Ozee 10:9 - Bibeli do fee

⁹ Inɛi Izirɛli ŋau à ce dulum nii hai waati iyi à wa Gibea, nɔ bɛɛbɛi à wɛɛ a kù jɛ ku kpaasi. Na ŋɔi í jɔ̀ igũ á naa si aŋa inɛ laalɔ ŋau Gibea bɛ.

Ozee 10:9 Iomraidhean Croise

Kusintii Andunya 6:5

Aɔ̃ Lafɛ̃ɛ í yɛ inɔ kukãi amanɛ ŋa í la í caa si ilɛ, lasabui idɔ nŋa ajɔ fei si laalɔ nŋu akãi í ya wa.

Kusintii Andunya 8:21

Ŋɔi Aɔ̃ Lafɛ̃ɛ í gbɔ inunu didɔ̃ nɔ í ni si idɔɛ, n kaa n ceekpe ilɛ na irii amanɛ ŋa má domi lasabui idɔi amanɛ ŋa í jɛ laalɔ hai keeke nŋa. N kaa n kpa irii andunya fei bɛi ǹ ceu bɛ má.

Ozee 10:10

Aɔ̃ Lafɛ̃ɛ í ni, an kpã ŋa ijui si bɛi ǹ dasi idɔ. Zamaa nkpɔ nkpɔ á tɔtɔɔ si ŋa wai nɔ a kpã ŋa iju na dulum iyi à ce à sisiu.

Ozee 10:8

Geetei bi ku ce kuweei Avɛni ŋa bii Izirɛli í ce dulum nɔu, aa lɛgɛ ŋai. Agũ dimi ikã ikã ŋai aa fita a la si agbɛi bi kuwee nŋa ŋau. Waati bɛɛbɛi aa sɔ̃ iri kuta ŋa a maa ni, i bii wa wa ŋa. Nɔ aa sɔ̃ geete ŋa a maa ni, i cuku si wa wa ŋa.

Ozee 5:8

I fã kuu si ilui Gibea ŋa, nɔ i fã kãakãakĩ si ilui Rama ŋa. I dɔ̃ anui igũ si ilui Bɛti-Avɛni, iŋɛ tɔkui Bɛnzamɛɛ ŋa.

Ozee 9:9

Inɛ ŋau à dási laalɔ ku cei bɛi waatii inɛi Gibea ŋau. Amma Aɔ̃ Lafɛ̃ɛ wa ye gigii kurara nŋa ŋau, nɔ á kpã ŋa ijui na dulum du ŋa ŋau.

Woo kiiti ŋa 20:5

Ŋɔi inɛi Gibea ŋau à naa ku ceem laalɔ, à naa à kaako ile bii à wau waati iyi idũ í dũ. Si lasabu nŋa à bi aŋa a kpam nii wo, ŋɔi a sũò abom hee í lɔ zaka nɔ í ku.