Ozee 10:6 - Bibeli do fee

⁶ Ama kɛtɛu takaɛ, Asirii aa na ku jɛ amua iyi à cea ilaalu Yarɛbu. Anyɔi á jɛ ti Efaraimu, nɔ Izirɛli á wa si anyɔ na sɔɔlui mii ŋa iyi í ce.

Ozee 10:6 Iomraidhean Croise

Ilaalu 2, 17:3

Samanasaa ilaalui Asiriu í koo í jɔɔ igũ. Nɔ Ozee í ya maa sãa fiai adɔ̃ do tilasi.

Zɔɔbu 18:7

Isɛɛnɛ iyi wa ce do naanɛɛu á baa ku jɛ do sika, nɔ mii ŋa iyi wa lele ku ce ŋai aa dasiɛ banlala.

Ezai 1:29

Ntɔ ntɔ aa yɛ anyɔ ŋai si na iyi í jɔ̀ ì nɛ buki ŋa iyi ì ya maa ce si abɛ jĩi ŋau ihɛ̃ ŋa nɔ bɛi idɔ nŋɛ fei í wa. Aa yɛ inɔ kufɔ ntɔ ntɔ ŋa si na iyi í jɔ̀ ì cica jĩi ndii lambo ŋau ihɛ̃ a jɛ bi ku ce buki nŋɛ ŋa.

Ezai 30:3

Amma ile ku nɛ gbugbãi Faraɔ̃ bii aa bɔui á sinda ku jɛ anyɔ nŋa. Ezibiti bii aa koo a manjiui á jɔ̀ bɛɛrɛ nŋa ku kaye.

Ezai 45:16

Ŋɔi woo ce mii ŋa iyi à jɔ iwɛ̃ ŋau anyɔ í mu aŋa fei, nɔ bɛɛrɛ nŋa í kaye, nɔ aŋa fei à waa nɛ do anyɔ.

Zeremi 48:13

Inɛi Moabu ŋa aa wɛɛò anyɔ si Kemɔsi iwɛ̃ nŋa bɛi inɛi Izirɛli ŋa à wɛɛò anyɔ si Betɛli iwɛ̃ nŋa si bii naanɛ nŋa fei í wa siu.

Zeremi 7:24

Nɔ à kɔ̀ ku gbɔ. A kù sotĩ pai. Ikɔ do lasabu laalɔi idɔ nŋa ŋai a too si. Ŋɔi à baa do anyi, a kù wa waju.

Ezekiɛli 16:28

Amma kɔdɛɛɛ kù sũ, ì koo ì ce sakara do inɛi Asiri ŋa. Do nŋu fei kù toɛ.

Ezekiɛli 36:31

Waati bɛɛbɛ, aa ye gigii isɛɛnɛ laalɔ nŋɛ ŋa, do kuce nŋɛ ŋa iyi kù sĩa, nɔ aa nɛ inɔ kufɔ nla nla ŋa na laalɔ ŋau bɛ.

Daniɛli 11:8

Waati iyi á jɛ ŋa igũ ku tã, á ko mii ndu ŋa ŋai ku nɛò ilɛi Ezibiti. Hai iwɛ̃ nŋa ŋa, do isɔ iyi à yɔ à ceò mii ŋa iyi à jɔ iwɛ̃ gɔ ŋa, do jĩnɛ ku nɛ bɛɛrɛ nŋa ŋa iyi à ce do isɔ fũfũ, do iyi à ce do wura. Si anyiɛ, adɔ̃ ŋa aa lɔ, kaa cea ilaalui awɔ njɛi kpãai inunuu nkãma má.

Ozee 4:19

Fufu á bii ŋai, nɔ anyɔ á mu ŋa si kuwee nŋa ŋau.

Ozee 4:7

Bɛi woo wee ŋau à kpɔ à waa kɔ̃ɔsi bɛɛbɛ mɔi dulum du ŋa í ya maa kɔ̃ɔsi. Na nŋu, an kpaasi mii iyi í jɛ bɛɛrɛ nŋaui ku baa ku jɛ nŋa mii ndii anyɔ.

Ozee 5:13

Inɛi Efaraimu ŋa à yɛ bɔ̃ɔ iyi aŋa à nɛ, nɔ inɛi Zudaa ŋau mɔ à yɛ juju iyi aŋa à nɛ. Efaraimu í dede í bɔ Asiri, nɔ í bɛ inɛ ŋa bi ilaalui Yarɛbu. Amma ilaaluu bɛ kaa yɔkɔ ku jɔ̀ a ba iri, nɔ kaa ba nŋa iwɔi jujuu.

Ozee 8:6

Kɛtɛ kombo saasaabɔ nŋɛu wa naai hai Izirɛli. Iwɛ̃i, kù jɛ Ilaaɔ̃. Woo ce icɛi awɔ gɔi í coo. Na nŋu, kɛtɛ kombo saasaabɔi Samariu, aa bububuui.

Misee 6:16

Ikɔi ilaalu Ɔmurii ì ya maa gbɔ ŋa, nɔ ì ya maa too si ikɔ do kucei amaɛ Akabu do ti inɛi kpasɛ̃ɛ ŋau ŋa. Na ŋɔi í ce an fũsi ŋɛ awɔ a ce nfe nŋɛ. An jɔ̀ a tɛɛsɛ ŋɛi i jɛ dɔ̃anyi ŋa, nɔ iŋɛi aa yɛ anyɔi inɛm ŋau ŋa.