Ozee 12:10 - Bibeli do fee

¹⁰ Amui ǹ jɛ Aɔ̃ Lafɛ̃ɛɛ hai waati iyi ì fita wa hai ilɛi Ezibiti. An jɔ̀ i na i wa si ilei acɔ ŋa má bɛi si waati iyi awaɛ ŋa à ko nɔ à ce jingauu.

Ozee 12:10 Iomraidhean Croise

Ilaalu 1, 13:1

Ŋɔi Ilaaɔ̃ í bɛ walii gɔ bi Zeroboamu hai ilɛi Zudaa. Waliiu í to Betɛli waati iyi Zeroboamu í wa bi kuweeu nɔ wa bi ku jo tuae ŋa.

Ilaalu 1, 17:1

Elii inɛi ilui Tisibu si ilɛi Galaadi í sɔ̃ Akabu í ni, do irii Aɔ̃ Lafɛ̃ɛi inɛi Izirɛli ŋa iyi ǹ wa n cea icɛ, si adɔ̃ ŋa iyi wa baau ihɛ̃ ikpã kaa le hee má jɛ ijĩ ku wɔ bii kù jɛ ǹ ni ku naa.

Ilaalu 1, 19:10

Ŋɔi í jɛ í ni, ǹ jabu ntɔ ntɔ na iriɛ, awɔ Aɔ̃ Lafɛ̃ɛi lele do ilɛ, domi inɛi Izirɛli ŋa à fũsi akabuuɛ awɔ, à kɛkɛ bi kuweeɛ ŋau nɔ à kpa waliiɛ ŋau fei do taakuba. Amu akãi ǹ gbe, nɔ à waa dɛ ku kpam.

Ilaalu 2, 17:13

Aɔ̃ Lafɛ̃ɛ í tako í sɔ̃ waliiɛ ŋau fei í ni a sɔ̃ inɛi Izirɛli ŋau do inɛi Zudaa ŋau a ni, i jɔ̀ kuce laalɔ nŋɛ nɔ i jirima woodam do idem ŋa. Nɔ i too si wooda iyi ǹ jɔ̀a bala nŋɛ ŋau do iyi ǹ bɛò walii woo ce icɛm ŋau wa mam mam ŋa.

Neemi 9:30

Do nŋu fei ì temuaò ŋa adɔ̃ nkpɔ nkpɔ. Ì jɔ̀ hundeɛ í naa si waliiɛ ŋa ku ba a sɔ̃ ŋa a ce laakai. Amma a kù de si ŋa itĩ. Ŋɔi ì so ŋa ì daa dimi mmu ŋa si awɔ.

Kufita 20:2

Í ni, amui ǹ jɛ Aɔ̃ Lafɛ̃ɛ nŋɛ. Amui ǹ nya ŋɛ wa hai ilɛi Ezibiti bii ì tako ì waa jɛ aru ŋa wo.

Zeremi 19:1

Ŋɔi Aɔ̃ Lafɛ̃ɛ í sɔ̃ Zeremi má í ni, koo i ra cakai amà bi woo ma caka. Bii ì waa koo, gbã inɛ ngboi ilu ŋau do inɛ ŋa iyi à jɛ inɛ ngbo ŋa si inɔi woo wee ŋau.

Zeremi 19:10

Nɔ Aɔ̃ Lafɛ̃ɛ í sɔ̃m í ni, si anyii nŋu, aa lɛgɛ cakaui si wajui inɛ ŋa iyi iŋɛò ŋa ì koou,

Zeremi 25:4

Do nŋu fei, Aɔ̃ Lafɛ̃ɛ kù gbɛɛjiò walii woo ce icɛɛ ŋau ku bɛ si ŋɛ wa. Amma ì kɔ̀ ku gbɔ ŋa, nɔ i kù bi i ce si laakai ŋa mɔm.

Zeremi 7:25

Hai ajɔ iyi bala nŋɛ ŋau à fita wa hai ilɛi Ezibiti hee ku baa nnyi, n kù gbɛɛji do walii woo ce icɛm ŋau ku bɛ si ŋɛ wa. Ǹ ya n bɛ ŋa wai waati kãma fei.

Ezekiɛli 17:2

awɔ amanɛ, kpaa inɛi Izirɛli ŋa mɔnda.

Ozee 13:4

Izirɛli, amui ǹ jɛ Aɔ̃ Lafɛ̃ɛɛ hai waati iyi ǹ nyaɛ wa hai ilɛi Ezibiti. I kù mà Ilaaɔ̃ mmuɛ kãma gɔ má bii kù jɛ amu. Nɔ woo faaba mmu gɔ kù wɛɛ má bii kù jɛ amu.

Ozee 3:1

Ŋɔi Aɔ̃ Lafɛ̃ɛ í sɔ̃m má í ni, abo iyi inɛ gɔ í bi iyi í jɛ abo à ce sakarau, koo buu. Buu do yaase bɛi Aɔ̃ Lafɛ̃ɛ í bi inɛi Izirɛli ŋau. Aŋau bɛ, à ya sindai si iwɛ̃ ŋa, nɔ à ya bi kaa ŋa iyi à ce do rezɛ̃ɛ.

Kuwee 23:42

Ajɔ mɛɛje ŋau bɛ fei, si ile kusu ŋai aa ya wa ŋa. Waati bɛɛbɛ inɛi Izirɛli fei, si ile kusui á ya wa,

Amɔsu 7:14

Ŋɔi Amɔsu í jɛa Amasia í ni, n kù jɛ walii, n kù nɔ n kù jɛ amai woo ce walii, amma amu woo sɛ̃ angudã ŋai nɔ ǹ ya n ce ikoi jĩi ndii sikomɔɔ má.

Kuka 12:6

Nɔ í sɔ̃ ŋa í ni, i de itĩ i gbɔ idem ku ce ncɛɛ ŋa, bii walii gɔ í wa inɔ nŋɛ, si kuyɛi amu Aɔ̃ Lafɛ̃ɛ ǹ ya n nyisiɛ aram, nɔ si alai ǹ ya n baa ide ku fɔ.

Woo bɛ ŋa 2:17

Ilaaɔ̃ í ni, si ajɔi ankãanyi ŋau an daa inɛ fei si Hundem. Ama inɛmɔkɔ do ama inaabo nŋɛ ŋa aa ce walii. Awaasũ nŋɛ ŋa aa ya maa ce kuyɛ ŋa, nɔ mɔkɔ ngbo nŋɛ ŋa mɔ an ba ŋa ide ku fɔ si ala.

Kɔrɛnti 2, 12:1

Debɛi í gbe n tɔɔ fufu, baa bii í jɛ kù nɛ aranfãani gɔ. Amma nsɛi an fɔ idei kuyɛ do kukɔsi iyi Lafɛ̃ɛ í nyisim.

Kɔrɛnti 2, 12:7

Amma ku ba n maà n ce faau na kukɔsi nlau, bɔ̃ɔ gɔ í na í sɔkɛ sim bɛi agũ. Í naai bɛi woo bɛi Seetam ku na ku cãm nɔ ku ganjim faau ku ce.