Ozee 12:7 - Bibeli do fee

⁷ Ì nɛ i sinda i nyi wa bi Ilaaɔ̃ Lafɛ̃ɛɛi. Ce iyi í jɛ jiida, nɔ i jirima dee dee ku jɛ. Jɔ̀ kpãa ku cɔɛ ku wa si Aɔ̃ Lafɛ̃ɛɛ waati kãma fei.

Ozee 12:7 Iomraidhean Croise

Kusintii Andunya 49:18

Aɔ̃ Lafɛ̃ɛ, ǹ wa n cɔ kpãai faabaɛ.

Mɔnda ŋa 11:1

Aɔ̃ Lafɛ̃ɛ kù bi kiloo iyi kù jɛ dee dee, amma í ya saabu si kiloo iyi í munga.

Mɔnda ŋa 16:11

Aɔ̃ Lafɛ̃ɛ í bi gũa do kiloo ŋa iyi à jɛ dee dee. Nŋui í jilɛ kuwoi mii baa yooma fei.

Ezai 3:5

Si zamaau inɛ ŋa aa ya maa taa njɛ gbugbãi. Awaasũ ŋa a kaa ya saalu mɔkɔ ngbo ŋa, nɔ inɛ ngbɛ ngbɛ ŋa a kaa saalu ilu bɛɛrɛ ŋa.

Ezai 56:1

Ide iyi Aɔ̃ Lafɛ̃ɛ í fɔ wee. Í ni, i ya jirima asaiya ŋa, nɔ i ya ce iyi í jɛ dee dee ŋa, domi faabam í maai ku to wa, nɔ dee dee ku jɛm í maai ku fita gbugbãa.

Ezekiɛli 16:3

Sɔ̃ɔ i ni amu Aɔ̃ Lafɛ̃ɛ ǹ ni, awɔ Zeruzalɛmu, ilɛi Kanaãi í jɛ idei balaɛ ŋa. Tengi bɛi à bíɛ. Baaɛ inɛi Amɔrei nɔ iyeɛ mɔ inɛi Hɛtii.

Ezekiɛli 22:29

Si ilɛu bii fei inɛ ŋa à waa taa inɛ ŋa gbugbãi à waa gba mii ndii ilu are ŋa do hai nɛ gbugbã ŋa. À waa takii inɛ njoo ŋa nɔ à waa kɔ̀ ŋa ntɔ.

Ezekiɛli 28:5

Si sĩa ku mà ku ceɛu ì ba amani ŋa, nɔ na amaniɛui ì kɔ̃ò faau.

Ozee 14:2

Iŋɛ inɛi Izirɛli ŋa, i sinda i nyi wa bi Aɔ̃ Lafɛ̃ɛ nŋɛ, domi kurara nŋɛi í jɔ̀ ì koosɛ ì cuku ŋa.

Zoɛli 2:12

Ŋɔi Aɔ̃ Lafɛ̃ɛ í fɔ í ni, bɛbɛi i nyi wa bi titom ŋa do idɔ nŋɛ fei. I dĩ anu ŋa, i kpata ŋa, nɔ i tɔɔm ŋa.

Amɔsu 2:7

Ì ya bi i maa yɛ ilu are ŋai waati kãma fei si inɔ kufɔ, nɔ i ci ya saalu asaiya iyi í jɛ ti hai nɛ gbugbã ŋa. Ama do baa bi inaabo akãi à ya maa bɔ kú sũ, nɔ do yaase bɛɛbɛ, à ya bɛjɛ iri kumám nii.

Amɔsu 3:9

I fɔ si inɛi Asidodi do inɛi Ezibiti ŋa ide i ni, i tɔtɔɔ wa ŋa si iri kutai Samariu, nɔ i cɔ daa sãmi ikã ikãi inɛi Samari ŋa do njɛ ku taa gbugbã ŋa iyi í wa si anini nŋa.

Amɔsu 4:1

Nɔ Amɔsu í ni má, iŋɛ inaaboi Samari ŋa, iŋɛ iyi ì yɛ bɛi kɛtɛ abo ŋa iyi à jɛ à ce kaato ŋa, inɛ ŋa iyi a kù nɛ gbugbãi ì ya maa taa gbugbã ŋa. Ì ya maa gba mii ndii ilu are ŋa, nɔ ì ya maa sɔ̃ mɔkɔ nŋɛ ŋa i maa ni a naaò atɛ̃ wa iŋɛò ŋa i mɔ. I sotĩ i gbɔ ŋa.

Amɔsu 5:11

Wee ì taa ilu are ŋa gbugbã ì gba amaajɛ nŋa ŋa, ì koo ì maò kpasɛ̃ ilu bɛɛrɛ ŋa. Amma i kaa lɔ kpasɛ̃ ŋau ŋa. Ì lɔ jĩi ndii rezɛ̃ɛ ŋa amma i kaa ba baa vɛ̃ɛ nŋa ŋa i mɔ ŋa.

Misee 2:1

Inɔ kufɔi á jɛ ti inɛ ŋa iyi à ya nɛ lasabu laalɔ. Idũ bii à waa sũ à ya wɛɛò sɔɔluɛi. Nɔ hai amɛɛjuumá gbakã, à ya cooi bii à ba kpãaɛ.

Misee 7:2

Si ilɛu, inɛ dee dee gɔ kù wɛɛ má, inɛ ŋa iyi à waa too ntɔ ŋa a kù wɛɛ má. Inɛ ku kpai inɛ nkpɔ nŋa fei í mu. Inɛ ŋa à ya maa zamba njɛi.

Zakari 14:21

Caka ŋa iyi à wa Zeruzalɛmu do Zudaa fei ti Aɔ̃ Lafɛ̃ɛi lele do ilɛi aa jɛ. Inɛ ŋa iyi aa naa kuwee ku ce aa ya so caka ŋaui a tɛkɛò iŋai kuwee nŋa. Bii waati nŋu í to wa, woo nya sĩa ŋa a kaa wa inɔ kpasɛ̃i Aɔ̃ Lafɛ̃ɛ a maa ta iwo má.

Zakari 5:8

Nɔ amalekau í sɔ̃m í ni, aboui í jɛ dulum. Nɔ í talesiɛ inɔ kɔlɔu í biiɛ.

Zakari 7:9

ǹ ye ŋɛ gigii ide iyi amu Aɔ̃ Lafɛ̃ɛi lele do ilɛ, ǹ tako ǹ sɔ̃ ŋɛ wo. Ǹ ni, i ya ce kiiti dee dee ŋa, i ya nyisi njɛ jiida ku jɛ nŋɛ do araare.

Malasi 3:5

An naa si ŋɛi n na n kiiti ŋɛ. An dede si woo ce dobu dobu ŋa do woo ce sakara ŋa, do woo ce kugbasi si ibo ŋa do si inɛ ŋa iyi à waa taa woo ce icɛ ŋa iyi à nɛ a ba isã do jaaɔ̃ ŋa do kɔyɔ ŋa do isɛ mmu ŋa gbugbã, nɔ a kù mà bɛɛrɛm. Amu Aɔ̃ Lafɛ̃ɛi lele do ilɛi ǹ fɔ bɛɛbɛ.

Laabaau jiida iyi Zãa í kɔ 2:16

Nɔ í sɔ̃ woo ta ankasiidi ŋau í ni, i fitaò mii ŋau bɛ hai ihɛ̃. I maà sinda kpasɛ̃i Baam ajà nŋɛ.

Zaaki 5:4

Wee i ci ya sãa woo da amaajɛ nŋɛ ŋa fia nŋa. I cɔ inɔ kufɔ nŋa ŋa. Anu ku dɔ̃i inɛ ŋau í to hee si itĩi Aɔ̃ Lafɛ̃ɛi lele do ilɛ.

Samuɛli 1, 12:3

Amu wee si waju nŋɛ. I fɔ si wajui Aɔ̃ Lafɛ̃ɛ do si wajui ilaalu iyi í cica bii í jɛ ǹ raraa inɛ gɔ nŋɛ. Ǹ gba kɛtɛi inɛ gɔ? Walakɔ gbankɛlɛi inɛ gɔ? Ǹ takii inɛ gɔ nŋɛ? Mà ǹ wahala inɛ gɔ nŋɛ. Mà ǹ gba fiai inɛ gɔ si asii na n maà n yɛ taaleɛ. Bii ǹ ce mii ŋau bɛ fei, an sã nŋɛ.