Ozee 11:7 - Bibeli do fee

⁷ Zamaam nɔu wa leekĩi si dee dee hai jɛɛ si gãmɛm. À waa kpe ŋa a dede a leekĩ, amma kãma nŋa kù bi ku dede.

Ozee 11:7 Iomraidhean Croise

Iri ku kɔ̃ 81:11

Amui ǹ jɛ Aɔ̃ Lafɛ̃ɛ nŋɛ, iyi í nya ŋɛ wa hai ilɛi Ezibiti. I cĩ gɛlɛ nŋɛ nɔ n na ŋɛ sɔnda i jɛ ŋa.

Mɔnda ŋa 14:14

Ilu daa sãmi á yɛ ndɛɛ, bɛɛbɛ mɔi inɛ jiida á ba ribai jiida ku ceɛ.

Ezai 26:10

Amma baa bii ì waa ce araarei ilu inɔ kukã ŋa, a ci ya dɛdɛ a mà iyi í jɛ dee dee. Baa si ilɛ bii inɛ ŋa à waa ce mii iyi í jɛ dee dee, laalɔi à ya maa ce. A ci ya yɛ kulai Aɔ̃ Lafɛ̃ɛ mɔm.

Zeremi 14:7

Inɛi Zudaa ŋa à ni, ntɔ ntɔ à waa ba taalei na saabui kurara nwa ŋa. Amma à waa tɔɔɛi Aɔ̃ Lafɛ̃ɛ, ce ngɔgɔ baa na irii awɔ takaɛ, domi à zambaɛ tuuba nkpɔ nkpɔ, nɔ à ce dulum bi tɛɛ.

Zeremi 2:19

Inɔ kukãɛi á jɔ̀ i ba ijuukpã, nɔ dee dee hai jɛɛi á jɔ̀ i yɛ bɔ̃nɛ. Do yaase bɛɛbɛ, aa mà iyi mii iyi ì ce í jɛ laalɔ nɔ í ro. Ì fũsi amu Aɔ̃ Lafɛ̃ɛɛ awɔ nɔ i kù mà bɛɛrɛm. Amu Aɔ̃ Lafɛ̃ɛi lele do ilɛ, amui ǹ fɔ bɛɛbɛ.

Zeremi 3:11

Ŋɔi Aɔ̃ Lafɛ̃ɛ í sɔ̃m í ni, í jɔ bɛi Izirɛli woo kpaasi ideu kù nɛ taale bii à wãaò Zudaa hai jɛ dee deeu.

Zeremi 7:25

Hai ajɔ iyi bala nŋɛ ŋau à fita wa hai ilɛi Ezibiti hee ku baa nnyi, n kù gbɛɛji do walii woo ce icɛm ŋau ku bɛ si ŋɛ wa. Ǹ ya n bɛ ŋa wai waati kãma fei.

Zeremi 7:26

Amma a kù gbɔ idem ŋa pai, a kù desi itĩ. À lele idɔ nŋa, nɔ à ce daa laalɔ iyi í re ti bala nŋa ŋa.

Zeremi 8:5

Na mii í jɔ̀ idɔi zamaai Zeruzalɛmuu ihɛ̃ í le bɛɛbɛ. Si zamba nŋaui à waa leekĩ, a kù kpaasi. A kù jɛ ku sinda ku nyi wa.

Ozee 11:2

Amma si anyiɛ, inɛi Izirɛli ŋa à na à nɛ hee jĩijĩ. Nɔ bɛi à waa kpe ŋa fei, bɛɛbɛi à ya maa jĩò inɛ ŋa iyi à waa kpe ŋau. À ya maa cea iwɛ̃ ŋa iyi à ya kpe Baali ŋau kuwee nɔ à ya joa iwɛ̃ mmu ŋa tuae ŋa.

Ozee 14:4

Inɛi Asiri ŋa a kaa yɔkɔ a faaba wa. A kaa ka gũ acĩ ku ce igũ ŋa má, nɔ a kaa ka ni mii ŋa iyi à ce do awɔ nwa ŋau à jɛ Lafɛ̃ɛ nwa ŋa má, domi awɔi ì ya ce araarei kɔyɔ ŋa.

Ozee 4:16

Izirɛli í ce itĩ ku yikai bɛi kɛtɛ iyi í kɔ̀ icɛ ku ce. Na nŋu, na mii Aɔ̃ Lafɛ̃ɛ njɛ mɔ á gbã ku bɔòɛ ku jɛ bɛi angudã tengi bii bantuma í cĩ.

Ozee 7:16

À sinda à waa baa, amma kù jɛ bi tom. À yɛi bɛi bioo iyi í ka. Inɛ ngbo nŋa ŋa aa kui si igũ, na ide laalɔ ku fɔ nŋa si gãmɛm. Na ŋɔi í jɔ̀ inɛi Ezibiti ŋa aa maa yaako ŋa.