Ozee 11:3 - Bibeli do fee

³ Amui ǹ mu awɔi Efaraimu ǹ kɔɔ si isɛɛnɛ wa. Amma kù mà mà amui ǹ wa n gbɔa nŋu.

Ozee 11:3 Iomraidhean Croise

Iri ku kɔ̃ 107:20

Do ide ku fɔɛi í jɔ̀ à ba iri. Í nya ŋa hai si iku.

Kufita 15:26

Í ni, bii ì waa gbɔ imui ide ku fɔi amu Aɔ̃ Lafɛ̃ɛ nŋɛ do laakai, bii ì waa ce iyi í tɛ si wajum ŋa, nɔ ì waa de itĩ si woodam ŋa, nɔ ì waa jirima wooda ŋau fei ŋa, n kaa n dasi ŋɛ bɔ̃ɔ kãma bɛi ǹ dasi inɛi Ezibiti ŋau. Amui ǹ jɛ Aɔ̃ Lafɛ̃ɛ nŋɛ, nɔ amui an faaba ŋɛ hai si bɔ̃ɔ nŋɛ.

Kufita 19:4

Aɔ̃ Lafɛ̃ɛ í ni, ì yɛ bɛi ǹ cea inɛi Ezibiti ŋau ŋa do yaase bɛi ǹ naaò ŋɛ wa ihɛ̃ kɔkɔi amu takam do awɔ gbugbãm nɔ ǹ so ŋɛ wa bɛi kungbã í ya so amaɛ ŋa.

Kufita 23:25

Amu akãi aa tɔɔ ŋa, amui ǹ jɛ Aɔ̃ Lafɛ̃ɛ nŋɛ. Bii ì waa ce bɛɛbɛ ŋa an wee ŋɛ n jɔ̀ i ba ijɛ do inyi ŋa nɔ an jɔ̀ bɔ̃ɔ ku jĩò nŋɛ.

Ezai 1:2

Lele, sotĩ i gbɔ, ilɛ, sotĩ i gbɔ. Aɔ̃ Lafɛ̃ɛi wa fɔ ide, í ni, ǹ bíi amu ŋa, nɔ ǹ kɔ ŋa, amma wee à dedeò ide ku kɔ̀ si gãmɛm.

Ezai 30:26

Ajɔ iyi Aɔ̃ Lafɛ̃ɛ á jɔsi agbɛ bii í mɛɛ inɛɛ ŋau iwɔ nɔ ku jɔ̀ kumɛɛ ŋau a tã, ajɔ nŋu bɛ inya kumái cukpa á yɛi bɛi ti inunu, nɔ inya kumái inunuu takaɛ á la ku re bɛi í ya tako ku ceu ikɔ mɛɛje bɛi inya kumái ajɔ mɛɛje.

Ezai 46:3

Iŋɛ inɛi Izirɛli ŋa, i sotĩ i gbɔ ŋa. Iŋɛ iyi ì gbe si dimii Zakɔbu ŋa, iŋɛ iyi ǹ wa n mu hai waati iyi a kù bí ŋɛ, nɔ ǹ na ǹ wa n mu ŋɛ waati iyi à bí ŋɛ,

Ezai 63:9

Si inɔ kufɔ nŋa fei, kù cica inɛ gɔ ku naa ku sobi ŋa, amma nŋu takaɛi í naa í faaba ŋa si kubiɛ do si araareɛ. Nŋu takaɛi í ya ŋa nɔ wa gbɔ nŋa. Nŋui wa mu ŋa waati kãma fei baa hai tako.

Zeremi 30:17

Nɔ Aɔ̃ Lafɛ̃ɛ í ni má, Siɔ̃ɔ, inɛ ŋa à sɔɛ inɛ iyi kuwɛɛɛ kù jɛ jiida kãma, awɔ iyi inɛ kãma kù bi ideɛ. Amma amu Aɔ̃ Lafɛ̃ɛ, ǹ wa n sɔ̃ɛi, amu an jɔsi kumɛɛ ŋau iwɔ nɔ n jɔ̀ i ba iri.

Zeremi 8:22

Ŋɔi ǹ bee aram ide ǹ ni, iwɔi kù wa Galaadi má de, mà lokotoo ŋai a kù wa bɛ. Mà na mii í jɔ̀ inɛm ŋau a kù waa ba iri.

Ozee 14:4

Inɛi Asiri ŋa a kaa yɔkɔ a faaba wa. A kaa ka gũ acĩ ku ce igũ ŋa má, nɔ a kaa ka ni mii ŋa iyi à ce do awɔ nwa ŋau à jɛ Lafɛ̃ɛ nwa ŋa má, domi awɔi ì ya ce araarei kɔyɔ ŋa.

Ozee 2:8

Na nŋu, amu Aɔ̃ Lafɛ̃ɛ, an cĩmbo kpãaɛi do agũ ŋa. An ce bindii n kaakoɛ ku ba ku maà yɛ kpãaɛ ŋau má.

Ozee 7:1

Waati iyi ǹ wa n bi n faaba inɛi Izirɛli ŋa, kurarai inɛi Efaraimu ŋa do laalɔ ku cei inɛi Samari ŋai ǹ ya n maa n yɛ, domi iboi à ya maa sɔ, nɔ à ya lɔ inɔ kpasɛ̃ ŋai a maa ce ile bata ngba. Woo ce daa sãmi ŋau à ya maa gba mii ndii inɛ ŋai si kpãa ŋa.

Ozee 7:15

Amui ǹ na ŋa ikɔ, nɔ ǹ jɔ̀ à nɛ gbugbã, amma sɔɔlui laalɔi à waa ce si gãmɛm.

Woo bɛ ŋa 13:18

nɔ í yɔkɔò ŋa temua zakai adɔ̃ ciiji si gbaau.

Wooda ku kɔsi 1:31

si anyiɛ nɔ ì yɛ bɛi Aɔ̃ Lafɛ̃ɛ í so ŋɛ si gbaa bɛi inɛ í ya so amaɛ si isɛɛnɛ iyi ì ce wa hee ì toò wa inyau ihɛ̃ ŋa.

Wooda ku kɔsi 33:27

Hai ku kpɛ, Aɔ̃ Lafɛ̃ɛi í jɛ bi ku manjiɛ. Hai ku kpɛi wa nyisi gbugbãɛ wa si ilɛ ihɛ̃. Nŋui í lele mbɛɛɛ ŋa hai si wajuɛ nɔ í naɛ wooda í ni, i kpa ŋa.

Wooda ku kɔsi 8:2

I ye gigii isɛɛnɛ sisɔ iyi Aɔ̃ Lafɛ̃ɛ nŋɛ í jɔ̀ ì ce ŋa adɔ̃ ciiji si gbaau ku ba ku cɔ laakai nŋɛ nɔ ku mà mii iyi í wa si idɔ nŋɛ, nɔ ku mà bii í jɛ aa yɔkɔ i jirima woodaɛ ŋa walakɔ bii í jɛ i kaa yɔkɔ ŋa.