Ozee 13:2 - Bibeli do fee

² Nsɛi wee à waa mɔsi do dulum du ŋa ku ce má. À ya yɔ isɔ fũfũ ŋai a ceò iwɛ̃ ŋa. À ya ce iwɛ̃ ŋaui si bɛi aŋa taka nŋa à lasabu. Woo ce icɛi awɔ ŋai à ya ce fei ndɛɛ. À ya fɔi si gãmɛ nŋa a maa ni, inɛ ŋa à waa ce kuwee do amanɛ ŋa, nɔ à ya maa tɔɔ ama kɛtɛ kombo ŋa.

Ozee 13:2 Iomraidhean Croise

Ilaalu 1, 19:18

Amma an jɔ̀ amanɛ dubu mɛɛje (7.000) si ilɛi Izirɛli, aŋa iyi a kù gulɛ a kù tɔɔ Baali ŋa.

Bomma 2, 28:13

Nɔ à sɔ̃ ŋa à waa ni, i maà lɔò aru ŋau bɛ wa ihɛ̃ ŋa. Mà ì bi Aɔ̃ Lafɛ̃ɛ ku yɛ taale nwa ŋa nɔ i kɔ̃ɔ nwa si dulum do kurara ŋai. À nɛ taale tã, nɔ idɔi Ilaaɔ̃ í kɔ̃ si awa inɛi Izirɛli ŋa ntɔ ntɔ.

Bomma 2, 33:23

Ŋɔi í kɔ̀ ku kaye araɛ si wajui Aɔ̃ Lafɛ̃ɛ bɛi baaɛ Manasee í ceu, amma í kɔ̃ɔsi kuraraɛ wa kooi.

Iri ku kɔ̃ 2:12

I sũa ilaalu amaɛu iri ilɛ ŋa. Bii kù jɛ bɛɛbɛ idɔɛ á kɔ̃, domi idɔɛ í ya kɔ̃i gbãa gbãa nɔ á yɔkɔ ku jɔ̀ i ku anu akã ŋa. Ilu inɔ didɔ̃ ŋai inɛ ŋa iyi à wa bi titɛɛ fei.

Ezai 1:5

Si bɛi ì kɔ̀ ì waa mɔsi do ide ku kɔ̀ nŋɛ ŋa, si afe iwoi ì bi ku cã ŋɛ bɛbɛi. Iri nŋɛ ŋa à ba kumɛɛ bii fei, nɔ idɔ nŋɛ ŋa a kù waa nɛ baani.

Ezai 30:1

Aɔ̃ Lafɛ̃ɛ í ni inɔ kufɔi í jɛ ti ama woo kɔ̀ ide ŋa. Í ni à ya maa ce lasabui mii ŋa iyi kù waa naa hai bi ti nŋu, nɔ à ya maa dĩ akabuu ŋai iyi kù waa naa hai si lasabui nŋu. Do yaase bɛɛbɛ, à ya maa kɔ̃ɔsi dulum nii si antaii dulum.

Ezai 44:11

Inɛ ŋa iyi à nɛ baa si iwɛ̃ ŋau ku ce fei, aa yɛ anyɔi. Woo ce icɛi awɔ ŋa iyi à ya maa coo ŋau, aŋa taka nŋa amanɛ ŋai. Aŋa fei a tɔtɔɔ wa nɔ aŋa fei a naa. Njo á mu ŋa, nɔ aŋa fei aa yɛ anyɔi.

Ezai 45:20

Iŋɛ dimi mmu ŋa iyi ì fita si ŋau, i tɔtɔɔ i naa wa ŋa. Iŋɛ fei i naa wa ŋa. Inɛ ŋa iyi à waa so jĩi ŋa iyi à gbe à jɛ iwɛ̃ nŋa ŋau, nɔ à waa tɔɔ iwɛ̃ ŋa iyi a kaa yɔkɔ a faaba ŋa ŋau, a kù nɛ kumà.

Ezai 46:6

Inɛ gɔ ŋa à ya sinda mii ndii bɔgɔ nŋa ŋai, nɔ a wã kuwoi isɔ fũfũ do ti wura nŋa ŋa. Si anyiɛ à ya so woo mà icɛi wura ku cei ku ba ku ce nŋa iwɛ̃ gɔ iyi aa ya sɛɛbata si wajuɛ a maa tɔɔɛ.

Ezai 46:8

I ye gigii iyi ihɛ̃, iŋɛ iyi i kù jɛ dee dee ŋa. I teese i mu ara nŋɛ nɔ i lasabu ŋa.

Zeremi 10:4

À ya biiɛi do isɔ fũfũ do wura. À ya kpakpa si pɔ̃ɔtii do mataaka ku ba ku maà yaga.

Zeremi 10:8

Aŋa fei mam mam à ce nnyɛii nɔ a kù nɛ yaase. Kpãai iwɛ̃ ku tɔɔ nŋau bɛ, cioi inya ngbɛi.

Zeremi 8:5

Na mii í jɔ̀ idɔi zamaai Zeruzalɛmuu ihɛ̃ í le bɛɛbɛ. Si zamba nŋaui à waa leekĩ, a kù kpaasi. A kù jɛ ku sinda ku nyi wa.

Ozee 10:1

Izirɛli í yɛi wo bɛi jĩi ndii rezɛ̃ɛ iyi í ya so jiida jiida. Do yaase bɛi í ya maa so nkpɔ nkpɔu bɛ, bɛɛbɛ mɔi bi kuweeɛ ŋau í kpɔ wa kɔ̃ɔsi. Do yaase bɛi ilɛɛu í sĩa wa koo, bɛɛbɛ mɔi í ya maa ce booda si kuta ŋa iyi í gũ à jɛ iwɛ̃ɛ ŋau.

Ozee 10:5

Inɛi ilui Samari ŋa aa wɛɛò inɔ kufɔ na ama kɛtɛi Bɛti-Avɛni. Zamaaɛ ŋa do woo weeɛ ŋa, aa wɛɛò inɔ kufɔi ikui iwɛ̃ui. Aa maa yayai na iriɛ na bɛɛrɛɛ iyi wa nɛ ilɛ mmu hee jĩijĩ.

Ozee 11:2

Amma si anyiɛ, inɛi Izirɛli ŋa à na à nɛ hee jĩijĩ. Nɔ bɛi à waa kpe ŋa fei, bɛɛbɛi à ya maa jĩò inɛ ŋa iyi à waa kpe ŋau. À ya maa cea iwɛ̃ ŋa iyi à ya kpe Baali ŋau kuwee nɔ à ya joa iwɛ̃ mmu ŋa tuae ŋa.

Ozee 11:6

Igũi á naa si ilu nŋa ŋau nɔ ku ce nfei inya ku nɛ gbugbã nŋa ŋau. Igũu á ce nfei mii feii si na iyi í jɔ̀ Izirɛli í dasi idɔi laalɔ ŋa ku ce.

Ozee 14:3

Na nŋu, i sinda i nyi wa bi Aɔ̃ Lafɛ̃ɛ nɔ i sɔ̃ɔ ŋa i ni, ce nwa suurui kurara nwa ŋau fei, nɔ i gba wa do jiida ku jɛ. Idei gɛlɛ nwa ŋai aa jɛ kuwee iyi aa ka maa ceɛ.

Ozee 2:8

Na nŋu, amu Aɔ̃ Lafɛ̃ɛ, an cĩmbo kpãaɛi do agũ ŋa. An ce bindii n kaakoɛ ku ba ku maà yɛ kpãaɛ ŋau má.

Ozee 4:17

Inɛi Efaraimu ŋa à so ara nŋa à dasi iwɛ̃ ŋa ku tɔɔ. I jɔ̀ ŋa bɛ ŋa.

Ozee 8:4

Aŋa taka nŋai à soa ara nŋa ilaalu ŋa, nɔ kù jɛ baa do woodam. À soa ara nŋa akawe ŋa, nɔ kù jɛ do kumàsim. À cea ara nŋa iwɛ̃ ŋa do isɔ fũfũ nŋa ŋa do wura nŋa ŋa, nɔ nŋui í jɛ kpãa gɔ iyi á nyɔ ŋa.

Ozee 8:5

Iŋɛ inɛi Samari ŋa, Aɔ̃ Lafɛ̃ɛ í kɔ̀si kɛtɛ kombo saasaabɔ nŋɛ iyi ì ce ŋa. Nɔ í ni, ǹ wɛɛò idɔɔkɔ̃ na iri nŋa. Kuwɛɛ nŋɛ do taaleu, hee waati yoomai á leekĩ.

Ozee 8:6

Kɛtɛ kombo saasaabɔ nŋɛu wa naai hai Izirɛli. Iwɛ̃i, kù jɛ Ilaaɔ̃. Woo ce icɛi awɔ gɔi í coo. Na nŋu, kɛtɛ kombo saasaabɔi Samariu, aa bububuui.

Kuka 32:14

Wee nsɛi iŋɛ ilu dulum ŋau ì waa bi i too tuubai baa nŋɛ ŋau nɔ i dede idɔɔkɔ̃i Aɔ̃ Lafɛ̃ɛ si inɛi Izirɛli ŋau i kɔ̃ɔsi má ŋa.

Romu 11:4

Amma Ilaaɔ̃ í jɛaa í ni, ǹ nɛ amanɛ dubu mɛɛje má iyi a kù gulɛ si wajui iwɛ̃ iyi à ya kpe Baali.

Romu 2:5

Amma si bɛi idɔɛ í le nɔ i kù jɛsi i kpaasi, ì waa faa araɛ idɔɔkɔ̃ iyi í la í rei si ajɔ iyi Ilaaɔ̃ á kiiti inɛ ŋa dee dee nɔ inɛ fei á yɔɔ.

Timɔtee 2, 3:13

Amma inɛ laalɔ ŋa do woo sɔ ibo ŋa waati kãma fei laalɔ nŋa í ya maa kɔ̃ɔsii. Si bɛi à waa dĩ ijui inɛ gɔ ŋa, bɛɛbɛ mɔi à waa dĩ ijui ara nŋa.

Samuɛli 1, 10:1

Ŋɔi í so ama kpaabai ikpo í tontoo ikpou si irii Saulu, í bɛi í sakoɛ í ni, Aɔ̃ Lafɛ̃ɛ takaɛi í cicaɛ i jɛ ilaalui inɛɛ ŋa.