Ozee 12:2 - Bibeli do fee

² Inɛi Efaraimu ŋai à ya kooa inɛi Ezibiti ŋa ikpo, nɔ à dĩ akabuu do inɛi Asiri ŋa. À dĩ kpaasi do inɛ ŋa iyi a kù jɛ ngɔgɔ, nɔ à ya maa sɛii si fufu ajɔ fei. À ya dabii a maa sɔ iboi a maa ceò laalɔ ŋa.

Ozee 12:2 Iomraidhean Croise

Ilaalu 2, 17:4

Amma ilaalui Asiriu í na í yɛ iyi Ozee wa dĩa nŋu sɔɔlui zamba wa, domi í bɛ inɛ ŋa bi So ilaalui Ezibitiu, nɔ kù waa sãa fiai adɔ̃u má. Ŋɔi í jɔ̀ à muu à dũu do sesee nɔ í cĩmboɛ si ile piisɔ̃ɔ.

Zɔɔbu 15:2

ilu laakai í nɛ ku ya jɛ ide do kumà iyi kù nɛ yaase? Í nɛ ku ya maa fɔ ide si fufu?

Iri ku kɔ̃ 78:36

Amma à ya maa lɛlɛɛi do idei gɛlɛ nŋa nɔ à maa sɔa ibo.

Woo lasabu 5:15

Iyi bɛ mɔ má wahala gɔi, domi bɛi í naa, bɛɛbɛi wa nɛ. Aranfãani yoomai í ba. Icɛ iyi í ce fei í jɛ ngbɛ.

Ezai 10:12

Waati iyi Aɔ̃ Lafɛ̃ɛ á na ku kpa irii icɛɛ iyi í nɛ ku ce si iri kutai Siɔ̃ɔ do Zeruzalɛmu fei, waati bɛɛbɛi á sãa ilaalui Asiri ilu faau iyi ilu ku cɔɛ kù sĩau mii iyi í ce.

Ezai 10:6

Nŋui an bɛ ku koo si inɛi ilɛ ŋa iyi a kù waa jirimam. Bii í koo, an jɔ̀ ku ko mii ndu ŋa ŋa wai, aŋa iyi à dede idɔɔkɔ̃m, nɔ ku jojo si ŋa bɛi pɔkɔdɔ iyi í wa si kpãa.

Ezai 24:21

Waati bɛɛbɛ, Aɔ̃ Lafɛ̃ɛ á kpã gbugbãi lele ŋau ijui, nɔ si ilɛ ihɛ̃ mɔ, ku kpã ilaalui ilɛ ŋau iju.

Ezai 3:11

Amma inɛ laalɔ ŋa, inɔ kufɔi á jɛ tu ŋa, domi a kù wa si kpãa jiida, nɔ mii iyi à ce, nŋui aa sã nŋa.

Ezai 30:6

Mɛɛmu ku ce icɛ ŋa à so aso à waa nɛò ikpa awɔ cangai kpãai inunu. Do ikpa bii à waa bɔu, inyai inɔ kufɔ do inyai zigiidai. Muusu nla kugaabu ŋai à wa bɛ, nɔ à waa dɔ̃ anu. Njo wukuku ŋa à wa bɛ do akandama ku fo lele ŋa. Amani ŋai à kãa gbankɛlɛ ŋa do kpookpo ŋa à waa kooò bi inɛi ilɛ ŋau, amma inɛ ŋau a kaa sobi ŋa si nkãma.

Ezai 59:18

Á sãa inɛ fei mii iyi í nɛ ku baai. Idɔɔkɔ̃ɛ á naa si mbɛɛɛ ŋaui. Á sã nŋa idɔɔkɔ̃ui zaka bɛi kuce nŋa í to. Idɔɔkɔ̃ɛ iyi á sãu, á tosi hee do inɛi gũngũm ŋa fei zaka bɛi kucei aŋa mɔ í to.

Zeremi 25:31

Iba iyi wa ceu wa bɔi hee kɔɔi andunyau fei. Aɔ̃ Lafɛ̃ɛ wa ce kiitii do dimi ŋa iyi à wa si andunyau fei. Wa kpe inɛ baa yooma feii ile bi ku ce kiitiɛ. Nɔ nfe ku cei á jɛ ti inɛ ŋa iyi í yɛ taale nŋa. Ide iyi Aɔ̃ Lafɛ̃ɛ í fɔ mbɛ.

Ozee 2:13

An jɔ̀ inɔ didɔ̃ɛ fei ku leekĩi. Nɔ hai jingauɛ ŋa, do jingaui ajɔi cukpa titɔ̃ɛ ŋau, do ajɔi kusĩmiɛ ŋau hee do waati si bii à ya ko a ce jingau ŋau fei, aa leekĩi.

Ozee 4:1

Iŋɛ inɛi Izirɛli ŋa, i sotĩ i gbɔ idei Aɔ̃ Lafɛ̃ɛ ŋa, domi idei taale í wa si gãmɛi Aɔ̃ Lafɛ̃ɛ do inɛi ilɛɛ ŋau si na iyi í jɔ̀ jiida ku jɛ do dee dee ku jɛ do Ilaaɔ̃ ku mà kù wa si ŋa.

Ozee 4:9

Amma mii iyi á na ku ba woo wee ŋau, nŋui á na ku ba zamaau mɔ. An ce nŋai si bɛi isɛɛnɛ nŋa í yɛ. Yaase bɛi kuce nŋa í yɛ, bɛɛbɛi an sã nŋa.

Ozee 7:1

Waati iyi ǹ wa n bi n faaba inɛi Izirɛli ŋa, kurarai inɛi Efaraimu ŋa do laalɔ ku cei inɛi Samari ŋai ǹ ya n maa n yɛ, domi iboi à ya maa sɔ, nɔ à ya lɔ inɔ kpasɛ̃ ŋai a maa ce ile bata ngba. Woo ce daa sãmi ŋau à ya maa gba mii ndii inɛ ŋai si kpãa ŋa.

Ozee 7:11

Inɛi Efaraimu ŋa à yɛi bɛi ankasiidi. Lasabu nŋa kù jĩisa nɔ a kù nɛ bisi. Inɛi Ezibiti ŋai à kpe. Si anyiɛ, nɔ à dede à nɛ ilɛi Asiri.

Ozee 7:2

Inɛ kãma ci ya fɔ si idɔɛ ku ni, Ilaaɔ̃ wa ye gigii laalɔ ŋa iyi inɛ ŋa à waa ce fei. Bɛbɛi, laalɔ ŋa iyi à waa ce ŋaui à kaako ŋa, nɔ ǹ wa n yɛ fei ndɛɛ si wajum.

Ozee 8:10

Baa do iyi à cea inɛi ilɛ mmu ŋau amua ŋa, an tɔtɔɔ ŋai, nɔ kaa kpɛ mɔm aa ba ijuukpã na aso iyi ilaalu do amai ilaalu ŋau aa kãa nŋa.

Ozee 8:13

À ya ce kuwee do mɛɛmu ŋa a naam wai, si na iyi í jɔ̀ à ya bi iŋa ku ŋɔ. Amma amu Aɔ̃ Lafɛ̃ɛ, n ci ya n gba kuwee nŋa ŋau. Bɛbɛi, ǹ ye gigii kurara nŋa ŋau, nɔ an kpã ŋa ijui na dulum du ŋa ŋau. Inɛ nŋu ŋau, aa sinda a nyi ilɛi Ezibiti mái.

Ozee 8:9

À dedei à nɛ ilɛi Asiri. A kù yɛi bɛi sɛnga iyi í wɛɛ nŋu akãɛ. Inɛi Efaraimu ŋa aa sãi na akabuu iyi à dĩ do inɛi ilɛ mmu ŋau.

Ozee 9:15

Laalɔ nŋau fei í fita gbugbãai Giligali bɛ. Si gãmɛu bɛi n kù bi ide nŋa. Na laalɔ ku ce nŋa an lele ŋai hai kpasɛ̃m. N kaa n nɛ kubi nŋa má. Inɛ ngbo nŋa ŋau fei ilu itĩ ku yika ŋai.

Ozee 9:9

Inɛ ŋau à dási laalɔ ku cei bɛi waatii inɛi Gibea ŋau. Amma Aɔ̃ Lafɛ̃ɛ wa ye gigii kurara nŋa ŋau, nɔ á kpã ŋa ijui na dulum du ŋa ŋau.

Amɔsu 2:4

Aɔ̃ Lafɛ̃ɛ í ni, dulum dii inɛi Zudaa ŋa í la. Na nŋu, an jɔ̀ ijuukpã ku ba ŋai ntɔ ntɔ, si na iyi í jɔ̀ à kɔ̀si woodam nɔ a kù ceò idem ŋa icɛ, nɔ à jɔ̀ iboi iwɛ̃ ŋa iyi baa nŋa ŋa à tɔɔ wo à nyɔ ŋa.

Misee 6:2

Iŋɛ iri kuta ŋa, do iŋɛ iyi ì jɛ icu ku nɛ gbugbãi ilɛu, i sotĩ i gbɔ ŋa. Aɔ̃ Lafɛ̃ɛ wa bi ku kiiti inɛi Izirɛli ŋa iyi à jɛ inɛɛ ŋa ku yɛ taale nŋa.

Matie 16:27

Amu Amai Amanɛ an nyi wa má do amboei Baam do amalekam ŋa ajɔ. Si waati bɛɛbɛi an sãa inɛ fei si yaase bɛi í jɛò kuwɛɛɛ.

Romu 2:6

Ajɔ nŋu bɛ á sãa inɛ fei si bɛi kuceɛ í to.

Galati 6:7

I maà ti i lɛlɛ ara nŋɛ. A ci ya yaako Ilaaɔ̃. Mii iyi amanɛ í gbɛ̃ nŋui á da.