Ozee 11:6 - Bibeli do fee

⁶ Igũi á naa si ilu nŋa ŋau nɔ ku ce nfei inya ku nɛ gbugbã nŋa ŋau. Igũu á ce nfei mii feii si na iyi í jɔ̀ Izirɛli í dasi idɔi laalɔ ŋa ku ce.

Ozee 11:6 Iomraidhean Croise

Iri ku kɔ̃ 106:39

Iwɛ̃ ŋa ku tɔɔ nŋau í yɛi bɛi sakara ku ce bi Aɔ̃ Lafɛ̃ɛ.

Iri ku kɔ̃ 106:43

Tuuba nkpɔ nkpɔi í faaba ŋa. Amma si kuce nŋa, à dedeò ide ku kɔ̀ nɔ à teese à mile si kurara nŋa.

Ezai 18:5

Wee hee a maa da amaajɛ ŋa, waati iyi jĩi ndii rezɛ̃ɛ í da koko í tã, waati iyi kokou í baa í ce iso ŋa, nɔ í jĩa, à ya da amaawɔ ŋa iyi a kù ce ncɛɛ ŋaui do iyi à ce wua ngbɛ ngbɛ ŋau a nyɔ ŋa.

Ezai 27:10

Ilu ku nɛ gbugbãu í baa í wɛɛ ngbɛ. Í baa í jɛ bi kuwa iyi à jɔ̀ɔ à fũsi awɔ bɛi gbaa tengi bii ama kɛtɛ ŋa à ya maa jɛ, nɔ tengi bɛ mɔi à ya sũ, nɔ à ŋɔ amaawɔi jĩi ŋa iyi à wa bɛ fei.

Ezai 30:1

Aɔ̃ Lafɛ̃ɛ í ni inɔ kufɔi í jɛ ti ama woo kɔ̀ ide ŋa. Í ni à ya maa ce lasabui mii ŋa iyi kù waa naa hai bi ti nŋu, nɔ à ya maa dĩ akabuu ŋai iyi kù waa naa hai si lasabui nŋu. Do yaase bɛɛbɛ, à ya maa kɔ̃ɔsi dulum nii si antaii dulum.

Ezai 9:14

Inɛ ngbo ŋa do ilu bɛɛrɛ ŋaui à jɛ irii ilɛu, walii ku kɔsi cio ibo ŋau mɔi à jɛ akpaamuu.

Zeremi 5:17

Aa naa a ce nfei mii ndu ŋɛ ŋai fei. Hai amaajɛ nŋɛ do sɔnda nŋɛ ŋa fei. Aa kpa ama inɛmɔkɔ do ama inaabo nŋɛ ŋa. Aa kpa angudã nŋɛ do kɛtɛ nŋɛ ŋa. Aa ce asɔɔi ikoi jĩi ndii rezɛ̃ɛ do ti figi nŋɛ ŋa. Igũ á ce nfei ilu ku nɛ gbugbã nŋɛ ŋa iyi ì waa kaabau ŋa.

Zeremi 50:35

Aɔ̃ Lafɛ̃ɛ í fɔ í ni, igũ á naa si ilɛi Babilɔni do si inɛi ilu nlaɛ ŋa do si akaweɛ ŋa do si ilu laakaiɛ ŋa.

Kukpata 2:9

Gamboɛ ŋau à nya à cuku. Í lɛgɛ sɔkɔɛ ŋau. À mu ilaaluɛ do inɛ ngboɛ ŋa à nɛò ŋa ilɛ mmu. Wooda kù wɛɛ má, nɔ waliiɛ ŋa a kù waa ce kuyɛ kãma má iyi wa naa hai bi Aɔ̃ Lafɛ̃ɛ.

Ozee 10:14

Na nŋu, wakata á dedei si inɔi inɛɛ ŋa, nɔ bindi ku nɛ gbugbãɛ ŋau fei, aa kɛkɛ ŋai. Aa kɛkɛ ŋai bɛi ilaalu Salumani í tako í kɛkɛ Bɛti-Aabɛli si igũ gɔ iyi à ce, si waati iyi à tɛɛsɛ iyei amu ŋa do ama nŋa ŋau ajɔu.

Ozee 10:6

Ama kɛtɛu takaɛ, Asirii aa na ku jɛ amua iyi à cea ilaalu Yarɛbu. Anyɔi á jɛ ti Efaraimu, nɔ Izirɛli á wa si anyɔ na sɔɔlui mii ŋa iyi í ce.

Ozee 4:16

Izirɛli í ce itĩ ku yikai bɛi kɛtɛ iyi í kɔ̀ icɛ ku ce. Na nŋu, na mii Aɔ̃ Lafɛ̃ɛ njɛ mɔ á gbã ku bɔòɛ ku jɛ bɛi angudã tengi bii bantuma í cĩ.

Ozee 4:17

Inɛi Efaraimu ŋa à so ara nŋa à dasi iwɛ̃ ŋa ku tɔɔ. I jɔ̀ ŋa bɛ ŋa.

Kuwee 26:25

An jɔ̀ igũ ku naa si ilɛ nŋɛ, ku ba ku kpã ŋɛ iju na akabuu iyi í wa aninii awaɛ ŋa iyi ì jɔ̀ í da ŋau. Bii ì sa ì koo ì manji ilu mmu ŋa, an jɔ̀ patapoo ku cuku si ŋɛ, si anyiɛ nɔ n jɔ̀ mbɛɛ nŋɛ ŋa a jɛ ŋɛ igũ.

Kuwee 26:31

An lɛgɛ ilu nŋɛ ŋai a kpɔò bomma, ile bi kuwee nŋɛ ŋau mɔ a gbe ngbɛ, nɔ inunui tuae nŋɛ ŋau kaa dɔ̃ɔm si má.

Kuwee 26:33

An jɔ̀ igũ ku naa si ŋɛ nɔ n fangaa ŋɛ i nɛ ilɛ mmu ŋa. Ilɛ nŋɛu á gbe ngbɛi nɔ ilu nŋɛ ŋau mɔ a kpɔò bomma.

Amɔsu 6:8

Amu Aɔ̃ Lafɛ̃ɛi lele do ilɛ ǹ fɔɔi si kuwɛɛm do kugbasi ǹ ni, faaui inɛi Zakɔbu ŋa wa fɔ inɔm nɔ ǹ cé kabai bomma ku nɛ gbugbãɛ ŋa. Na nŋu, ilu nla nŋa do mii iyi í wa si fei, an daa mbɛɛ nŋa ŋa si awɔi.

Misee 5:11

An ce nfei mii ŋa iyi ì ya ceò dobu dobu ŋaui, nɔ si ilɛu i kaa nɛ woo ce alisi kãma gɔ má ŋa.

Wooda ku kɔsi 28:52

Aa bu ŋɛ koei si ilu ŋa iyi aa wa si ilɛ iyi Aɔ̃ Lafɛ̃ɛ nŋɛ á muu nŋɛu fei. Aa jɛ ŋɛ igũi hee idĩ kugboka iyi í nɛ gbugbã tengi bii ì tamaa aa ba i koo i manji ŋau a cuku.

Wooda ku kɔsi 32:25

Igũi á kpa ama nŋa ŋa si kpãa ŋa. Inɛ ŋa mɔ iyi à wa inɔ kpasɛ̃ ŋa, zigiidai á kpa ŋa. Ikuu á tosi inɛ feii, hai awaasũ ŋa do mudɛ̃ɛ ŋa do mɔkɔ ngbo ŋa do amu ŋa.