Ozee 11:2 - Bibeli do fee

² Amma si anyiɛ, inɛi Izirɛli ŋa à na à nɛ hee jĩijĩ. Nɔ bɛi à waa kpe ŋa fei, bɛɛbɛi à ya maa jĩò inɛ ŋa iyi à waa kpe ŋau. À ya maa cea iwɛ̃ ŋa iyi à ya kpe Baali ŋau kuwee nɔ à ya joa iwɛ̃ mmu ŋa tuae ŋa.

Ozee 11:2 Iomraidhean Croise

Ilaalu 1, 12:33

Ŋɔi í bɔ bi iwɛ̃ iyi í ce Betɛliu si ajɔ maatũsiai cukpa mɛɛjɔsiau si bɛi nŋu takaɛ í jilɛ ndɛɛ. Ŋɔi í nyaa inɛi Izirɛli ŋa jingau, nɔ í bɔ bi kuweeu koo jo tuae ŋa.

Ilaalu 1, 18:19

Bɛbɛi, jɔ̀ a tɔtɔɔ inɛi Izirɛli ŋau fei si iri kutai Kaamɛli bi tom do waliii Baali cĩɔ mɛɛ do ciitaa ŋau (450) do ti Asera cĩɔ mɛɛ ŋa (400) iyi Zezabɛli wa wo ŋau fei.

Neemi 9:30

Do nŋu fei ì temuaò ŋa adɔ̃ nkpɔ nkpɔ. Ì jɔ̀ hundeɛ í naa si waliiɛ ŋa ku ba a sɔ̃ ŋa a ce laakai. Amma a kù de si ŋa itĩ. Ŋɔi ì so ŋa ì daa dimi mmu ŋa si awɔ.

Ezai 65:7

Aɔ̃ Lafɛ̃ɛ í ni, an sã gbesei kurarai iŋɛ taka nŋɛi hee do ti bala nŋɛ ŋa fei, aŋa iyi à joa iwɛ̃ nŋa ŋa tuae ku dɔ̃ inunu ŋa si iri kuta ŋa, nɔ à dede idɔɔkɔ̃m si geete ŋa. Kucei tako nŋa ŋaui an wã n bɛi n sã nŋa. An sã nŋa mii iyi í wa si gãmɛi awaò ŋaui.

Zeremi 18:15

To, inɛm ŋa wee à gbɛjɛm. À koo à waa cea iwɛ̃ ŋa kuwee. Iwɛ̃ ŋaui à waa dasi ŋa isɛ ku ko si kpãa nŋa ŋa iyi à mà hai tako wo, nɔ à koo à waa nyaa ara nŋa kpãa titɔ̃ ŋa.

Zeremi 35:13

ide iyi amu Aɔ̃ Lafɛ̃ɛi lele do ilɛ, Lafɛ̃ɛi inɛi Izirɛli ŋa ǹ fɔ wee. Ǹ ni, koo i sɔ̃ inɛi Zudaa do inɛi Zeruzalɛmu ŋau fei i ni, Aɔ̃ Lafɛ̃ɛ í ni, i kaa gba ikɔ ŋa? I kaa jirima idei amu Aɔ̃ Lafɛ̃ɛ nŋɛ ŋa?

Zeremi 44:5

Amma ì kɔ̀ ku gbɔ ŋa, ì kɔ̀ ku desi ŋa itĩ ŋa, i kù jɛ ku fũsi laalɔ ku ce nŋɛ ŋau awɔ ŋa. I kù jɔ̀ iwɛ̃ ŋa ku joaa tuae ku dɔ̃ inunu ŋau ŋa.

Ozee 11:7

Zamaam nɔu wa leekĩi si dee dee hai jɛɛ si gãmɛm. À waa kpe ŋa a dede a leekĩ, amma kãma nŋa kù bi ku dede.

Ozee 2:13

An jɔ̀ inɔ didɔ̃ɛ fei ku leekĩi. Nɔ hai jingauɛ ŋa, do jingaui ajɔi cukpa titɔ̃ɛ ŋau, do ajɔi kusĩmiɛ ŋau hee do waati si bii à ya ko a ce jingau ŋau fei, aa leekĩi.

Ozee 4:13

À ya maa ce kuwee ŋai si antaii iri kuta ŋa. À ya maa jo tuae ku dɔ̃ inunu ŋa si antaii geete ŋa, do si abɛi jĩi tũtũ ŋa tengi bii jĩjĩ jiida í wa. Na ŋɔi í jɔ̀ ama inaabo nŋa ŋau aa maa ta icui, nɔ aboi ama inɛmɔkɔ nŋa ŋau mɔ aa maa ce sakarai.

Ozee 4:17

Inɛi Efaraimu ŋa à so ara nŋa à dasi iwɛ̃ ŋa ku tɔɔ. I jɔ̀ ŋa bɛ ŋa.

Zakari 1:4

Ǹ wa n tɔɔ ŋɛ, i maà ti i sisi bala nŋɛ ŋa. Hai kukpɛi waliim ŋa à sɔ̃ ŋa idem, à ni a jɔ̀ kuwɛɛ laalɔ do kookoosu laalɔ nŋa ŋa iyi à waa ceu, amma a kù bi ku gbɔ mɔm hee a jirimam.

Zakari 7:11

Amma inɛ ŋau à kɔ̀ ku gbɔ ideu. À dĩ itĩ nŋa ku ba a maà gbɔ.

Luku 13:34

Iŋɛ inɛi Zeruzalɛmu ŋa, iŋɛ iyi ì ya kpa walii ŋa, nɔ i ta ama abɛi Ilaaɔ̃ ŋa mɔ kuta i kpa ŋa ŋa, isɛ fɛloi ǹ ya n bi n tɔtɔɔ ŋɛ si abɛm bɛi ajɛɛ í ya tɔtɔɔ amaɛ ŋa si ikpaɛ, amma i kù jɛ ŋa.

Laabaau jiida iyi Zãa í kɔ 3:19

Í yɛ taalei inɛ dimi bɛɛbɛ ŋai si na iyi í jɔ̀ inya kumá í naa si andunya, amma inɛ ŋa à bi ilu kuku í re inya kumáu. À bi ilu kukuui si na iyi í jɔ̀ kuce nŋa kù sĩa.

Woo bɛ ŋa 7:51

Nɔ Etiɛni í ni má, iŋɛ inɛ kugaabu ŋai, idɔ nŋɛ do itĩ nŋɛ fei í le. Ì ya maa kɔ̀si Hundei Ilaaɔ̃ ŋai waati kãma fei. Iŋɛ mɔ ì waa ce bɛi bala nŋɛ ŋa à tako à ce wo.

Woo kiiti ŋa 10:6

Inɛi Izirɛli ŋau à nyi à ce mii iyi kù dɔ̃a Aɔ̃ Lafɛ̃ɛ si má. Iwɛ̃ Baali ŋai à ya maa tɔɔ do iwɛ̃ Asitaate do iwɛ̃i inɛi Siri ŋa do ti inɛi Sidɔ̃ɔ ŋa do ti inɛi Moabu ŋa do ti inɛi Amɔɔ ŋa do ti inɛi Filisi ŋa, nɔ à fũsi Aɔ̃ Lafɛ̃ɛ awɔ a ci ya gulɛ a tɔɔɛ má.

Woo kiiti ŋa 2:13

À fũsi Aɔ̃ Lafɛ̃ɛ awɔ, nɔ à koo à waa tɔɔ iwɛ̃ Baali do iwɛ̃ Asitaate.

Woo kiiti ŋa 3:7

Inɛi Izirɛli ŋa à cea Aɔ̃ Lafɛ̃ɛ nŋa mii iyi kù dɔ̃aa si, à gbɛjɛ ideɛ nɔ à waa tɔɔ iwɛ̃ Baali do Asera ŋa.