Ozee 10:8 - Bibeli do fee

⁸ Geetei bi ku ce kuweei Avɛni ŋa bii Izirɛli í ce dulum nɔu, aa lɛgɛ ŋai. Agũ dimi ikã ikã ŋai aa fita a la si agbɛi bi kuwee nŋa ŋau. Waati bɛɛbɛi aa sɔ̃ iri kuta ŋa a maa ni, i bii wa wa ŋa. Nɔ aa sɔ̃ geete ŋa a maa ni, i cuku si wa wa ŋa.

Ozee 10:8 Iomraidhean Croise

Kusintii Andunya 3:8

Alɛ ajɔ nŋu Aɔ̃ Lafɛ̃ɛ í naa ku yiyi si lambou. Ŋɔi inɛɛu do aboɛu à gbɔ ibaɛ si inɔ lambou nɔ à sa à koo à lɔ si aninii jĩi ndii lambo ŋau, à waa manjiaa.

Ilaalu 1, 13:2

Ŋɔi waliiu í lasi bi kuweeu í ni, bi kuwee, bi kuwee, ide iyi Aɔ̃ Lafɛ̃ɛ í fɔ wee. Í ni, aa na a bí ama gɔ si nyaanzei Davidi nɔ a kpoo Zoziasi. Nŋui á kpa woo ce kuwee ŋa si antaii geete ŋau, aŋa iyi à ya maa jo tuae ŋau, nɔ nŋui á jo kũkũi amanɛ ŋa si antaiɛ.

Ilaalu 1, 13:34

Iyi bɛi í jɛ dulum dii kpasɛ̃i Zeroboamu. Na ŋɔi í jɔ̀ Ilaaɔ̃ í kpa kpasɛ̃u í nyaa si andunya.

Ilaalu 1, 14:16

Á to nŋa anyi na dulum dii Zeroboamu do iyi í jɔ̀ inɛi Izirɛli ŋa mɔ à ce.

Ilaalu 2, 23:15

Si anyiɛ nɔ Zoziasi í lɛgɛ bi kuwee iyi í wa Betɛliu mɔ má. Bi kuweeu, Zeroboamu amai Nebatii í maa si geeteu í tale siò inɛi Izirɛli ŋau dulum ku ce. Zoziasi í joo í jɔ̀ í ce ilúlu. Nɔ í jo jĩi iyi à gũ na irii iwɛ̃ Aserau.

Bomma 2, 31:1

Waati iyi à jɛ jingauu à tã, ŋɔi inɛi Izirɛli ŋa iyi à wa bɛ ŋau fei à bɔ si ilui Zudaa ŋau fei, nɔ à koo à lɛgɛ kuta ŋa iyi à lɔa iwɛ̃ ŋau nɔ à da jĩi iyi à lɔa iwɛ̃ Asera ŋau. À kɛkɛ bi kuwee nŋa ŋa iyi à ma si geete ŋau si ilɛi Zudaa do Bɛnzamɛɛu fei. Si anyiɛ nɔ à koo à ce bɛɛbɛ si ilɛi Efaraimu do si ti Manasee má. Iyi à tã, ŋɔi inɛ fei í nyi ideɛ.

Ezai 2:19

Inɛ ŋa aa sai a koo a maa dɛ bi ku manji si inɔ isa ŋa do si isai kuta ŋa na idɔɔkɔ̃i Aɔ̃ Lafɛ̃ɛ do kulai amboeɛ iyi í wa si antaii mii fei waati iyi á na ku dede nɔ ku naaò zigiida wa si ilɛ.

Ezai 2:21

Aa sai a maa lɔ inɔ isa ŋa do si isai kuta ŋa na idɔɔkɔ̃i Aɔ̃ Lafɛ̃ɛ do kulai amboeɛ iyi í wa si antaii mii fei waati iyi á na ku dede nɔ ku naaò zigiida wa si ilɛ.

Ezai 32:13

Agũ dimi ikã ikã ŋai aa fita a maa la si ilɛi inɛm ŋau hee do si kpasɛ̃ fei bii inɔ didɔ̃ í wa do si ilu bii aa maa gbɔ anu ku dɔ̃i inɔ didɔ̃.

Ezai 34:13

Agũ ŋai aa fita si kabai bommaɛ ŋau. Kakayɛtɛ do agũ ŋai aa fita si ile ku nɛ gbugbãɛ ŋau. Bi kuwai ajaako ŋai á baa ku jɛ, do bi kuwai taataa ŋa.

Ozee 10:2

Inɛi Izirɛli ŋau a kù leekĩ do Ilaaɔ̃ nŋu akã. Amma bɛbɛi, aŋa mɔ aa ŋɔ gasaɛ. Aɔ̃ Lafɛ̃ɛ takaɛi á lɛgɛ bi kuwee nŋa ŋau, nɔ nŋui á kɛkɛ kuta nŋa ŋa iyi à gũu.

Ozee 10:5

Inɛi ilui Samari ŋa aa wɛɛò inɔ kufɔ na ama kɛtɛi Bɛti-Avɛni. Zamaaɛ ŋa do woo weeɛ ŋa, aa wɛɛò inɔ kufɔi ikui iwɛ̃ui. Aa maa yayai na iriɛ na bɛɛrɛɛ iyi wa nɛ ilɛ mmu hee jĩijĩ.

Ozee 10:9

Inɛi Izirɛli ŋau à ce dulum nii hai waati iyi à wa Gibea, nɔ bɛɛbɛi à wɛɛ a kù jɛ ku kpaasi. Na ŋɔi í jɔ̀ igũ á naa si aŋa inɛ laalɔ ŋau Gibea bɛ.

Ozee 2:6

N kaa n ce araarei amaɛ ŋa, domi amai abo à ce sakara ŋai.

Ozee 4:13

À ya maa ce kuwee ŋai si antaii iri kuta ŋa. À ya maa jo tuae ku dɔ̃ inunu ŋa si antaii geete ŋa, do si abɛi jĩi tũtũ ŋa tengi bii jĩjĩ jiida í wa. Na ŋɔi í jɔ̀ ama inaabo nŋa ŋau aa maa ta icui, nɔ aboi ama inɛmɔkɔ nŋa ŋau mɔ aa maa ce sakarai.

Ozee 4:15

Iŋɛ inɛi Izirɛli ŋa, sakarai ì waa ce ŋa. Amma iŋɛ inɛi Zudaa ŋa, i maà dasi ara nŋɛ kurara dimi bɛɛbɛ ŋa. I maà bɔ Giligali bi kutɔɔ iwɛ̃u ŋa, nɔ i maà bɔ Bɛti-Avɛni ŋa. Nɔ i maà ya fɔ ide do kugbasi i ni ŋa, hee do kuwɛɛi Aɔ̃ Lafɛ̃ɛ fei.

Ozee 5:8

I fã kuu si ilui Gibea ŋa, nɔ i fã kãakãakĩ si ilui Rama ŋa. I dɔ̃ anui igũ si ilui Bɛti-Avɛni, iŋɛ tɔkui Bɛnzamɛɛ ŋa.

Ozee 8:5

Iŋɛ inɛi Samari ŋa, Aɔ̃ Lafɛ̃ɛ í kɔ̀si kɛtɛ kombo saasaabɔ nŋɛ iyi ì ce ŋa. Nɔ í ni, ǹ wɛɛò idɔɔkɔ̃ na iri nŋa. Kuwɛɛ nŋɛ do taaleu, hee waati yoomai á leekĩ.

Ozee 9:6

Waati iyi aa na i fita hai si ilɛ nŋɛ iyi aa lɛgɛu, ilɛi Ezibiti á gba ŋɛ, nɔ ilu nlai Nɔfui á jɛ balɛ nŋɛ, nɔ kakayɛtɛ ŋai aa bii amani jiida nŋɛ ŋa iyi à ce do isɔ fũfũ ŋau fei, nɔ wua tũtũ ku nɛ agũ ŋai aa bii bi kuwa nŋɛ ŋau fei.

Amɔsu 1:5

An lɛgɛ sɔkɔi andɛ koofai Damasi, an kpa irii inɛ ngboi ilui Bikati-Avɛni ŋa, do ilaalui ilui Bɛti-Edɛni, nɔ a mu inɛi Siri ŋa aru a nɛò ŋa Kii. Amu Aɔ̃ Lafɛ̃ɛi ǹ fɔ bɛɛbɛ.

Amɔsu 3:14

Ajɔ iyi an kiiti inɛi Izirɛli ŋa si dulum du ŋa, an lɛgɛ bi ku ce kuweei Betɛliu do ngo ŋau feii, nɔ aa cukui hee ilɛ.

Amɔsu 7:9

An jɔ̀ bi ku ce kuweei tɔkui Izaaki ŋa ku lɛgɛ. An jɔ̀ ile bii inɛi Izirɛli ŋa à ya ce kutɔɔu ku cuku. Nɔ do taakubai an ceò nfei kpasɛ̃i ilaalu Zeroboamu.

Amɔsu 8:14

Aŋa iyi à waa ce kugbasi do irii iwɛ̃i Samari ŋa nɔ naanɛ nŋa í wa si iwɛ̃i inɛi Dãa ŋa do iwɛ̃i inɛi Bɛɛseba ŋau à waa ceò iro nŋa, aŋa fei aa cukui nɔ a kaa dede má.

Misee 1:13

Iŋɛ inɛi Lakisi ŋa, i dĩa acĩ nŋɛ ŋa gaayi do sarɛti nŋɛ ŋa. Si ilɛi Siɔ̃ɔ, iŋɛi ì jɛ inɛ ŋa iyi à ce dulum sinte, domi si ŋɛi à yɛ kurarai inɛi Izirɛli ŋa.

Misee 1:5

Iyi bɛi fei, na kurarai tɔkui Zakɔbu ŋai, na irii dulum dii dimii inɛi Izirɛli ŋai. Kurara yoomai Izirɛli í ce. Kù jɛ ilui Samarii í jɔ̀ í coo? Yooi í fa Zudaa í kooɛ si iwɛ̃ ŋa ku tɔɔ. Kù jɛ ilui Zeruzalɛmui?

Nahumu 3:11

Awɔ mɔ Ninivu, aa yɛ ara kuro ntɔ ntɔ, nɔ aa sa i maa manji. Aa na i maa sai i maa dɛdɛ bi ku manji na irii mbɛɛɛ ŋa.

Luku 23:30

Waati bɛɛbɛi aa maa sɔ̃ iri kuta ŋa a ni, i cuku i bata wa wa ŋa. Nɔ aa sɔ̃ geete ŋa a ni, i bii wa wa ŋa.

Wooda ku kɔsi 9:21

Ŋɔi ǹ so ama kɛtɛ iyi ì ce ŋa iyi í jɛ icɛi dulum nɔu ǹ dasi ina. Si anyiɛ, iyi í gbeu ǹ lɛgɛɛ hee í baa í ce fufu puta puta nɔ ǹ so ǹ kosi acãi inyi iyi wa kita hai si antaii iri kutau.

Kuyɛi Zãa 6:16

À waa dɔ̃ anu si iri kuta ŋau do si kuta ŋau à waa ni, i cuku si wa wa, i bii wa ku ba Ilaaɔ̃ ku maà yɛ wa, nŋu iyi wa buba si kitãi bommau. Nɔ i bii wa na idɔɔkɔ̃i ama angudãu ŋa.

Kuyɛi Zãa 9:6

Si cukpa miiuu, inɛ ŋa aa dɛdɛ iku amma a kaa ba. Aa bi aŋa a ku amma iku á sa nŋa.