Ozee 13:11 - Bibeli do fee

¹¹ Nɔ ǹ naɛ ilaalu si idɔɔkɔ̃m, amma an nyaa si ilaalu ku jɛu mái si idɔɔkɔ̃m.

Ozee 13:11 Iomraidhean Croise

Mɔnda ŋa 28:2

Bii inɛi ilɛ gɔ ŋa à dedeò ide ku kɔ̀, inɛ ngbo ŋa à ya kɔ̃ɔsii, amma inɛ gɔ iyi í nɛ bisi do kumài í ya baaò mii fei wa si agbɛɛ.

Ozee 10:3

Nsɛi wee à waa ni, a kù nɛ ilaalu, domi a kù jirima Aɔ̃ Lafɛ̃ɛ. Nɔ mɔm nnyiu ihɛ̃ bɛbɛi, mii ilaalu gɔ á yɔkɔ ku ce nwa má.

Ozee 10:7

Ti Samari do ilaaluɛ, mii fei í kpa iri mbɛ bɛi foko iyi í wa si antaii inyi.

Ozee 3:4

Ntɔ ntɔ, inɛi Izirɛli ŋa aa wɛɛi waati sisɔ hai nɛ ilaalu, nɔ a kaa nɛ inɛ ngbo ŋa. A kaa nɛ iwɛ̃ ŋa, nɔ a kaa ya ce kuwee ŋa, nɔ a kaa nɛ mii ŋa iyi à ya beeò idɔɔbii Ilaaɔ̃.

Ozee 8:4

Aŋa taka nŋai à soa ara nŋa ilaalu ŋa, nɔ kù jɛ baa do woodam. À soa ara nŋa akawe ŋa, nɔ kù jɛ do kumàsim. À cea ara nŋa iwɛ̃ ŋa do isɔ fũfũ nŋa ŋa do wura nŋa ŋa, nɔ nŋui í jɛ kpãa gɔ iyi á nyɔ ŋa.

Samuɛli 1, 10:17

Si anyii nŋu Samuɛli í tɔtɔɔ inɛi Izirɛli ŋa tengi bii à ya ce kuwee ilui Misipa.

Samuɛli 1, 10:19

Ŋɔi Samuɛli í ni má, iŋɛ wee ì kɔ̀si Ilaaɔ̃ Lafɛ̃ɛ nŋɛ nnyi ŋa, nŋu iyi í faaba ŋɛ hai si laalɔ do wahala nŋɛ fei, nɔ ì waa ni ŋa, dɛdɛ nwa ilaalu. To, i tɔtɔɔ wa bɛbɛi si wajui Aɔ̃ Lafɛ̃ɛ ŋa si dimi ikã ikã nŋɛ ŋa do si kpasɛ̃ nŋɛ ŋa.

Samuɛli 1, 12:1

Ŋɔi Samuɛli í sɔ̃ inɛi Izirɛli ŋa í ni, ǹ gbɔ ide iyi ì fɔ ŋa fei nɔ ǹ so nŋɛ ilaalu.

Samuɛli 1, 12:13

Ì tɔɔ Aɔ̃ Lafɛ̃ɛ ku mu nŋɛ ilaalu nɔ í na ŋɛ. Ilaalu nŋɛ wee.

Samuɛli 1, 15:26

Amma Samuɛli í sɔ̃ɔ í ni, aawo. N kaa n tooɛ, domi ì kɔ̀si idei Aɔ̃ Lafɛ̃ɛ nɔ nŋu mɔ í kɔ̀siɛ nɔ í nyaɛ bomma.

Samuɛli 1, 16:1

Ŋɔi Aɔ̃ Lafɛ̃ɛ í sɔ̃ Samuɛli í ni, maà kpataa Saulu má domi ǹ kɔ̀siɛ nɔ kaa jɛ ilaalui inɛi Izirɛli ŋa má. Dasi ikpo si inɔ ngoɛ i bɔ Betelehɛmu bi Izai. Si inɔi amaɛ ŋai ǹ yɛ ilaalu iyi an so.