee 14:1 - Bibeli do fee

¹ Inɛi ilui Samari ŋa à nɛ a yɛ ijuukpãi kurara nŋai si na iyi í jɔ̀ à ce ide ku kɔ̀ bi Aɔ̃ Lafɛ̃ɛ nŋa. Na nŋu, igũi á naa si ŋa ku kpa ŋa. Aa tɛɛsɛ ama kpɔtɔɔ nŋa ŋai, nɔ a pũ inaabo bãasĩ nŋa ŋa.

Ozee 14:1 Iomraidhean Croise

Ilaalu 2, 8:12

Ŋɔi Hazaɛli í beeɛ í ni, na mii í ce ì waa kpata, lafɛ̃ɛm. Nɔ í jɛaa í ni, si na iyi í jɔ̀ ǹ yɛ laalɔ iyi aa na i cea inɛi Izirɛli ŋai. Awɔi aa jo ilu ku nɛ gbugbã nŋa ŋa, aa kpa awaasũ nŋa ŋa do taakuba, aa tɛɛsɛ ama nŋa ŋa i kpa ŋa, nɔ i pũ abo bãasĩ nŋa ŋa.

Ezai 19:22

Waati iyi Aɔ̃ Lafɛ̃ɛ á cã inɛi Ezibiti ŋa ku mɛɛ ŋa ku tã, á nyi ku jɔ̀ a ba iri má. Aŋa taka nŋa aa sinda a nyi wa bi titɛɛ. Á gba kutɔɔ nŋa nɔ ku jɔ̀ a ba iri.

Zeremi 2:19

Inɔ kukãɛi á jɔ̀ i ba ijuukpã, nɔ dee dee hai jɛɛi á jɔ̀ i yɛ bɔ̃nɛ. Do yaase bɛɛbɛ, aa mà iyi mii iyi ì ce í jɛ laalɔ nɔ í ro. Ì fũsi amu Aɔ̃ Lafɛ̃ɛɛ awɔ nɔ i kù mà bɛɛrɛm. Amu Aɔ̃ Lafɛ̃ɛi lele do ilɛ, amui ǹ fɔ bɛɛbɛ.

Zeremi 4:1

Ŋɔi Aɔ̃ Lafɛ̃ɛ í ni, awɔ Izirɛli bii ì sinda ì nyi wa bi tom, nɔ i kù waa mɔsi do laalɔɛ ŋau ku ce si wajum, i kaa nɛ i maa sa hai nɛ kɔɔ má.

Kukpata 5:16

Bɛɛrɛ nwa í kpa iri. Irei ì gbɔ wahala nla nla na dulum iyi à ce.

Ezekiɛli 16:46

Igbãɛ iyi í wa ikpa awɔ cangaɛ, Samarii do ama inaaboɛ ŋai, nɔ ifɔɛ iyi í wa ikpa awɔ njɛɛ, Sodomu do ama inaaboɛ ŋai.

Ezekiɛli 33:11

Na nŋu, koo i sɔ̃ ŋa iyi amu Aɔ̃ Lafɛ̃ɛ ǹ ni, hee do kuwɛɛm fei, n kù bi ikui inɛ laalɔ. Iyi ǹ bii í jɛ, ku jɔ̀ kpãa laalɔɛ nɔ ku wɛɛ. Iŋɛ inɛi Izirɛli ŋa, i jɔ̀ laalɔ ku ce nŋɛ. Na mii í jɔ̀ ì waa bi i ku ŋa.

Ezekiɛli 33:14

Bii ǹ sɔ̃ inɛ laalɔ gɔ ǹ ni á ku, bii í jɔ̀ laalɔu nɔ wa ce iyi í jɛ dee dee do iyi í jɛ ntɔ, kaa ku.

Ozee 10:12

I gbɛ̃a ara nŋɛ iyi í jɛ dee dee ŋa, nɔ i da zaka bɛi dee dee ku jɛ nŋɛu í to. I da iko titɔ̃ ŋa. Waati í to i dɛdɛ Aɔ̃ Lafɛ̃ɛ ŋa hee ku maa to waati iyi á baa nɔ ku jɔ̀ dee dee ku jɛɛ ku bii si ŋɛ.

Ozee 12:6

Lafɛ̃ɛi í jɛ Aɔ̃ Lafɛ̃ɛi lele do ilɛ, Aɔ̃ Lafɛ̃ɛi í jɛ iri iyi à ya kpoo do.

Ozee 12:8

Gũa ibo ŋai inɛi Kanaã ŋa à waa mu si awɔ. À ya bi inɛ ŋa ku zambai.

Ozee 13:9

Izirɛli, mii iyi wa ce nfeɛi í jɛ iyi i kù bim. I kù bi amu iyi an yɔkɔ n faabaɛ.

Ozee 4:8

Kuwee ŋa iyi inɛm ŋa à naaò wa na dulum du ŋa, nŋu ŋai à ya maa jɛ. Na nŋu, à ya maa tale si ŋa dulum ku cei.

Ozee 5:5

Faaui inɛi Izirɛli ŋai í jɛ sɛɛdai kuce nŋa. Inɛi Izirɛli do inɛi Efaraimu ŋau à koosɛi na kurara nŋa, nɔ inɛi Zudaa ŋau mɔ à koosɛ do aŋa.

Ozee 6:1

Aa na i fɔ i maa ni ŋa, ka koo, ka nyi bi Aɔ̃ Lafɛ̃ɛ. Nŋui í mɛɛ wa, nɔ nŋui á jɔ̀ kumɛɛu ku tã. Nŋui í cã wa, nɔ nŋui á jɔsi kumɛɛ nwa ŋau iwɔ.

Ozee 9:13

Waati iyi ǹ yɛ Efaraimu, í yɛi bɛi jĩi ndii kpakpa tengi bii mandi í wa. Amma Efaraimu í nɛ ku fitaò amaɛ ŋa wai bi woo kpa inɛu.

Ozee 9:7

Waati si bii Aɔ̃ Lafɛ̃ɛ á sã nŋɛ gbesei mii ŋa iyi ì ce ŋau fei mbɛ ŋa. Ntɔ ntɔ, waati si bii inɛ fei á ba ribai mii ŋa iyi ì ce ŋau mbɛ, nɔ inɛi Izirɛli ŋa à nɛ a mài. Ì ya fɔ ŋa i maa ni, waliiu ihɛ̃ í sũmui. Ì ya fɔ má ŋa i ni, inɛ iyi hundei Ilaaɔ̃ í wa siɛu ihɛ̃ wa fɔ ide hai nɛ yaase. Ntɔ ntɔ bɛɛbɛi, amma iyi bɛ ŋau bɛ fei, na laalɔ nkpɔ nkpɔ ku ce nŋɛ ŋai, do ide ku kɔ̀ nŋɛ do gbugbã nla nla.

Amɔsu 1:13

Aɔ̃ Lafɛ̃ɛ í ni, dulum dii inɛi Amɔɔ ŋa í la. Na nŋu, an jɔ̀ ijuukpã ku ba ŋai ntɔ ntɔ, domi aŋai à pũ inaabo bãasĩ ŋa si ilui Galaadi, ku ba a kɔ̃ɔsi kulai ilɛ nŋa.