Ozee 13:9 - Bibeli do fee

⁹ Izirɛli, mii iyi wa ce nfeɛi í jɛ iyi i kù bim. I kù bi amu iyi an yɔkɔ n faabaɛ.

Ozee 13:9 Iomraidhean Croise

Bomma 2, 28:23

Í cea iwɛ̃i Damasi ŋa iyi à jɔɔ igũ ŋau kuwee. Nɔ í fɔ si inɔɛ wa ni, si bɛi iwɛ̃i ilaalui Siri ŋa à ya sobi ŋa, amu mɔ an ce nŋa kuweei ku ba a naa a sobim. Amma iwɛ̃ ŋa ku tɔɔui í jɔ̀ nŋu do inɛi Zudaa ŋau fei à ce nfe.

Iri ku kɔ̃ 146:5

Ilu inɔ didɔ̃i inɛ iyi Aɔ̃ Lafɛ̃ɛi Zakɔbu í jɛ woo faabaɛ, nɔ kpãa ku cɔɛ í wa si Aɔ̃ Lafɛ̃ɛɛ.

Iri ku kɔ̃ 33:20

Awa, Aɔ̃ Lafɛ̃ɛi à waa kaaba, nŋui á sobi wa nɔ nŋui á degbe wa bɛi tɛli.

Iri ku kɔ̃ 46:1

Iriu ihɛ̃ ti inɛ ngboi woo kɔ̃ iri ŋai do amai Kore ŋa. À ya kɔ̃ɔi do imu ngbɛ.

Mɔnda ŋa 6:32

Amma inɛ iyi í lɛlɛ inaabo aŋaò à ce sakara nnyɛii. Inɛ iyi í ce bɛɛbɛ, á ce nfei.

Mɔnda ŋa 8:36

Amma inɛ iyi kù bam wa cea araɛ laalɔi. Inɛ ŋa iyi à cém fei à bi ikui.

Ezai 3:11

Amma inɛ laalɔ ŋa, inɔ kufɔi á jɛ tu ŋa, domi a kù wa si kpãa jiida, nɔ mii iyi à ce, nŋui aa sã nŋa.

Ezai 3:9

Kucei aŋa tii taka nŋai wa jɛ sɛɛdai laalɔ ku jɛ nŋa. À waa ce dulum nii bɛi inɛi Sodomu ŋa, a kù waa singaɛ mɔm. Inɔ kufɔi á jɛ tu ŋa, domi sɔɔlui inɔ kufɔi à waa cea ara nŋa.

Zeremi 2:17

I kù yɛ iyi inɛ bɛ ŋa fei wa baɛi si na iyi í jɔ̀ ì fũsi Aɔ̃ Lafɛ̃ɛɛ awɔ si waati iyi í gbãɛ wa nɛòɛ si kpãa jiida?

Zeremi 2:19

Inɔ kukãɛi á jɔ̀ i ba ijuukpã, nɔ dee dee hai jɛɛi á jɔ̀ i yɛ bɔ̃nɛ. Do yaase bɛɛbɛ, aa mà iyi mii iyi ì ce í jɛ laalɔ nɔ í ro. Ì fũsi amu Aɔ̃ Lafɛ̃ɛɛ awɔ nɔ i kù mà bɛɛrɛm. Amu Aɔ̃ Lafɛ̃ɛi lele do ilɛ, amui ǹ fɔ bɛɛbɛ.

Zeremi 4:18

Zeruzalɛmu, mii iyi wa baɛ, wa naai hai si kuceɛ do si inɔ kukãɛ. Ntɔ ntɔ wahala iyi í baɛu í caa, nɔ wa gũɛi hee si idɔ.

Zeremi 5:25

Na laalɔ ku ce nŋɛ ŋai í jɔ̀ mii ŋau a ci ya ce si waati nŋa. Dulum du ŋɛ ŋai à jɔ̀ ì kua mii jiida ŋau bɛ ŋa.

Ozee 13:4

Izirɛli, amui ǹ jɛ Aɔ̃ Lafɛ̃ɛɛ hai waati iyi ǹ nyaɛ wa hai ilɛi Ezibiti. I kù mà Ilaaɔ̃ mmuɛ kãma gɔ má bii kù jɛ amu. Nɔ woo faaba mmu gɔ kù wɛɛ má bii kù jɛ amu.

Ozee 14:1

Inɛi ilui Samari ŋa à nɛ a yɛ ijuukpãi kurara nŋai si na iyi í jɔ̀ à ce ide ku kɔ̀ bi Aɔ̃ Lafɛ̃ɛ nŋa. Na nŋu, igũi á naa si ŋa ku kpa ŋa. Aa tɛɛsɛ ama kpɔtɔɔ nŋa ŋai, nɔ a pũ inaabo bãasĩ nŋa ŋa.

Ozee 7:14

A ci ya dɔ̃ anu wa ikpa bi tom do idɔ nŋa fei. Amma à ya maa dɔ̃ anui si antaii daayi nŋa. À ya tɔtɔɔi ku ba a ba bilee do vɛ̃ɛ, nɔ à ya maa jĩim nii.

Ozee 7:15

Amui ǹ na ŋa ikɔ, nɔ ǹ jɔ̀ à nɛ gbugbã, amma sɔɔlui laalɔi à waa ce si gãmɛm.

Malasi 1:12

Amma iŋɛ ì waa riisi irim ŋai, domi ì waa ni ŋa, bi kuweei Aɔ̃ Lafɛ̃ɛu í riisi nɔ sɔnda ncɛɛ kãma kù wa si.

Malasi 1:13

Ì ya fɔ i maa ni ŋa icɛ ngbɛi ì waa cea ara nŋɛ. I kù saalum ŋa. Ì ya maa ceem kuwee do mɛɛmu ŋa iyi ì ce ile wa ŋa, do iyi kutɛɛ kù waa nɛ baani, walakɔ iyi wa ce bɔ̃ɔ. Kuwee ŋa iyi ì waa ceem ŋa mbɛ. Ì waa tamaa si bɛi an gba ŋa ŋai?

Malasi 1:9

Nsɛi, i tɔɔ amu Aɔ̃ Lafɛ̃ɛ nŋɛ ku ba n ce nŋɛ didɔ̃. Ì waa tamaa an gba ŋɛ do inɔ akã ŋai? Aawo, domi laalɔi ì ce ŋa. Amu Aɔ̃ Lafɛ̃ɛi lele do ilɛi ǹ fɔ bɛɛbɛ.

Wooda ku kɔsi 33:26

Ŋɔi Moizi í nyi í ni má, Yesurunu, iwɛ̃ kãma kù yɛ bɛi Aɔ̃ Lafɛ̃ɛɛ. Si bɛɛrɛ nla nlaɛ, í ya gũ kudũi ijĩ wai bɛ acĩ ku naa ku faabaɛ.

Wooda ku kɔsi 33:29

Iŋɛ ilu inɔ didɔ̃ ŋai iŋɛ inɛi Izirɛli ŋa. Iŋɛ akãi ì jɛ zamaa iyi Aɔ̃ Lafɛ̃ɛ í faaba. Aɔ̃ Lafɛ̃ɛi í jɛ tɛli iyi wa degbe ŋɛ. Nŋui í jɛ taakuba iyi í jɔ̀ ì waa jɛ igũ ŋa. Mbɛɛ nŋɛ ŋa aa ya naa a tɔɔ i ce araarei aŋai, nɔ iŋɛi aa kɛkɛ faau nŋa ŋa.