Ozee 11:11 - Bibeli do fee

¹¹ Nɔ aa baai hai ilɛi Ezibiti do kuyaya bɛi yɛi. Hai Asirii mɔ, aa baai bɛi ankasiidi. Nɔ ide nŋai an jɔ̀ a naa a buba. Ide iyi amu Aɔ̃ Lafɛ̃ɛ ǹ fɔ mbɛ.

Ozee 11:11 Iomraidhean Croise

Ezai 11:11

Si waati nŋu bɛi Aɔ̃ Lafɛ̃ɛ á dasi baa isɛ gbeejisia má ku ya zamaaɛ ŋa iyi à gbe si ilɛ mmu ŋau ku jɔ̀ a nɛ ara nŋa. Hai inɛ ŋa iyi à wa ilɛi Asiri do Ezibiti do Patɔɔsi do Etiopi do Elamu do ilɛi Babilɔni, do Amati do ilɛi itĩi inyi ŋau.

Ezai 60:8

Inɛ ŋau bɛ, yoo ŋai. Aa ni bɛi kudũi ijĩ iyi wa nɛi, walakɔ bɛi ankasiidi ŋa iyi à fo à koo à waa lɔ inɔ ile nŋa.

Zeremi 31:12

Aa maa baai do anu ku dɔ̃i inɔ didɔ̃ si iri kutai Siɔ̃ɔ. Waju nŋa á maa daanai do inɔ didɔ̃ na mii jiida ŋa iyi aa ba hai bi Aɔ̃ Lafɛ̃ɛ. Mii jiida ŋau wee. Bilee do vɛ̃ɛ titɔ̃ do ikpoi olivi, do angudã ŋa do iwo ŋa do kɛtɛ kombo ŋa. Kuwɛɛ nŋa á maa sĩai bɛi lambo iyi à waa muaa inyi. Nɔ a kaa wɛɛò inɔ kufɔ má.

Ezekiɛli 34:27

Jĩi ŋa aa soi, ilɛ á ce amaajɛi, nɔ inɛ baa yooma fei á maa wɛɛi do laakai ku sũ si ilɛu. An da sesee iyi à dĩò inɛm ŋaui, nɔ n nya ŋa hai si aru ku jɛ. Do yaase bɛɛbɛ, inɛ ŋa aa mà iyi amui ǹ jɛ Aɔ̃ Lafɛ̃ɛ.

Ezekiɛli 34:28

Isɛ mmu ŋa a kaa ko mii ndu ŋa ŋa má. Mɛɛmu kugaabu ŋa a kaa ŋɔ ŋa má. Aa maa wɛɛi do laakai ku sũ nɔ inɛ kãma kaa da zigi nŋa má.

Ezekiɛli 37:21

Si anyiɛ, sɔ̃ inɛi Izirɛli ŋau iyi amu Aɔ̃ Lafɛ̃ɛ ǹ ni an nya ŋa wai hai si inɔi dimi mmu ŋa bii à wa fei, n tɔtɔɔ ŋa n baaò ŋa wa si ilɛ nŋa.

Ezekiɛli 37:25

Aa bubai si ilɛ iyi ǹ na Zakɔbu woo ce icɛm nɔu tengi bii bala nŋa ŋa à bubau. Aa wa bɛi do ama nŋa ŋa do tɔku nŋa ŋa hee do ajɔ fei. Davidi woo ce icɛm nii á jɛ ilaalu nŋa do ajɔ fei.

Ozee 3:5

Si anyiɛ, inɛi Izirɛli ŋau aa sinda a nyi wa, nɔ aa maa dɛdɛ Aɔ̃ Lafɛ̃ɛ do ilaalu nŋa iyi à bí si dimii Davidiu. Si zigiida nŋau, aa maai si Aɔ̃ Lafɛ̃ɛ wa nɔ aa maai si jiida ku jɛɛ si waati ŋa iyi wa mɔsi do waju.

Ozee 7:11

Inɛi Efaraimu ŋa à yɛi bɛi ankasiidi. Lasabu nŋa kù jĩisa nɔ a kù nɛ bisi. Inɛi Ezibiti ŋai à kpe. Si anyiɛ, nɔ à dede à nɛ ilɛi Asiri.

Abudiasi 1:17

Amma si iri kutai Siɔ̃ɔ iyi aa nya ikã má ku jɛ titom nɔui inɛ ŋa iyi à ba à fita si ŋau aa wa. Tɔkui Zakɔbu ŋa aa gba ilɛ nŋa má hai bi inɛ ŋa iyi à jɛ ŋa igũ wo à gbaau.

Zakari 10:10

An nya ŋa hai ilɛi Ezibiti do hai ilɛi Asiri n bɔò ŋa ide nŋa. Amui an gbã ŋa n baaò ŋa wa si ilɛi Galaadi do Libãa, nɔ baa bɛ inya kaa to ŋa.

Zakari 8:7

Ǹ wa n sɔ̃ ŋɛi, an nya inɛm ŋa hai si ilɛ ŋa iyi à wa nunui daakɔ do nunui alɛ.

Zakari 8:8

An jɔ̀ a baa hai bɛ a naa a buba Zeruzalɛmu. Aa jɛ inɛm ŋa nɔ n jɛ Lafɛ̃ɛ nŋa. An maa n mu ŋa si kpãai ntɔ do si dee dee ku jɛm.