Ozee 11:1 - Bibeli do fee

¹ Waati iyi Izirɛli í wɛɛ awaasũ, ǹ nɛ kubiɛ. Nŋu iyi í jɛ amam, ǹ kpoo wai hai ilɛi Ezibiti.

Ozee 11:1 Iomraidhean Croise

Iri ku kɔ̃ 129:1

Iri ku kɔ̃i kutɔɔ ku bɔ ku ce. À ceem laalɔ nkpɔ nkpɔ hai waatii awaasũm, Izirɛli ku fɔ ku sisi ku ni,

Kufita 19:4

Aɔ̃ Lafɛ̃ɛ í ni, ì yɛ bɛi ǹ cea inɛi Ezibiti ŋau ŋa do yaase bɛi ǹ naaò ŋɛ wa ihɛ̃ kɔkɔi amu takam do awɔ gbugbãm nɔ ǹ so ŋɛ wa bɛi kungbã í ya so amaɛ ŋa.

Kufita 4:22

Nɔ i sɔ̃ɔ i ni, Aɔ̃ Lafɛ̃ɛ í ni inɛi Izirɛli ŋa à yɛi bɛi ama yemmai nŋu.

Kufita 4:23

Na nŋu, jɔ̀ inɛi Izirɛli ŋau a nɛ, aŋa iyi à jɛ amaɛu, ku ba a koo a tɔɔɛ. Nɔ bii ì kɔ̀, nŋu á kpa ama yemmai awɔ takaɛ.

Ezai 43:4

Si bɛi ì nɛ bɛɛrɛ si wajum, nɔ ntɔ ntɔ ì jɛ inɛ iyi ǹ wa n saalu, nɔ ǹ nɛ kubiɛ, na nŋui í jɔ̀ an na inɛ ŋa si agbɛɛ, nɔ an na dimi gɔ ŋa n yaò kuwɛɛɛ.

Zeremi 12:7

Ǹ fũsi kpasɛ̃m awɔ, ǹ fũsi zamaam nɔu awɔ. Ǹ fũa mbɛɛ mii iyi ǹ bi ntɔ ntɔ si idɔm nɔu awɔ.

Zeremi 2:2

koo sɔ̃ inɛi Zeruzalɛmu ŋa i ni amu Aɔ̃ Lafɛ̃ɛ ǹ ni, awɔ Zeruzalɛmu, ǹ wa n ye gigii kubim iyi ì nɛ waati iyi ì wɛɛ mudɛ̃ɛ, do kubim iyi ì nɛ waati iyi ì waa jɛ abo titɔ̃. Waati bɛɛbɛi ì ya toom nii hee gbaa bii nkãma ci ya fitau.

Ezekiɛli 16:22

Si inɔi laalɔ ku ceɛ ŋa do sakara ku ceɛ ŋau fei, i kù ye gigii waatii mudɛ̃ɛu. I kù ye gigii waati iyi ì wɛɛ basĩ popoopo, nɔ ì waa bimbili si njɛɛu.

Ezekiɛli 16:6

Iyi amu Aɔ̃ Lafɛ̃ɛ ǹ na ǹ wa n lɔ kɔkɔɛ Zeruzalɛmu, ǹ hɔ̃nnɛɛ ì waa bimbili si njɛ. Nɔ ǹ ni, wɛɛ, wɛɛ, baa do iyi ì waa bimbili si njɛ fei.

Ozee 10:15

Iŋɛ inɛi Izirɛli ŋa, bɛɛbɛi aa ce nŋɛ, si na iyi í jɔ̀ laalɔ ku ce nŋɛ í caa Betɛli bɛ. Hai inunu í là gbakã, kɔɔi kuwɛɛi ilaalui Izirɛli mɔ mbɛ.

Ozee 12:13

Zakɔbu í sa í nɛ ilɛi Aramu í koo wa cea inɛ gɔ icɛ ku ba ku ba abo. Mɛɛmu gaai í koo wa degbe ku ba ku ba abou.

Ozee 12:9

Efaraimu í ya nii, ntɔ ntɔ, ǹ baa ǹ jɛ ilu fia. Ǹ ba amani ntɔ ntɔ. Amma ǹ baai na saabui icɛi awɔm. Kù jɛ kurara gɔi ǹ ce ǹ bɛi ǹ baò fiau.

Ozee 13:4

Izirɛli, amui ǹ jɛ Aɔ̃ Lafɛ̃ɛɛ hai waati iyi ǹ nyaɛ wa hai ilɛi Ezibiti. I kù mà Ilaaɔ̃ mmuɛ kãma gɔ má bii kù jɛ amu. Nɔ woo faaba mmu gɔ kù wɛɛ má bii kù jɛ amu.

Ozee 2:15

An jɔ̀ ku yɛ ijuukpãi waati ŋa iyi í ya maa tɔɔ Baali ŋau. Baali ŋaui í ya maa cea amuai tuae, nɔ na iri nŋai í ya maa dasi lɛlɛawɔ ŋa do saba ŋa. Mɔkɔ kaafeɛ ŋai í ya maa too, nɔ í gbɛjɛ idem. Amu Aɔ̃ Lafɛ̃ɛi ǹ fɔ bɛɛbɛ.

Malasi 1:2

Aɔ̃ Lafɛ̃ɛ í ni, ǹ bi iŋɛ inɛi Izirɛli ŋa. Amma ì ya fɔi i maa ni ŋa, mii wa nyisi iyi ì bi wa. Nɔ ǹ ni, Esau kù jɛ igbãi Zakɔbu? Do nŋu fei Zakɔbui ǹ bi

Matie 2:15

Bɛi à buba hee Herodu í koo í ku. Iyi bɛ í cei ku ba ide iyi Aɔ̃ Lafɛ̃ɛ í sɔ̃ walii Ozee ku sisia inɛ ŋau ku kɔ̃, si bɛi í ni, hai Ezibitii ǹ kpe amam wa.

Wooda ku kɔsi 33:3

Aɔ̃ Lafɛ̃ɛ í nɛ kubii inɛi Izirɛli ŋau. Inɛ ŋa iyi à jɛ titɛɛ ŋau fei, si awɔɛi à wa. Inɛ ŋau à tɔtɔɔ bi tɛɛi ku ba a maa gbɔ ikɔɛ ŋa.

Wooda ku kɔsi 7:7

Bii Aɔ̃ Lafɛ̃ɛ í bi ŋɛ hee í cica ŋɛ, kù jɛ a ni akpɔ nŋɛi í re inɛ mmu ŋa iyi à gbe si andunya ihɛ̃ fei. Zamaa nŋɛ mɔm nii í kere í re inɛ mmu ŋa iyi à gbe fei.