Ozee 11:4 - Bibeli do fee

⁴ Ǹ wa n gbãai do kurɔ, nɔ awaò à dĩ si njɛi do kubi. Ǹ yɛi bi titɛɛ bɛi inɛ iyi í nyaa si wahala. Amui ǹ naa sɔnda iyi á jɛ.

Ozee 11:4 Iomraidhean Croise

Samuɛli 2, 7:14

Amui an jɛ baaɛ, nɔ nŋu mɔ á jɛ amam. Bii wa ce laalɔ an cãa n kpãa ijui bɛi baa í ya cã amaɛ.

Iri ku kɔ̃ 105:40

Si kutɔɔ nŋa, à tɔɔɛ sɔnda, nɔ í jɔ̀ wete ŋa à naa, nɔ í jɔ̀ à ba pɛ̃ɛ wa hai lelei Aɔ̃ à jɛ à yo.

Kufita 16:32

Ŋɔi Moizi í ni má, wooda iyi Aɔ̃ Lafɛ̃ɛ í jilɛ si gãmɛi manau wee. Aɔ̃ Lafɛ̃ɛ í ni i wã manau tongoo akã i jilɔɔ ŋa na tɔku nŋɛ ŋa iyi aa na a dede. Do yaase bɛɛbɛi aa yɛ ijɛ iyi Aɔ̃ Lafɛ̃ɛ í wo ŋɛ do si gbaa si waati iyi í nya ŋɛ wa hai ilɛi Ezibiti.

Iri ku kɔ̃ iyi í dɔ̃ í re 1:4

Mu awɔm i fam nɔ ka sɛi ajɔ. Awɔi ì jɛ ilaalum, gbãm i bɔòm ilaawaɛ. ka kpɛ̃ ididɔ̃ nla nla na iriɛ. Ka kɔ̃ iri na kubiɛ iyi í re vɛ̃ɛ didɔ̃. Mudɛ̃ɛ ŋa à nɛ ntɔ a nɛ kubiɛ.

Ezai 63:9

Si inɔ kufɔ nŋa fei, kù cica inɛ gɔ ku naa ku sobi ŋa, amma nŋu takaɛi í naa í faaba ŋa si kubiɛ do si araareɛ. Nŋu takaɛi í ya ŋa nɔ wa gbɔ nŋa. Nŋui wa mu ŋa waati kãma fei baa hai tako.

Ozee 2:8

Na nŋu, amu Aɔ̃ Lafɛ̃ɛ, an cĩmbo kpãaɛi do agũ ŋa. An ce bindii n kaakoɛ ku ba ku maà yɛ kpãaɛ ŋau má.

Kuwee 26:13

Amui ǹ jɛ Aɔ̃ Lafɛ̃ɛ nŋɛ iyi í nya ŋɛ wa hai ilɛi Ezibiti, amui ǹ nya ŋɛ wa hai si aru ku jɛ. Hai waati iyi ǹ leekĩ wahala iyi inɛi Ezibiti ŋa à kãa nŋɛ iyi wa wɔ ŋɛu bɛ, aa yɔkɔ i nɛ i wu iri lele ŋa.

Laabaau jiida iyi Zãa í kɔ 12:32

Waati iyi aa som hai ilɛ a kɔam lele, waati bɛɛbɛi an fa inɛ fei wa bi tom.

Kɔrɛnti 2, 5:14

Kubii Kirisii wa nɛ̀ò wa. Awa à mà kãm kãm iyi inɛ akãi í ku na inɛ fei, à nɔ à mà iyi inɛ feii í nɛ ikpɛ̃ si ikuɛ.

Wooda ku kɔsi 32:12

Ntɔ ntɔ, Aɔ̃ Lafɛ̃ɛ nŋu akãi wa gbã zamaaɛ, kù jɛ do sobii iwɛ̃ kãma.

Wooda ku kɔsi 32:14

À ya ba amɔi kɛtɛ ŋa do ti angudã ŋa a maa mɔ. Iŋai angudã saasaabɔ ku nɛ ikpo ŋa, do ti angudã kombo ŋa do iwo kombo ŋai à ya maa ŋɔ. À ya ba sɔndai bilee jiida a maa jɛ, nɔ à ya ba vɛ̃ɛi isoi rezɛ̃ɛ nŋa ŋa a maa mɔ.