Ozee 12:8 - Bibeli do fee

⁸ Gũa ibo ŋai inɛi Kanaã ŋa à waa mu si awɔ. À ya bi inɛ ŋa ku zambai.

Ozee 12:8 Iomraidhean Croise

Iri ku kɔ̃ 49:6

Na mii í ce zigim á da si ajɔi wahala, waati iyi mbɛɛm ŋa à kaakom na a ceem laalɔ.

Iri ku kɔ̃ 52:7

Si bɛɛbɛ, Ilaaɔ̃ á kɛkɛɛi hee do ajɔ fei. Á tɛɛsɛɛi, nɔ ku nyaɛ hai si ilei acɔɛ nɔ nŋui á leekĩ kuwɛɛɛ si ilɛu ihɛ̃. Kusĩmi.

Iri ku kɔ̃ 62:10

Ntɔ ntɔ, amai amanɛ ŋa à yɛi bɛi fufu. Amanɛ ŋa ilu ibo ŋai. Si kiloo akãi aŋa fei à ya gũ ajɔ, nɔ à ya fɛlɛi bɛi fufu.

Mɔnda ŋa 11:1

Aɔ̃ Lafɛ̃ɛ kù bi kiloo iyi kù jɛ dee dee, amma í ya saabu si kiloo iyi í munga.

Mɔnda ŋa 30:12

Inɛ gɔ ŋa mɔ à waa cɔ ara nŋa hai nɛ taale kãma, baa do iyi a kù jɔ̀ kurara ŋa ku ce.

Mɔnda ŋa 30:20

Bɛi inaabo ace sakara í ya ce wee. Í ya jɛ ku yoi, ku gbã gɛlɛɛ [waatɔ bii í ce sakara í tã í ya teese araɛi] nɔ ku ni, n kù ce laalɔ kãma.

Zeremi 2:23

Na mii í ce ì waa ni, n kù riisi aram, n kù tɔɔ iwɛ̃ Baali ŋa. Cɔ isɛɛnɛɛ si lɔɔmau. Jɔ̀ i mà mii iyi ì ce. Ì yɛi bɛi kpookpo zãu iyi í sɛi wa bibii kù mà iyi wa ce.

Zeremi 2:35

Do nŋu ŋau bɛ fei ì waa ni ì jɛ hai nɛ taale ŋa, nɔ idɔɔkɔ̃i amu Ilaaɔ̃ kaa naa si ŋɛ má. Si bɛi ì waa ni i kù nɛ dulum ŋa, nsɛi an kiiti ŋɛ.

Zeremi 5:27

Bɛi bii kaika í kɔ̃ò yɛi ŋa í ya yɛ, bɛɛbɛi ile nŋa ŋa à kɔ̃ò asoi ile. Bɛɛbɛi à ce à baò gbugbã à jɛ ilu fia ŋa.

Ezekiɛli 28:5

Si sĩa ku mà ku ceɛu ì ba amani ŋa, nɔ na amaniɛui ì kɔ̃ò faau.

Ozee 13:6

Amui ǹ gbã ǹ bɔòɛ tuu bii aa jɛ, nɔ ì ba ì jɛ hee ì yo. Amma waati iyi ì ba ì jɛ ì yo, ì baa ì nɛ faau, nɔ ì gbɛjɛm.

Ozee 14:1

Inɛi ilui Samari ŋa à nɛ a yɛ ijuukpãi kurara nŋai si na iyi í jɔ̀ à ce ide ku kɔ̀ bi Aɔ̃ Lafɛ̃ɛ nŋa. Na nŋu, igũi á naa si ŋa ku kpa ŋa. Aa tɛɛsɛ ama kpɔtɔɔ nŋa ŋai, nɔ a pũ inaabo bãasĩ nŋa ŋa.

Ozee 4:8

Kuwee ŋa iyi inɛm ŋa à naaò wa na dulum du ŋa, nŋu ŋai à ya maa jɛ. Na nŋu, à ya maa tale si ŋa dulum ku cei.

Amɔsu 8:5

Iŋɛ iyi ì waa ni, waati yoomai cukpa titɔ̃ á lɔ ka bɛi ka naaò amaajɛ nwa ŋa ku ta wa. Waati yoomai ajɔi kusĩmi á lɔ ka bɛi ka cĩ suu nwa ŋa. Aa ka kaye gũai nɔ ka kɔ̃ɔsi fia. Aa ka fɔtɔtɔi kilooi ka zambaò inɛ ŋa.

Abakuku 1:16

À ya maa cea taaò nŋa ŋau kuwee nɔ à ya jo nŋa tuae ku dɔ̃ inunu, domi do saabu nŋai à baò sɔnda didɔ̃ nkpɔ nkpɔ.

Zakari 11:5

Inɛ ŋa iyi à ra ŋa à ya koo à saka ŋai nɔ a ci ya yɛ taalei ara nŋa. Inɛ ŋa mɔ iyi à ta ŋa à ya maa nii, ka saabu Aɔ̃ Lafɛ̃ɛ, domi à ba riba nla nla. Woo degbe nŋa ŋa taka nŋa a kù nɛ baa araare.

Malasi 2:17

Ì jɔ̀ Aɔ̃ Lafɛ̃ɛ wa gbɛɛji ŋa na ide ku fɔ nŋɛ. Nɔ ì waa ni ŋa, si iwoi à gbɛɛjiɛ. Waati iyi ì fɔ ì waa ni ŋa, inɛ iyi wa ce laalɔ, nŋui Aɔ̃ Lafɛ̃ɛ í ya cɔ do iju jiida. Si inɛ dimi bɛɛbɛi inɔ didɔ̃i Aɔ̃ Lafɛ̃ɛ í ya wa. Nɔ ì ya nyi i ni má ŋa, hee iwoi Ilaaɔ̃ iyi í ya ce kiiti dee deeu í wa.

Malasi 3:13

Aɔ̃ Lafɛ̃ɛ í ni, ide ŋa iyi ì waa fɔ na irim ŋa kù sĩa. Nɔ ì beem ì waa ni ŋa ide laalɔ yoomai ì waa fɔ na irim ŋa.

Luku 10:29

Amma mɔkɔu wa bi ku na araɛ ntɔ, nɔ í beeɛ í ni, yooi í jɛ inɛ mmu bi tom.

Luku 12:19

Nɔ n fɔ si idɔm n ni, ǹ nɛ amani nla nla iyi ǹ wa n singa ti adɔ̃ nkpɔ nkpɔ. An sĩmii nɔ n maa n jɛ n maa n mɔ nɔ n maa n wɛɛò inɔ didɔ̃.

Luku 16:13

Amaacɛ kãma kaa yɔkɔ ku cea lafɛ̃ɛ minji icɛ ajɔ. Ntɔ ntɔ á cé inɛ akã nɔ ku bi inɛ akã, walakɔ ku jirima inɛ akã nɔ ku donda inɛ akã. I kaa yɔkɔ i too Ilaaɔ̃ do fia ajɔ ŋa.

Luku 16:15

Nɔ Jesu í sɔ̃ ŋa í ni, iŋɛ ì waa dɛ i jɛ inɛ dee dee ŋa si wajui amanɛ ŋa, amma Ilaaɔ̃ í mà idɔ nŋɛ. Ǹ wa n sɔ̃ ŋɛi, mii iyi amanɛ ŋa à waa cɔ mii jiida, bi Ilaaɔ̃ mii sãmii.

Wooda ku kɔsi 8:17

I ce laakai i maà na i fɔ si idɔ nŋɛ i ni, si gbugbã nwa do kookaai nwai à baò amani ŋau ihɛ̃.

Timɔtee 1, 6:17

Sɔ̃ ilu amani ŋa a maà ti a tɔɔ fufu, nɔ naanɛ nŋa ku maà wa si amani iyi á na ku tã, amma a jɔ̀ naanɛ nŋa ku wa si Ilaaɔ̃, nŋu iyi wa mu nwa fei ndɛɛ do inɔ akã ku ba ka wɛɛò inɔ didɔ̃.

Timɔtee 1, 6:5

Nɔ í ya jɔ̀ irii inɛ ŋa ku sinda a kaa mà ntɔ, nɔ a maa ce kakɔɔ hai nɛ kɔɔ. À tamaa kpãai idei Ilaaɔ̃ ku too á ce ŋa ilu amani ŋai.

Kuyɛi Zãa 3:17

Ì ya fɔ i ni ŋa ì jɛ ilu fia ŋa, ì ba amani ŋa, nɔ i kù waa ce arei ngɔgɔ ŋa. Amma ǹ wa n sɔ̃ ŋɛ iyi idɔ nŋɛ wa ce bɔ̃ɔ, ì jɛ ilu araare ŋa do ilu are do fɛɛju do basĩ ŋa.