Ozee 11:9 - Bibeli do fee

⁹ N kaa n ceɛ bɛi idɔɔkɔ̃m í la í tou. N kaa n sinda n nyi wa n naa n ce nfei Efaraimu, domi n kù jɛ amanɛ. Ilaaɔ̃i ǹ jɛ, nɔ ǹ jɛ Inɛ Kumá. N kaa n sinda n nyi wa do idɔɔkɔ̃.

Ozee 11:9 Iomraidhean Croise

Samuɛli 2, 20:10

Amasa kù ce laakaii taakuba iyi Zoabu í so wa mu do awɔ cangaɛ. Ŋɔi Zoabu í gũu taakubau si caaka hee ifũɛ ŋa í fita í fangaa si ilɛ, nɔ kù siaa si má mɔm, Amasa í ku. Si anyiɛ Zoabu do ifɔɛ Abisai à waa bɔ Seba ku dɛdɛ.

Iri ku kɔ̃ 46:5

Ido nla gɔi iyi wa na ilui Ilaaɔ̃ inɔ didɔ̃ si kpasɛ̃ kumáɛ hee lele bii Ilaaɔ̃ í wau.

Iri ku kɔ̃ 78:38

Nŋu iyi í jɛ ilu araare, í ya mu idɔɔkɔ̃ɛui ci ya jɔ̀ ku naa si ŋa má. Í ya kpa idei kurara nŋa ŋaui, nɔ ci ya ce nfe nŋa má.

Iri ku kɔ̃ 85:4

Ì jɔ̀ idɔɔkɔ̃ɛ í sũ sɛ̃ɛ. Ì jɔ̀ idɔɔkɔ̃ nla nla ku ceɛ si gãmɛ nwa.

Ezai 12:6

I dɔ̃ anu do inɔ didɔ̃ iŋɛ inɛi Siɔ̃ɔ ŋa, domi Aɔ̃ Lafɛ̃ɛ í wa anini nŋɛ nɔ í la ntɔ ntɔ. Nŋui í jɛ Inɛ Kumái Izirɛliu.

Ezai 31:1

Inɔ kufɔi á jɛ ti inɛ ŋa iyi aa bɔ Ezibiti ku ba a ba sobi. Acĩ ŋai à waa kaaba, nɔ naanɛ nŋa í wa si sarɛti ku ja igũ ŋa si na iyi í jɔ̀ à kpɔ, do si masa ŋa, domi à nɛ gbugbã ntɔ ntɔ. Amma a kù sinda ikpa bi Aɔ̃ Lafɛ̃ɛ Inɛ Kumái Izirɛliu, nɔ a kù bee lasabuɛ.

Ezai 41:14

Zakɔbu, awɔ iyi à waa cea bɛi kokoo, maà jɔ̀ njo ku muɛ. Izirɛli, awɔ iyi ì jɛ bɛi kokoo, ǹ wa n naa ku faabaɛ. Amu Aɔ̃ Lafɛ̃ɛ Inɛ Kumái Izirɛli, amu woo yaɛ, amui ǹ fɔ bɛɛbɛ.

Ezai 41:16

Aa fɛ ŋai fufu ku so ku nɛò ŋa, nɔ fufu nla nla gɔ ku fangaa ŋa. Amma awɔ, aa nɛ inɔ didɔ̃i si amu Aɔ̃ Lafɛ̃ɛ. Aa maa saabu araɛi na amu Inɛ Kumái Izirɛliu.

Ezai 48:9

Amma si na iyi í jɔ̀ ǹ jɛ Aɔ̃ Lafɛ̃ɛ, an gɛɛ idɔɔkɔ̃m nɔui. Na bɛɛrɛi irim nɔu, an temua do iŋɛi, n kaa n ce nfe nŋɛ.

Ezai 5:24

Na nŋu, aa ce nfei bɛi fɔfɔ ngbɛ iyi wa leekĩ si icuɛ walakɔ bɛi tàkà iyi à dasi ina. Icã nŋa ŋa aa sãmii, nɔ koko nŋa ŋa a cuku a fangaa, domi à ce atafii si ikɔi Aɔ̃ Lafɛ̃ɛi lele do ilɛ, a kù saalu ideɛ, nŋu Inɛ Kumái Izirɛliu.

Zeremi 26:3

Á yɔkɔ ku jɛ aa gbɔ nɔ aŋa fei a fũsi yaasei kuwɛɛ laalɔ nŋa awɔ. Ǹ nɛ lasabui n jɔ̀ wahala ku naa si ŋa na laalɔ ŋa iyi à waa ce. Amma bii à gbɔ, n kaa n jɔ̀ ku naa si ŋa má.

Zeremi 30:11

Nɔ Aɔ̃ Lafɛ̃ɛ í nyi í ni má, ǹ wɛɛ do awɔ ku ba n faabaɛ. Dimi ŋa bii ǹ jɔ̀ ì fangaa ì nɛu fei, an kpa iri nŋai. Amma awɔ, n kaa n ce nfeɛ. Ntɔi, ǹ kpãɛ iju bɛi í jɔ fei, domi n kaa n yɔkɔ n jɔ̀ɛ bɛi inɛ iyi kù nɛ taale kãma, amma ijuukpã iyi ì ba hai bi tom dee deei.

Ozee 12:1

Ŋɔi Aɔ̃ Lafɛ̃ɛ í ni, zamaai Efaraimu í kaakom nii do muafiti, nɔ inɛi Izirɛli ŋa mɔ à biim nii do zamba. Inɛi Zudaa ŋai à waa nɛ do amu Ilaaɔ̃ amma aŋa mɔ a kù leekĩ dee dee, domi a kù fũsi iwɛ̃ ŋa awɔ.

Ozee 14:4

Inɛi Asiri ŋa a kaa yɔkɔ a faaba wa. A kaa ka gũ acĩ ku ce igũ ŋa má, nɔ a kaa ka ni mii ŋa iyi à ce do awɔ nwa ŋau à jɛ Lafɛ̃ɛ nwa ŋa má, domi awɔi ì ya ce araarei kɔyɔ ŋa.

Malasi 3:6

Amu Aɔ̃ Lafɛ̃ɛ, n ci ya n kpaasi. Nɔ iŋɛ, dimii Zakɔbu ku jɛ nŋɛu kaa nɛ kɔɔ.

Kuka 23:19

Ilaaɔ̃ kù jɛ amanɛ hee ku sɔ ibo, nɔ kù jɛ amanɛ hee ku kpaasi lasabuɛ. Ide iyi í fɔ, ci ya cooi? Kuwã iyi í ce, ci ya kɔ̃ɔi?

Wooda ku kɔsi 13:17

Aa tɔtɔɔ amani ŋa iyi ì ba ŋaui si bantumai iluu, nɔ i jo iluu fei mam mam do amani ŋa iyi ì ba bɛ ŋau fei na bɛɛrɛi Aɔ̃ Lafɛ̃ɛ nŋɛ. Iluu bommai á baa ku jɛ, nɔ a kaa teese a maa má pai.

Samuɛli 1, 26:8

Ŋɔi Abisai í sɔ̃ Davidi í ni, Ilaaɔ̃ í so mbɛɛɛ í daɛ si awɔ mbɛ idũuyi. Jɔ̀ n koo n gũu kaka n máa si ilɛ bɛ. Kaka anu akã í to, n kaa n nɛ bukaatai n siaa si má mɔm.