Ozee 10:4 - Bibeli do fee

⁴ Ŋɔi à wasi ide nkpɔ nkpɔ ku fɔ, à waa ceò kugbasi si ibo, à waa dĩ akabuu ŋa nɔ kiiti wa sinti wa si gãmɛ nŋa bɛi fɔfɔ laalɔ iyi í ya fita gbãa gbãa si fiii ilɛ ŋa.

Ozee 10:4 Iomraidhean Croise

Ezai 5:7

Jĩi ndii rezɛ̃ɛi Aɔ̃ Lafɛ̃ɛi lele do ilɛu, dimii inɛi Izirɛli ŋai. Zamaai inɛi Zudaa ŋai à jɛ bɛi jĩi ŋa iyi í bi ntɔ ntɔ. Aɔ̃ Lafɛ̃ɛ í bi a maa too ntɔi wo, amma í ba wee woo kpa inɛ ŋai. Í bi a ya ce kiiti dee deei wo, amma wee anu ku dɔ̃i hai nɛ gbugbã ŋai wa gbɔ bii fei.

Ozee 4:2

Mii iyi í wa si anini nŋai í jɛ ikpe do ibo do inɛ ku kpa do ile do sakara do inɛ ku taa gbugbã. À ya so waati nŋa feii a maa kpaò inɛ ŋa.

Ozee 6:7

Iŋɛ mɔ i kù jirima akabuum bɛi inɛi ilui Adamu ŋa. Si gãmɛu bɛi ì zambam ŋa.

Amɔsu 5:7

Iŋɛi ì ya maa kpaasi ntɔ ibo ŋa nɔ ì ya maa tɛɛsɛ wooda ŋa.

Amɔsu 6:12

Acĩ ŋa aa sɛi si kuta ba. À ya fa ilɛ do kɛtɛ ŋa si iri kuta ba. To, na mii í ce ì waa kpaasi ntɔ ku jɛ bɛi acĩ ŋa, nɔ dee dee ku jɛ mɔ ku baa ku jɛ bɛi mii kuro gɔ.

Woo bɛ ŋa 8:23

Ǹ wa n fɔ bɛɛbɛi si na iyi í jɔ̀ ǹ yɛ daaɛ í ro nɔ dulum í dĩɛ.

Romu 1:31

A kù nɛ laakai, a kù nɛ naanɛ, a kù bi njɛ, a kù nɛ araarei njɛ.

Wooda ku kɔsi 29:18

Idei kugbasi ku nɛ gbugbãu ihɛ̃, bii si inɔ nŋɛ inɛ gɔ iyi í gbɔ ide ŋau, wa fɔ si idɔɛ wa ni mii fei á nɛa nŋui dee dee baa bii nŋu wa mɔsi do itĩ ku yikai nŋu bɛi nŋu í tako wa ce isɛɛnɛi nŋu wo, bii í tale si inɛ gɔ ŋa iwɛ̃ ku tɔɔ,

Wooda ku kɔsi 31:16

Ŋɔi Aɔ̃ Lafɛ̃ɛ í sɔ̃ Moizi í ni, kaa kpɛ má aa nyi i koo i ba balaɛ ŋa. Amma si anyii ikuɛ, inɛi Izirɛli ŋau aa lɔsi iwɛ̃ ŋa iyi à wa si ilɛ bii aa lɔ siu ku tɔɔi. Aa fũsim awɔi nɔ a fũ akabuu iyi í wa si gãmɛi awaò ŋau.

Wooda ku kɔsi 31:17

Nɔ na nŋu, an wɛɛò idɔɔkɔ̃ nla nlai na iri nŋa. An fũsi ŋa awɔi nɔ n sinda n to nŋa anyi. Aa dasi awɔi dimi mmu ŋai, nɔ wahala do inɔ kufɔ ku naa si ŋa. Waati bɛɛbɛi aa fɔ a maa ni, wahala ŋau ihɛ̃ wa ba wai si na iyi í jɔ̀ Aɔ̃ Lafɛ̃ɛ kù wa bi tu wa.

Timɔtee 2, 3:3

Aa jɛ hai nɛ kubi ŋa, a kaa nɛ araarei inɛ ŋa, aa jɛ woo sɔ irii inɛ ŋa, a kaa mà ara nŋa, aa jɛ inɛ kugaabu ŋa, nɔ aa jɛ mbɛɛi woo ce jiida ŋa.

Ebɛɛ 12:15

I ce laakai ŋa kãma nŋɛ ku maà na ku toa didɔ̃i Ilaaɔ̃ anyi, nɔ i maà jɛ ilu inɔ kuro ŋa, domi inɔ kurou á na ku la nɔ ku tosi inɛ nkpɔ bɛi icãi jĩi í ya yɔ.