Ozee 12:12 - Bibeli do fee

¹² Inɛi Galaadi ŋa à ce laalɔ, nɔ nkãma kù gbe nŋa má. Bi ku ce kuweei Giligaliu, à ce kuwee do kɛtɛ kombo ŋa. Amma nsɛi, bi ku ce kuwee nŋa ŋau, kuta ŋai iyi à waa timbi si inɔ iko ŋa.

Ozee 12:12 Iomraidhean Croise

Kusintii Andunya 27:43

Nsɛi, awɔ amam, gbɔ idem. Dede i sa i bɔ ikpa ilui Harãa bi Labãa wecĩm.

Kusintii Andunya 30:26

Nam abom ŋa do amam ŋa n nɛ, domi na iri nŋai ǹ ceɛ icɛ, ì nɔ ì mà dimii icɛ iyi ǹ ceɛ.

Kusintii Andunya 31:41

Adɔ̃ kɔnfiai ǹ ce kpasɛ̃ɛ bɛ, ǹ ceɛ icɛ adɔ̃ maatɛ̃ɛ na irii ama inaaboɛ ŋau, nɔ ǹ nyi ǹ ceɛ icɛ adɔ̃ mɛɛfa má na irii mɛɛmuɛ ŋa, nɔ ì lɛlɛɛm ì kpaasi fiam isɛ gbɛɛwa.

Ozee 4:15

Iŋɛ inɛi Izirɛli ŋa, sakarai ì waa ce ŋa. Amma iŋɛ inɛi Zudaa ŋa, i maà dasi ara nŋɛ kurara dimi bɛɛbɛ ŋa. I maà bɔ Giligali bi kutɔɔ iwɛ̃u ŋa, nɔ i maà bɔ Bɛti-Avɛni ŋa. Nɔ i maà ya fɔ ide do kugbasi i ni ŋa, hee do kuwɛɛi Aɔ̃ Lafɛ̃ɛ fei.

Ozee 6:8

Galaadi, ilui inɛ laalɔ ŋai. Tuubai njɛ iyi í dikãi wa kɔ̃ bɛ.

Wooda ku kɔsi 26:5

Lafɛ̃ɛ á nyi ku fɔi má si wajui Aɔ̃ Lafɛ̃ɛ ku ni, balam inɛi Aramu woo dabii. Í dede í bɔ ilɛi Ezibitii do zamaa keeke gɔ, nɔ í buba bɛ. Hai bɛ nɔ í na í baa í ce zamaa nla nla. Akpɔ nŋau í kɔ̃ɔsi nɔ à jɛ ilu gbugbã ŋa.