Ozee 11:8 - Bibeli do fee

⁸ Do nŋu fei, Efaraimu, an yɔkɔ n fũsiɛ awɔ? Izirɛli, an yɔkɔ n soɛ n daa inɛ ŋa si awɔ? An yɔkɔ n ceɛ bɛi ǹ cea ilui Adima? N jɔ̀ i baa i yɛ bɛi ilui Seboimu? Ntɔ ntɔ, lasabum í fɔtɔtɔ, nɔ araareɛ iyi ǹ nɛ, í la ntɔ ntɔ.

Ozee 11:8 Iomraidhean Croise

Kusintii Andunya 14:8

Iyi ilaalui Sodomu do ilaalui Gomɔɔ do ilaalui Adima do ilaalui Seboimu do ilaalui Bela iyi à ya kpe Soaa nnyi à yɔɔ bɛɛbɛ, ŋɔi à dede à koo à ce igũ aŋaò ŋa si inɔ angbɔɔi Sidimuu.

Samuɛli 2, 24:16

Waati iyi amaleka iyi í naaò ijuukpãu í to awɔ si Zeruzalɛmu ku ce nfeɛ, ŋɔi Aɔ̃ Lafɛ̃ɛ í kpaasi idɔ í leekĩ ijuukpã nla nlau. Nɔ í sɔ̃ amalekau í ni, í to bɛɛbɛ, fa awɔɛ. Waati bɛɛbɛ, amalekau í wai kɔkɔi bi ku kpokpo bileei Aravuna inɛi Zebusi.

Ilaalu 1, 3:26

Ŋɔi abo iyi amaɛ í wɛɛu í nɛ kubii amau hee í caa, nɔ í sɔ̃ ilaaluu í ni, lafɛ̃ɛm, a maà kpa amau, a soo a naa. Amma abo iyi amaɛ í kuu í wasi ku ni, a buu minji. Bɛbɛi kaa jɛ ti kãma nwa gɔ.

Ilaalu 2, 13:23

Amma Aɔ̃ Lafɛ̃ɛ í na í ce araare nŋa, í sinda í cɔ ŋa na saabui akabuu iyi í dĩ aŋaò Aburahamu do Izaaki do Zakɔbu ŋa. Kù bi ku kpa iri nŋa nɔ kù jɛsi à mu ŋa aru waati bɛɛbɛ.

Bomma 2, 36:15

Aɔ̃ Lafɛ̃ɛi bala nŋa ŋa í bi ku faaba inɛɛ ŋa do bi kuwaɛu. Na ŋɔi í jɔ̀ kù gbɛɛjiò waliiɛ ŋa ku bɛ wa isɛ fɛɛfɛlo a naa a sɔ̃ ŋa a ce laakai.

Iri ku kɔ̃ 106:45

Í ye gigii akabuu iyi í dĩ do aŋa. Í ce araare nŋa si jiida ku jɛɛ.

Ezai 16:11

Na ŋɔi í jɔ̀ ǹ wa n yaya na irii inɛi Moabu ŋa bɛi mɔɔlɔ iyi à waa cã, nɔ idɔm í wa si inɛi Kii-Haresɛti ŋa.

Ezai 63:15

Aɔ̃ Lafɛ̃ɛ, cɔ hai lele bi kuwa kumá ilu bɛɛrɛɛu wa aa yɛ mii iyi wa ba wa. Hee iwoi kubi nla nlaɛ do jiida ku jɛɛu í wa. Hee iwoi araareɛ do kubiɛu í wa. Ì gɛɛ kubiɛu ì kɔ̀ ku nyisi awa zamaaɛ ŋau.

Zeremi 18:8

Amma bii í jɛ dimi iyi ǹ wa n fɔ ideɛu ihɛ̃ í sinda í jɔ̀ laalɔ ku ceɛ, n kaa n ceaa laalɔ iyi ǹ tako ǹ dasi idɔ n ceaau má.

Zeremi 3:12

Bɔ ikpa awɔ njɛi kpãai inunu i la na ideu ihɛ̃ i maa ni, baa wa Izirɛli woo kpaasi ide. Aɔ̃ Lafɛ̃ɛ í ni, n kaa n cɔɛ do iju laalɔ, domi ǹ jɛ ilu araare. N ci ya mu idei mbɛɛtɛ do ajɔ fei.

Zeremi 31:20

Nɔ Aɔ̃ Lafɛ̃ɛ í ni má, Efaraimu ama inɛmɔkɔm nii iyi ǹ bi ntɔ ntɔ. Nŋui ǹ bi í re. Nɔ bɛi ǹ wa n fɔ ideɛ fei, bɛɛbɛ mɔi ǹ ya n maa n ye gigiɛ waati kãma fei. Bɛi lasabum fei í wa siɛ, bɛɛbɛ mɔi ǹ nɛ araareɛ ntɔ ntɔ.

Zeremi 42:10

í ni, bii ì mɔsi ì waa jɛ kuwɛɛ nŋɛ si ilɛu ihɛ̃ ŋa, an mu nŋɛ gbugbãi, n kaa n kpa ŋɛ. An lɔ ŋɛi, n kaa n tu ŋɛ, domi ǹ nɛ inɔ kufɔ na laalɔ iyi ǹ ce nŋɛ.

Zeremi 9:6

Na ŋɔi í jɔ̀ Aɔ̃ Lafɛ̃ɛi lele do ilɛ í ni, an dasi ŋa inai n ba n jɔ̀ a má, domi bii kù jɛ bɛɛbɛ, n kù mà bɛi an cea inɛm ŋau ihɛ̃ má.

Zeremi 9:7

Amɛi inɛ ŋau í yɛi bɛi afa ku kpa amanɛ. Ide iyi à waa fɔ fei iboi. À ya maa sɔ̃ kpaasi nŋa idei laakai ku sũ, amma hee si lɛlɛi idɔ nŋa, taai à ya maa leaa.

Kukpata 1:20

Aɔ̃ Lafɛ̃ɛ, cɔ wahalam. Aram wa yaya nɔ ǹ nɛ inɔ kufɔ ntɔ ntɔ, domi ǹ kɔ̀ ku gbɔ ideɛ. Waduude, igũ í kpa amam ŋa. Inɔ kpasɛ̃, ikui wa ce.

Kukpata 3:32

Baa bii wa kpã inɛ iju, í ya ce araareɛ mái, domi jiida ku jɛɛ í la ntɔ ntɔ.

Kukpata 3:33

Í ya kaye amanɛ ŋa nɔ ku dasi ŋa wahala, amma kù jɛ bɛɛbɛi í bi.

Ezekiɛli 33:11

Na nŋu, koo i sɔ̃ ŋa iyi amu Aɔ̃ Lafɛ̃ɛ ǹ ni, hee do kuwɛɛm fei, n kù bi ikui inɛ laalɔ. Iyi ǹ bii í jɛ, ku jɔ̀ kpãa laalɔɛ nɔ ku wɛɛ. Iŋɛ inɛi Izirɛli ŋa, i jɔ̀ laalɔ ku ce nŋɛ. Na mii í jɔ̀ ì waa bi i ku ŋa.

Ezekiɛli 6:9

Nɔ si ilɛ mmu ŋa bii aa koo a maa jɛ aruu, aa maa ye gigim wai. Aa maa ye gigii bɛi ǹ cea idɔ hai jɛ dee dee nŋa do bɛi ǹ jɔ̀ à fa ijum nŋa iyi í ya maa kãsi iwɛ̃ nŋa ŋau. Nɔ aŋa taka nŋa aa cé ara nŋa na laalɔ ŋa iyi à ceu.

Ozee 6:4

Iŋɛ inɛi Efaraimu ŋa, bɛirei an ce nŋɛ. Iŋɛ inɛi Zudaa ŋa, bɛirei an ce nŋɛ. Naanɛ nŋɛ í yɛɛm nii bɛi kudũi ijĩi daadaakɔ, walakɔ bɛi ikpãi daadaakɔ iyi í ya wɔ anu akã.

Ozee 7:1

Waati iyi ǹ wa n bi n faaba inɛi Izirɛli ŋa, kurarai inɛi Efaraimu ŋa do laalɔ ku cei inɛi Samari ŋai ǹ ya n maa n yɛ, domi iboi à ya maa sɔ, nɔ à ya lɔ inɔ kpasɛ̃ ŋai a maa ce ile bata ngba. Woo ce daa sãmi ŋau à ya maa gba mii ndii inɛ ŋai si kpãa ŋa.

Amɔsu 4:11

Ǹ fɔtɔtɔ nŋɛ bɛi Sodomu do Gomɔɔ, nɔ ì baa ì yɛ ŋa bɛi sɔmbɔ iyi à nya wa hai inɔ ina. Do nŋu fei i kù nyi wa bi tom ŋa. Amu Aɔ̃ Lafɛ̃ɛi ǹ fɔ bɛɛbɛ.

Amɔsu 7:3

Ŋɔi Aɔ̃ Lafɛ̃ɛ í kpaasi idɔ nɔ í ni, inɛ bɛ kaa ce má.

Amɔsu 7:6

Ŋɔi Aɔ̃ Lafɛ̃ɛ í kpaasi idɔ nɔ í ni, inɛ bɛ mɔ kaa ce má.

Misee 5:3

Inɛ iyi à cea inɛ ŋa kuwãɛu á dedei ku maa gbã ŋa do gbugbãi Aɔ̃ Lafɛ̃ɛ do yiikoi irii Aɔ̃ Lafɛ̃ɛɛ. Nɔ aa wɛɛi si laakai ku sũ, domi hai waati bɛɛbɛ, amboeɛ á fangaai hee kɔɔi andunya fei.

Sofoni 2:9

Ntɔ ntɔ, hee do kuwɛɛm fei, ide iyi ǹ wa n fɔ wee. Amu Aɔ̃ Lafɛ̃ɛi lele do ilɛ, Lafɛ̃ɛi inɛi Izirɛli ŋa, ǹ ni, inɛi Moabu do inɛi Amɔɔ ŋa aa ce nfei, bɛi inɛi Sodomu do inɛi Gomɔɔ ŋa à ce nfe. Ilɛ nŋau á kpɔò gbaai nɔ agũ ŋai aa biiɛ. Ilɛu á yɛi bɛi à dasi imu, kaa nɛ taasi. Aa ce nfei inyaui hee do ajɔ fei. Inɛm ŋa iyi aa gbe ŋau, aŋai aa ko mii ndu ŋa ŋa, nɔ a gba ilɛ nŋau.

Matie 23:37

Jesu í ni, iŋɛ inɛi Zeruzalɛmu ŋa, iŋɛi ì ya kpa walii ŋa nɔ i ta amaabɛi Ilaaɔ̃ ŋa mɔ kuta i kpa ŋa ŋa. Isɛ fɛloi ǹ ya n bi n tɔtɔɔ ŋɛ si abɛm bɛi ajɛɛ í ya tɔtɔɔ amaɛ ŋa si ikpaɛ, amma i kù jɛ ŋa.

Wooda ku kɔsi 29:22

fainwita do imui í jo ilɛu ihɛ̃. Inɛ kaa yɔkɔ ku gbɛ̃ si nkãma. Nkãma kaa jɛ ku fita si, nɔ fɔfɔ kãma kaa fita si. Mii iyi í baa, dimi akãi do iyi í ba Sodomu do Gomɔɔ do Adima do Seboimu. Ilu ŋau bɛ, Aɔ̃ Lafɛ̃ɛ í ce nfe nŋai si idɔɔkɔ̃ nlaɛ.

Wooda ku kɔsi 29:23

Waati bɛɛbɛ, inɛi ilɛ mmu ŋa aa maa ni, na mii í jɔ̀ Aɔ̃ Lafɛ̃ɛ í cea ilɛu ihɛ̃ bɛɛbɛ. Na mii í jɔ̀ idɔɔkɔ̃ɛ í la hee zaka bɛɛbɛ.

Wooda ku kɔsi 32:36

Ntɔ ntɔ, Aɔ̃ Lafɛ̃ɛ á kiiti inɛɛ ŋau. Amma á ce araarei woo ce icɛɛ ŋa waati iyi á yɛ iyi à kua gbugbã, nɔ aru kaa wɛɛ má walakɔ inɛ iyi í nɛ araɛ.

Piɛɛ 2, 2:6

Si anyiɛ í nyi í yɛ taalei inɛi Sodomu do Gomɔɔ ŋa mɔ má, nɔ í kpa ŋa do ina. Iyi bɛu bɛi á jɛa inɛ laalɔ ŋa iyi aa na a naa yaase.

Zudu 1:7

Bɛɛbɛ mɔi inɛi Sodomu do inɛi Gomɔɔ ŋa do ilu ŋa iyi à kaako ŋa à ya maa ce daa laalɔ bɛi amaleka ŋau. À ya maa ce sɛ̃ɛ ku tɔtɔɔ hai nɛ yaase. Inɛmɔkɔ do inɛmɔkɔ à ya maa sũò njɛ. Na ŋɔi í jɔ̀ à kpa irii ilu ŋau do ina iyi ci ya ku, nɔ nŋu bɛ í jɛa inɛ ŋa sɛɛda.

Kuyɛi Zãa 11:8

Iku nŋa á maa sũi si bantumai ilu nla bii à kpakpa Lafɛ̃ɛ nŋa si jĩi nɔu. À nɛ a kpe iluui wo Sodomu walakɔ Ezibiti.

Kuyɛi Zãa 18:18

à waa dɔ̃ anu iyi à yɛ cuai kujoi iluu à waa ni, ilu nla gɔ kù wɛɛ bɛi iluu ihɛ̃ má.

Woo kiiti ŋa 10:16

Ŋɔi à fũsi iwɛ̃ ŋa iyi à waa tɔɔ ŋau fei awɔ, à sinda à waa tɔɔ Aɔ̃ Lafɛ̃ɛ. Nɔ Aɔ̃ Lafɛ̃ɛ kù jɔ̀ a kù kpɛ si wahalau.