Ozee 13:4 - Bibeli do fee

⁴ Izirɛli, amui ǹ jɛ Aɔ̃ Lafɛ̃ɛɛ hai waati iyi ǹ nyaɛ wa hai ilɛi Ezibiti. I kù mà Ilaaɔ̃ mmuɛ kãma gɔ má bii kù jɛ amu. Nɔ woo faaba mmu gɔ kù wɛɛ má bii kù jɛ amu.

Ozee 13:4 Iomraidhean Croise

Ilaalu 2, 18:35

Si inɔi iwɛ̃i ilɛ ŋau bɛ fei, yooma nŋai í yɔkɔ í faaba ilɛɛ hai si awɔm, Aɔ̃ Lafɛ̃ɛ mɔ ku bɛi ku yɔkɔ ku faaba Zeruzalɛmu hai si awɔm.

Ezai 43:3

Ntɔ ntɔ, amui ǹ jɛ Aɔ̃ Lafɛ̃ɛɛ Inɛ Kumái Izirɛli iyi í jɛ woo faabaɛu. Ezibitii an na ku jɛ mii iyi an sã n jɔ̀ i nɛò araɛ. Etiopi do Seba ŋa mɔi an na si agbɛɛ.

Ozee 11:1

Waati iyi Izirɛli í wɛɛ awaasũ, ǹ nɛ kubiɛ. Nŋu iyi í jɛ amam, ǹ kpoo wai hai ilɛi Ezibiti.

Ozee 12:10

Amui ǹ jɛ Aɔ̃ Lafɛ̃ɛɛ hai waati iyi ì fita wa hai ilɛi Ezibiti. An jɔ̀ i na i wa si ilei acɔ ŋa má bɛi si waati iyi awaɛ ŋa à ko nɔ à ce jingauu.

Ozee 12:9

Efaraimu í ya nii, ntɔ ntɔ, ǹ baa ǹ jɛ ilu fia. Ǹ ba amani ntɔ ntɔ. Amma ǹ baai na saabui icɛi awɔm. Kù jɛ kurara gɔi ǹ ce ǹ bɛi ǹ baò fiau.

Ozee 2:15

An jɔ̀ ku yɛ ijuukpãi waati ŋa iyi í ya maa tɔɔ Baali ŋau. Baali ŋaui í ya maa cea amuai tuae, nɔ na iri nŋai í ya maa dasi lɛlɛawɔ ŋa do saba ŋa. Mɔkɔ kaafeɛ ŋai í ya maa too, nɔ í gbɛjɛ idem. Amu Aɔ̃ Lafɛ̃ɛi ǹ fɔ bɛɛbɛ.

Ozee 2:20

Ajɔ nŋu bɛ, an dĩ akabuu na inɛm ŋa do mɛɛmui sako ŋa do yɛi ŋa do kokoo ŋa si ilɛ. An cɛ bioo do taakuba, nɔ n jɔ̀ igũ ku leekĩ. An jɔ̀ fei ndɛɛ ku kpa irii si ilɛu, nɔ an cei bɛi aa ya ce a yɔkɔ a maa sũi do laakai ku sũ.

Zonasi 2:10

Amma amu an ceɛ kuwee, an saabuɛ, an kɔ̃ kuwã ŋa iyi ǹ ceɛu, domi Aɔ̃ Lafɛ̃ɛ, awɔ akãi ì ya faaba amanɛ.

Woo bɛ ŋa 4:12

Woo faaba gɔ kù wɛɛ má bii kù jɛ nŋu akã, domi Ilaaɔ̃ kù na irii inɛ gɔ má si andunya iyi aa ka kpe ka baò faaba.