Ozee 10:5 - Bibeli do fee

⁵ Inɛi ilui Samari ŋa aa wɛɛò inɔ kufɔ na ama kɛtɛi Bɛti-Avɛni. Zamaaɛ ŋa do woo weeɛ ŋa, aa wɛɛò inɔ kufɔi ikui iwɛ̃ui. Aa maa yayai na iriɛ na bɛɛrɛɛ iyi wa nɛ ilɛ mmu hee jĩijĩ.

Ozee 10:5 Iomraidhean Croise

Ilaalu 2, 10:29

Baa do iyi Yehu í kpa kuweei Baali si ilɛu, do nŋu fei kù jɔ̀ kpãai dulum ŋa iyi Zeroboamu amai Nebatiu í jɔ̀ inɛi Izirɛli ŋa à ceu. Kù jɔ̀ ama kɛtɛi wura ŋa iyi à wa Betɛli do Dãau ku tɔɔ.

Ilaalu 2, 17:16

À kɔ̀si woodai Aɔ̃ Lafɛ̃ɛ nŋau fei. Nɔ à yɔ isɔ à ceò ama kɛtɛ minji. Nɔ à ce iwɛ̃ iyi à ya kpe Asera. Nɔ à waa tɔɔ mii ndii lele ŋau fei do iwɛ̃ Baaliu.

Ilaalu 2, 23:5

Ŋɔi í lele woo weei iwɛ̃ ŋa iyi ilaalui Zudaa ŋau à jilɛ a ya maa jo tuae si bi kuwee ŋa si antaii iri kuta ŋa iyi à wa kɔkɔi Zeruzalɛmu do ilɛɛkoɛ ŋa do ilu ŋa iyi à wa si ilɛi Zudaau fei. Nɔ í lele inɛ ŋa iyi à ya jo tuae ŋa na iwɛ̃ Baaliu do na inunu do na cukpa do leleaɔ̃ ŋau fei.

Bomma 2, 11:15

Nɔ Zeroboamu í so woo wee mmu ŋa si iwɛ̃ ŋa iyi í ce à yɛ bɛi iwo kombo ŋa do iyi í ce à yɛ bɛi ama kɛtɛ ŋa.

Bomma 2, 13:8

Nsɛi ì waa ni ŋa iŋɛ aa naa igũ si bomma iyi Aɔ̃ Lafɛ̃ɛ í na tɔkui Davidi ŋau. Akpɔ nŋɛ í la, nɔ ama kɛtɛi wura ŋa iyi Zeroboamu í ce a jɛ iwɛ̃ nŋɛ ŋau à wa bi tu ŋɛ.

Ezai 46:2

Iwɛ̃ ŋau à kua gbugbã à waa cuku, nɔ wee a kaa yɔkɔ a faaba mii ŋa iyi à jɔ ŋa ŋau. Aa so aŋa taka nŋa a nɛò ŋa ilɛ mmui.

Ozee 13:2

Nsɛi wee à waa mɔsi do dulum du ŋa ku ce má. À ya yɔ isɔ fũfũ ŋai a ceò iwɛ̃ ŋa. À ya ce iwɛ̃ ŋaui si bɛi aŋa taka nŋa à lasabu. Woo ce icɛi awɔ ŋai à ya ce fei ndɛɛ. À ya fɔi si gãmɛ nŋa a maa ni, inɛ ŋa à waa ce kuwee do amanɛ ŋa, nɔ à ya maa tɔɔ ama kɛtɛ kombo ŋa.

Ozee 4:15

Iŋɛ inɛi Izirɛli ŋa, sakarai ì waa ce ŋa. Amma iŋɛ inɛi Zudaa ŋa, i maà dasi ara nŋɛ kurara dimi bɛɛbɛ ŋa. I maà bɔ Giligali bi kutɔɔ iwɛ̃u ŋa, nɔ i maà bɔ Bɛti-Avɛni ŋa. Nɔ i maà ya fɔ ide do kugbasi i ni ŋa, hee do kuwɛɛi Aɔ̃ Lafɛ̃ɛ fei.

Ozee 5:8

I fã kuu si ilui Gibea ŋa, nɔ i fã kãakãakĩ si ilui Rama ŋa. I dɔ̃ anui igũ si ilui Bɛti-Avɛni, iŋɛ tɔkui Bɛnzamɛɛ ŋa.

Ozee 9:1

Izirɛli, maà jɔ̀ i wɛɛò inɔ didɔ̃. Maà jɔ̀ inɔ didɔ̃ ku la siɛ bɛi zamaa iyi ihɔ̃ ngu ŋa, domi ì fũsi Aɔ̃ Lafɛ̃ɛɛ awɔ ì koo ì waa tɔɔ iwɛ̃ ŋa. Nɔ ì ya maa bi a sãɛ ribai iwɛ̃ ŋa ku tɔɔ tengi bii à ya kpokpo bilee fei.

Ozee 9:11

Bɛbɛi, bɛɛrɛi inɛi Efaraimu ŋa á fo ku nɛi bɛi yɛi. Inaaboi Efaraimu ŋa a kaa nɛ asĩ má nɔ a kaa bí. Efaraimu kaa nɛ amu ŋa má.

Amɔsu 3:14

Ajɔ iyi an kiiti inɛi Izirɛli ŋa si dulum du ŋa, an lɛgɛ bi ku ce kuweei Betɛliu do ngo ŋau feii, nɔ aa cukui hee ilɛ.

Sofoni 1:4

Aɔ̃ Lafɛ̃ɛ í ni, an naaò ijuukpã wai si inɛi Zudaa ŋa do si inɛi Zeruzalɛmu ŋau fei. An nya mii iyi í gbe si inyau ihɛ̃ fei iyi í jɛ ti iwɛ̃ iyi à ya kpe Baaliui. Nɔ baa inɛ kãma kaa maa ye gigii woo weei Baali ŋau má.

Woo bɛ ŋa 19:27

Á na ku jɔ̀ icɛ nwa ku ba iri sãmi. Si anyiɛ á nyi ku jɔ̀ a kaa saalu baa ilei iwɛ̃ nwa Aritemi, nɔ bɛɛrɛ nlaɛ á na ku tã, iwɛ̃ iyi inɛi Azii ŋa do inɛi andunya fei wa tɔɔ.

Zozue 7:2

Ŋɔi hai Zeriko bɛ Zozue í bɛ inɛ gɔ ŋa ikpa Ai, ilu iyi í wa ikpa nunui daakɔi Betɛliu kɔkɔi Bɛti-Avɛni í ni a koo a cɔ yaase bɛi iluu í yɛ do ilɛ ŋa iyi à waa kaakoɛ. Nɔ inɛ ŋau à koo à cɔ yaasei iluu.

Woo kiiti ŋa 18:24

Ŋɔi í jɛ nŋa í ni, iwɛ̃m ŋa iyi ǹ ceu ì so ndu ŋɛ ŋa do woo weem nɔu ì nɛò wa ŋa. Nkãma kù gbeem má, nɔ ì waa beem ì waa ni ŋa, mii wa cem?