Ozee 13:1 - Bibeli do fee

¹ Waati iyi Efaraimu wa fɔ ide fei, zigii inɛ ŋa í ya dai, domi í nɛ gbugbã ntɔ ntɔ si Izirɛli. Amma í so taale si na iyi í jɔ̀ iwɛ̃ iyi à ya kpe Baaliu bɛi í ya tɔɔ, nɔ í ku.

Ozee 13:1 Iomraidhean Croise

Kusintii Andunya 2:17

amma jĩi iyi á jɔ̀ i mà jiida do laalɔu, maà jɛ isoɛ domi ajɔ iyi ì jɔɔ aa kui.

Ilaalu 1, 12:25

Ŋɔi Zeroboamu í koo í ma bindi í kaako ilui Sikɛmu si iri kutai Efaraimu ŋau, nɔ í ce kpasɛ̃ɛ bɛ. Si anyiɛ nɔ í fita í koo í ma bindi í kaako ilui Penuɛli mɔ.

Zɔɔbu 29:21

Si waati nŋu, à ya maa desim itĩi, a coko a maa degbe n fɔ ide wa.

Zɔɔbu 29:22

Bii ǹ fɔ ideu ǹ tã, inɛ kãma ci ya jã. Nɔ idem nɔu í ya dɔ̃a inɛ fei sii bɛi inyi iyi wa tontoo si ilɛ ngbɛ.

Mɔnda ŋa 18:12

Ara ku so í ya naa amanɛ nfe ku ce wai, amma ara ku kaye í ya jɔ̀ amanɛ ku nɛ bɛɛrɛi.

Ezai 66:2

Mii ŋa iyi ì waa yɛ ŋau bɛ fei ŋa, awɔm nii í ce ŋa. Do yaase bɛɛbɛi aŋa fei à wɛɛò. Amu Aɔ̃ Lafɛ̃ɛi ǹ wa n sɔ̃ ŋɛ. Si inɛ iyi ijum ŋa í ya wa wee. Ijum í ya wai si ilu are do si hai nɛ gbugbã iyi wa gbɔ idem do jirima nla nla.

Ezai 7:8

domi Damasii í jɛ ilu nlai Siri, nɔ Resɛ̃ɛi í jɛ ilaaluɛ. Si afei adɔ̃ kita do miiu, aa kpa irii Efaraimui mam mam, kaa wɛɛ má.

Ozee 11:2

Amma si anyiɛ, inɛi Izirɛli ŋa à na à nɛ hee jĩijĩ. Nɔ bɛi à waa kpe ŋa fei, bɛɛbɛi à ya maa jĩò inɛ ŋa iyi à waa kpe ŋau. À ya maa cea iwɛ̃ ŋa iyi à ya kpe Baali ŋau kuwee nɔ à ya joa iwɛ̃ mmu ŋa tuae ŋa.

Ozee 2:10

Abou kù mà iyi amui ǹ ya n tako n maa n mua nŋu sɔnda wo, do vɛ̃ɛ do ikpo. Amui ǹ muaa fia do wura, nɔ í soo í cea iwɛ̃ iyi à ya kpe Baali amuaɛ.

Ozee 2:8

Na nŋu, amu Aɔ̃ Lafɛ̃ɛ, an cĩmbo kpãaɛi do agũ ŋa. An ce bindii n kaakoɛ ku ba ku maà yɛ kpãaɛ ŋau má.

Ozee 8:4

Aŋa taka nŋai à soa ara nŋa ilaalu ŋa, nɔ kù jɛ baa do woodam. À soa ara nŋa akawe ŋa, nɔ kù jɛ do kumàsim. À cea ara nŋa iwɛ̃ ŋa do isɔ fũfũ nŋa ŋa do wura nŋa ŋa, nɔ nŋui í jɛ kpãa gɔ iyi á nyɔ ŋa.

Kuka 10:22

Si anyiɛ nɔ dimii Efaraimu ŋau mɔ à nɛ do sooge nŋa ŋa do tuuta nŋa. Elisama amai Amihudu mɔi í jɛ inɛ ngboi sooge nŋa ŋau,

Kuka 13:16

Inɛ ŋa iyi Moizi í bɛ a koo a cɔ yaasei ilɛu wa mbɛ. Moizi í sɔ Hoze amai Nunuu Zozue.

Kuka 13:8

hai si dimii Efaraimu mɔ, Hoze amai Nunu,

Luku 14:11

Ntɔ ntɔ inɛ iyi í so araɛ lele à ya kayeɛi. Inɛ mɔ iyi í kaye araɛ à ya soo lelei.

Romu 5:12

Dulum í lɔ wai si andunya hai bi inɛ akã, nɔ dulum nɔu í naaò iku wa. Si bɛɛbɛ, ikuu í tosi inɛ fei domi inɛ feii í ce dulum.

Kɔrɛnti 2, 5:14

Kubii Kirisii wa nɛ̀ò wa. Awa à mà kãm kãm iyi inɛ akãi í ku na inɛ fei, à nɔ à mà iyi inɛ feii í nɛ ikpɛ̃ si ikuɛ.

Zozue 3:7

Ŋɔi Aɔ̃ Lafɛ̃ɛ í sɔ̃ Zozue í ni, hai nnyi an soɛ lele si wajui inɛi Izirɛli ŋa fei ku ba a mà iyi ǹ wɛɛ do awɔ bɛi ǹ tako ǹ wɛɛ do Moizi wo.

Woo kiiti ŋa 12:1

Ŋɔi inɛi Efaraimu ŋau à tɔtɔɔ njɛ à kua idoi Zuudɛ̃ɛu à bɔ Safɔ̃ɔ bi Zɛfutee nɔ à ni, bɛirei í ce ì bɔ igũ ku ja bi inɛi Amɔɔ ŋau nɔ i kù kpe wa awaɛ ŋa ka koo. Na nŋu, aa ka jo ileɛ do awɔ takaɛ.

Woo kiiti ŋa 8:1

Ŋɔi inɛi Efaraimu ŋau à koo à bee Zedeɔ̃ à ni, yoomai í jɛ yaasei mii iyi ì ce nwau ihɛ̃. Bɛirei í ce i kù kpe wa waati iyi ì bɔ igũ ku ce bi inɛi Madiãa ŋau. Nɔ aŋaò ŋa à ce kakɔɔ ntɔ ntɔ.

Samuɛli 1, 15:17

Ŋɔi Samuɛli í ni, tako wo, baa do iyi i kù cɔ araɛ inɛ nla, Aɔ̃ Lafɛ̃ɛ í soɛ i jɛò inɛ ngboi dimii Izirɛli ŋa. Í cicaɛ i jɛ ilaalu nŋa,