Ozee 12:6 - Bibeli do fee

⁶ Lafɛ̃ɛi í jɛ Aɔ̃ Lafɛ̃ɛi lele do ilɛ, Aɔ̃ Lafɛ̃ɛi í jɛ iri iyi à ya kpoo do.

Ozee 12:6 Iomraidhean Croise

Kusintii Andunya 49:18

Aɔ̃ Lafɛ̃ɛ, ǹ wa n cɔ kpãai faabaɛ.

Iri ku kɔ̃ 123:2

Bɛi ijui aru ŋa í ya maa kãsi lafɛ̃ɛ nŋa, nɔ ti inaabo woo ce icɛ ŋa mɔ í ya maa kãsi lafɛ̃ɛ nŋa, bɛɛbɛ mɔi iju nwa í ya maa kãsi Aɔ̃ Lafɛ̃ɛ nwa ka maa degbeò didɔ̃ iyi á ce nwa.

Iri ku kɔ̃ 27:14

Jɔ̀ kpãa ku cɔɛ ku wa si Aɔ̃ Lafɛ̃ɛ. Leekĩ dim dim do nŋu, dasi wɔɔkɔ. Jɔ̀ kpãa ku cɔɛ ku wa si Aɔ̃ Lafɛ̃ɛ.

Iri ku kɔ̃ 37:7

Mu araɛ cau si wajui Aɔ̃ Lafɛ̃ɛ, degbeɛ do temua. Maà jɔ̀ idɔɛ ku kɔ̃ si waju ku bɔi inɛ gɔ ŋa, walakɔ bii inɛ gɔ ŋa à waa ce lasabu laalɔ.

Kufita 3:15

Ilaaɔ̃ í sɔ̃ Moizi má í ni, koo sɔ̃ inɛi Izirɛli ŋa i ni, Aɔ̃ Lafɛ̃ɛi ì bɛm wa bi tu ŋɛ. Lafɛ̃ɛi bala nŋɛ ŋa, Lafɛ̃ɛi Aburahamu, do Izaaki, do Zakɔbu. Iyi bɛi í jɛ irim hee do ajɔ fei. Bɛɛbɛi inɛ ŋa aa maa kpem hee do dimii ama nŋa ŋa fei.

Mɔnda ŋa 1:23

I sotĩ i gbɔ kai iyi ǹ wa n dɔ̃ nŋɛ, nɔ n da nŋɛ si hundem n má nŋɛ inya do ikɔ ŋa.

Mɔnda ŋa 21:3

Bii amanɛ í nɛ daa jiida nɔ wa ce mii iyi í sĩa, í ya dɔ̃a Aɔ̃ Lafɛ̃ɛ si ku re bii wa ceaa kuwee ŋa.

Ezai 1:16

Na nŋu, i wɛ i ce bukii ara ku maaju ŋa. I nya kuce laalɔ nŋɛ ŋau hai si wajum ŋa. I maà ce laalɔ má ŋa.

Ezai 30:18

Na ŋɔi í jɔ̀ Aɔ̃ Lafɛ̃ɛ wa degbe ku ba ku ce nŋɛ didɔ̃. Aɔ̃ Lafɛ̃ɛ á dedei ku ce araare nŋɛ, domi í jɛ dee dee. Ilu inɔ didɔ̃ ŋai inɛ ŋa iyi kpãa ku cɔ nŋa fei í wa siɛ.

Ezai 31:6

Iŋɛ inɛi Izirɛli ŋa, ì sinda ì toa Aɔ̃ Lafɛ̃ɛ anyi ŋai mam mam, amma i sinda i nyi wa bi tɛɛ ŋa.

Ezai 40:31

Amma inɛ ŋa iyi kpãa ku cɔ nŋa í wa si Aɔ̃ Lafɛ̃ɛ, aa maa ba gbugbã titɔ̃ ŋai. Aa ya maa yɔi bɛi kungbã ŋa. Aa ya maa sɛii, nɔ a kaa ya gbɛɛji. Aa ya maa nɛi, nɔ gbugbã nŋa kaa nɛ kɔɔ.

Ezai 58:6

Dimii anu ku dĩ iyi ǹ bii í jɛ, i fũ inɛ ŋa iyi à kpati do sesee si ngbɛ ngbɛ. Inɛ ŋa mɔ iyi asoi tilasi wa tɛ ŋa, i sɔ ŋa ŋa. Nɔ inɛ ŋa mɔ iyi à waa taa gbugbã, i faaba ŋa ŋa. Mii iyi wa mu lafɛ̃ɛ ŋa aru fei, i leekĩɛ ŋa.

Ezai 8:17

Amu, Aɔ̃ Lafɛ̃ɛi ǹ wa n degbe. Nsɛi titã, í fũsi tɔkui Zakɔbu ŋa awɔ. Amma nŋui amu n daa aram fei si awɔ.

Zeremi 22:15

Ì waa bi i nyisi iyi ì jɛ ilaalu, nɔ ì cica jĩi ndii sɛɛdi ku ba i nya ikãi? Baaɛ í ya jɛi wo nɔ ku maa mɔ bɛi inɛ ŋa iyi à gbe fei. Amma njɛ wa too asaiya do dee dee ku jɛ, nɔ mii fei wa nɛai dee dee.

Ezekiɛli 18:30

Na nŋu, an kiiti ŋɛi iŋɛ inɛi Izirɛli ŋa fei akã akã si kuce nŋɛ ŋa. Amu Aɔ̃ Lafɛ̃ɛi ǹ fɔ bɛɛbɛ. Debɛi i sinda wa, i sinda i toa kurara nŋɛ ŋau anyi ŋa ku ba kurara nŋɛ ŋau a maà jɛ bi ku koosɛ nŋɛ.

Ozee 10:12

I gbɛ̃a ara nŋɛ iyi í jɛ dee dee ŋa, nɔ i da zaka bɛi dee dee ku jɛ nŋɛu í to. I da iko titɔ̃ ŋa. Waati í to i dɛdɛ Aɔ̃ Lafɛ̃ɛ ŋa hee ku maa to waati iyi á baa nɔ ku jɔ̀ dee dee ku jɛɛ ku bii si ŋɛ.

Ozee 14:1

Inɛi ilui Samari ŋa à nɛ a yɛ ijuukpãi kurara nŋai si na iyi í jɔ̀ à ce ide ku kɔ̀ bi Aɔ̃ Lafɛ̃ɛ nŋa. Na nŋu, igũi á naa si ŋa ku kpa ŋa. Aa tɛɛsɛ ama kpɔtɔɔ nŋa ŋai, nɔ a pũ inaabo bãasĩ nŋa ŋa.

Ozee 4:1

Iŋɛ inɛi Izirɛli ŋa, i sotĩ i gbɔ idei Aɔ̃ Lafɛ̃ɛ ŋa, domi idei taale í wa si gãmɛi Aɔ̃ Lafɛ̃ɛ do inɛi ilɛɛ ŋau si na iyi í jɔ̀ jiida ku jɛ do dee dee ku jɛ do Ilaaɔ̃ ku mà kù wa si ŋa.

Zoɛli 2:12

Ŋɔi Aɔ̃ Lafɛ̃ɛ í fɔ í ni, bɛbɛi i nyi wa bi titom ŋa do idɔ nŋɛ fei. I dĩ anu ŋa, i kpata ŋa, nɔ i tɔɔm ŋa.

Zoɛli 2:13

Waliiu í ni, kù jɛ ibɔ nŋɛ ŋai ì nɛ i ga ŋa. Idɔ nŋɛ ŋai ì nɛ i kpaasi ŋa. Ntɔ ntɔ i nyi wa bi Aɔ̃ Lafɛ̃ɛ nŋɛ, domi Aɔ̃ Lafɛ̃ɛ í jɛ jiida nɔ í nɛ araare. Í nɛ temua, nɔ dee dee ku jɛɛ í la. Sɔɔlui ijuukpã iyi wa cea inɛ ŋa, í ya jɔ̀ɔi.

Amɔsu 4:13

Amɔsu í ni, inɛ iyi í ce iri kuta ŋa nɔ í taka fufu, nɔ í ya jɔ̀ amanɛ ku mà lasabuɛ ŋa, nɔ í ya kpaasi amɛɛjuumá ku baa ilu kuku, nɔ í ya maa nɛ si geete ŋa, iriɛi í jɛ Aɔ̃ Lafɛ̃ɛi lele do ilɛ.

Amɔsu 5:24

Amma i jɔ̀ ntɔ ku wɛɛ nŋɛ bɛi acãi inyi iyi ci ya da, nɔ dee dee ku jɛ nŋɛ mɔ ku jɛ bɛi acãi inyi hai nɛ kɔɔ.

Misee 6:8

Awɔ amanɛ, à jɔ̀ ì mà mii iyi í jɛ jiida, do mii iyi Aɔ̃ Lafɛ̃ɛ í bi i ce. Í bi i ce mii iyi í tɛ, do mii iyi í jɛ dee dee, nɔ i maa nɛ do ara ku kaye do nŋu Ilaaɔ̃ Lafɛ̃ɛɛ.

Misee 7:7

Amma amu, ikpa bi Aɔ̃ Lafɛ̃ɛi an sinda, siɛi kpãa ku cɔm í wa, nŋui á jɛɛm nɔ ku faabam.

Abakuku 2:3

Awaati iyi kuyɛu á kɔ̃ kù to titã, amma á cei si waati iyi ǹ bi. Degbeɛ do temua baa bii wa kpɛ. Ntɔ ntɔ, ide iyi ǹ fɔu á cei bii waatiɛ í to, sika kãma kù wa si.

Sofoni 3:8

Ŋɔi Aɔ̃ Lafɛ̃ɛ í ni, na nŋu, i degbem ŋa si ajɔ iyi an dedeò mii ndu ŋɛ ŋa ku ko, domi ǹ dasi idɔ n tɔtɔɔ ilɛ ŋa ku ba n tɔtɔɔa aram bomma ŋa nɔ idɔɔkɔ̃ nla nlam ku naa si ŋa. Ntɔ ntɔ, inai idɔɔkɔ̃m nɔu á ce nfei inɛi andunya ŋai mam mam.

Zakari 1:3

Na nŋu, sɔ̃ inɛ ŋau i ni, amu Aɔ̃ Lafɛ̃ɛi lele do ilɛ, ǹ sɔ̃ ŋɛ ǹ ni i nyi wa sim má ŋa, amu mɔ an nyi wa si ŋɛ.

Zakari 7:9

ǹ ye ŋɛ gigii ide iyi amu Aɔ̃ Lafɛ̃ɛi lele do ilɛ, ǹ tako ǹ sɔ̃ ŋɛ wo. Ǹ ni, i ya ce kiiti dee dee ŋa, i ya nyisi njɛ jiida ku jɛ nŋɛ do araare.

Zakari 8:16

Yaase bɛi í jɔ i ce ŋa wee. Iŋɛ fei i ya sɔ̃ kpaasi nŋɛ ŋa ntɔ. Nɔ i ya kiiti inɛ fei si ntɔ ku ba laakai ku sũ ku wa si ŋɛ.

Woo bɛ ŋa 2:38

Ŋɔi Piɛɛ í sɔ̃ ŋa í ni, iŋɛ fei i kpaasi idɔ nŋɛ i jɔ̀ a dasi ŋɛ inyi do irii Jesu Kirisi ku ba Ilaaɔ̃ ku kpa idei dulum du ŋɛ, nɔ aa ba amuai Ilaaɔ̃ má ŋa iyi í jɛ Hundeɛ.

Woo bɛ ŋa 26:20

Sinte titã ǹ ce waazo Damasi, si anyiɛ nɔ ǹ ce Zeruzalɛmu do si ilɛi Zudee fei do bi dimi mmu ŋa. Ǹ sɔ̃ ŋa ǹ ni a kpaasi idɔ a sinda si Ilaaɔ̃, nɔ a ce icɛ iyi á jɔ̀ a yɛ si ŋa iyi à kpaasi idɔ.

Zaaki 1:27

Kpãai Ilaaɔ̃ ku too iyi í má nɔ kù nɛ riisi kãma iyi Ilaaɔ̃ Baaba í jilɔɔ si í jɛ ntɔ, nŋui í jɛ inɛ ku ya ce araarei kɔyɔ ŋa do jaaɔ̃ ŋa iyi à waa wahala, nɔ ku mà araɛ ku mu si laalɔ yaamɔi andunya.

Zaaki 2:13

Inɛ iyi kù nɛ araarei kpaasi, Ilaaɔ̃ á kiiti nŋu mɔi kaa ce araareɛ. Amma inɛ iyi í nɛ araarei kpaasi ŋa á jɛ igũ si ajɔi kiitiu.