Ozee 12:3 - Bibeli do fee

³ Kiiti í wa si gãmɛi Aɔ̃ Lafɛ̃ɛ do inɛi Zudaa ŋa. Á sãa Zakɔbui si bɛi isɛɛnɛ laalɔɛ ŋau í to. Á ceai zaka bɛi kuceɛ ŋau í yɛ.

Ozee 12:3 Iomraidhean Croise

Kusintii Andunya 25:26

Si anyiɛ nɔ inɛ minjisiau mɔ í naa, nŋu mɔ awɔɛ wa mu cicĩisɛi Esau. Nɔ à sɔ nŋu mɔ Zakɔbu. Adɔ̃ kitai Izaaki í nɛ si waati iyi à bí ŋa.

Ilaalu 2, 17:18

Ŋɔi Aɔ̃ Lafɛ̃ɛ í fangaa inɛi Izirɛli ŋau fei si idɔɔkɔ̃ɛ hai si wajuɛ, nɔ í jɔ̀ dimii Zudaa ŋa aŋa akã.

Ilaalu 2, 17:20

Kuce laalɔu í jɔ̀ Aɔ̃ Lafɛ̃ɛ í fũsi dimii inɛi Izirɛli ŋau fei awɔ, nɔ í so ŋa í daa mbɛɛ nŋa ŋa si awɔ í dasi ŋa anyɔ nɔ í lele ŋa í jɔ̀ à jĩò bi tɛɛ.

Ilaalu 2, 17:23

hee í koo í to Aɔ̃ Lafɛ̃ɛ í lele ŋa hai si wajuɛ bɛi í tako í sɔ̃ walii woo ce icɛɛ ŋa í ni a fɔu wo. Ŋɔi à mu inɛi Izirɛli ŋau aru à nɛò ŋa hee jĩijĩ si ilɛi Asiri. Bɛi à wa hee ku baa nnyi.

Zeremi 2:9

Na ŋɔi í jɔ̀ an kiiti ŋɛ iŋɛ do tɔku nŋɛ ŋa má. Ide iyi amu Aɔ̃ Lafɛ̃ɛi ǹ fɔ mbɛ.

Ezekiɛli 7:3

Nsɛi, nfe ku ce nŋɛi í to wa bɛ. An jɔ̀ idɔɔkɔ̃m ku naa si ŋɛ. An kiiti ŋɛi si isɛɛnɛ nŋɛ nɔ n sã laalɔ nŋɛ ŋa iyi ì ce ŋa.

Ezekiɛli 7:8

Nsɛi ǹ tã sɔɔlu idɔɔkɔ̃m nɔu ku naa si ŋɛ. An jɔ̀ idɔɔkɔ̃m nɔu ku ce icɛɛ si ŋɛi hee kɔɔ. An kiiti ŋɛi si isɛɛnɛ nŋɛ nɔ n sã nŋɛ kuce laalɔ nŋɛ.

Ozee 4:1

Iŋɛ inɛi Izirɛli ŋa, i sotĩ i gbɔ idei Aɔ̃ Lafɛ̃ɛ ŋa, domi idei taale í wa si gãmɛi Aɔ̃ Lafɛ̃ɛ do inɛi ilɛɛ ŋau si na iyi í jɔ̀ jiida ku jɛ do dee dee ku jɛ do Ilaaɔ̃ ku mà kù wa si ŋa.

Ozee 4:9

Amma mii iyi á na ku ba woo wee ŋau, nŋui á na ku ba zamaau mɔ. An ce nŋai si bɛi isɛɛnɛ nŋa í yɛ. Yaase bɛi kuce nŋa í yɛ, bɛɛbɛi an sã nŋa.

Amɔsu 2:4

Aɔ̃ Lafɛ̃ɛ í ni, dulum dii inɛi Zudaa ŋa í la. Na nŋu, an jɔ̀ ijuukpã ku ba ŋai ntɔ ntɔ, si na iyi í jɔ̀ à kɔ̀si woodam nɔ a kù ceò idem ŋa icɛ, nɔ à jɔ̀ iboi iwɛ̃ ŋa iyi baa nŋa ŋa à tɔɔ wo à nyɔ ŋa.

Misee 6:2

Iŋɛ iri kuta ŋa, do iŋɛ iyi ì jɛ icu ku nɛ gbugbãi ilɛu, i sotĩ i gbɔ ŋa. Aɔ̃ Lafɛ̃ɛ wa bi ku kiiti inɛi Izirɛli ŋa iyi à jɛ inɛɛ ŋa ku yɛ taale nŋa.

Romu 9:11

Amma hee Rebeka ku maa bí ŋa, si waati iyi a kù ce jiida gɔ titã hee má jɛ laalɔ, Ilaaɔ̃ í sɔ̃ Rebeka í ni, inɛ sinteui á ya sũa inɛ ankãanyiu iri ilɛ. Í fɔ bɛɛbɛi ku ba ku nyisi iyi nŋu í ya cica inɛ ŋai bɛi nŋu takai nŋu í bi, nɔ í kpe ŋa si bɛi nŋu takaɛ í jilɛ, kù jɛ na kuce nŋa.