Ozee 10:2 - Bibeli do fee

² Inɛi Izirɛli ŋau a kù leekĩ do Ilaaɔ̃ nŋu akã. Amma bɛbɛi, aŋa mɔ aa ŋɔ gasaɛ. Aɔ̃ Lafɛ̃ɛ takaɛi á lɛgɛ bi kuwee nŋa ŋau, nɔ nŋui á kɛkɛ kuta nŋa ŋa iyi à gũu.

Ozee 10:2 Iomraidhean Croise

Ilaalu 1, 18:21

Ŋɔi Elii í sɛkɛɛ si zamaau nɔ í ni, hee waati yoomai aa jɔ̀ idɔ minji nŋɛ ŋa. Bii í jɛ ì yɔɔ iyi Aɔ̃ Lafɛ̃ɛi í jɛ ntɔ ŋa i tɔɔɛ, bii Baali mɔi i tɔɔɛ ŋa. Amma zamaau kù jɛaa ide kãma.

Kufita 23:24

I maà gulɛ i tɔɔ iwɛ̃ nŋa ŋa nɔ i maà too si kuce nŋa ŋa. Amma i lɛgɛ iwɛ̃ nŋa ŋau fei mam mam nɔ i lɛgɛ kuta ŋa iyi à gũ ŋau.

Mɔnda ŋa 11:18

Ribai icɛi inɛ laalɔ ci ya kpɛ, amma inɛ iyi wa gbɛ̃ iyi í sĩa á ba riba ntɔ ntɔ.

Ezai 44:18

Inɛ ŋau a kù nɛ kumà, nɔ a kù nɛ bisi. Iju nŋa wa bii hee í jɔ̀ a kù waa yɛ ilu. Bɛɛbɛi idɔ nŋa mɔ í yɛ hee í jɔ̀ a kù nɛ yaase jiida kãma.

Zeremi 43:13

Nɔ kuta iyi à lɔ a jɛ ti iwɛ̃ ŋa iyi à wa Bɛti-Semɛsi á kɛkɛ ŋai, nɔ ku jo ilei iwɛ̃i ilɛi Ezibiti ŋau.

Ezekiɛli 14:5

Ide iyi an jɛa inɛi Izirɛli ŋau á fɔtɔtɔi lasabu nŋa aŋa iyi à jĩim na kubii iwɛ̃ nŋa ŋau.

Ozee 12:11

Ǹ ba walii ŋa ide ku fɔ, ǹ jɔ̀ à ce kuyɛ ŋa nkpɔ nkpɔ, nɔ do saabui walii ŋau, ǹ fɔ idei mɔnda ŋa.

Ozee 3:4

Ntɔ ntɔ, inɛi Izirɛli ŋa aa wɛɛi waati sisɔ hai nɛ ilaalu, nɔ a kaa nɛ inɛ ngbo ŋa. A kaa nɛ iwɛ̃ ŋa, nɔ a kaa ya ce kuwee ŋa, nɔ a kaa nɛ mii ŋa iyi à ya beeò idɔɔbii Ilaaɔ̃.

Ozee 7:8

Inɛi Efaraimu ŋau à tɔtɔɔ ara nŋai do dimi mmu ŋa. Inɛi Efaraimu ŋau à baa à yɛi bɛi kaa ku sɔ̃ iyi a kù sinda.

Kuwee 26:30

Na saabui kucé iyi an cé nŋɛi á jɔ̀ n lɛgɛ geete bii ì ya cea iwɛ̃ nŋɛ ŋa kuwee. An lɛgɛ tengi bii ì ya ce kuweei tuae nŋɛ ŋau. An kitigba iku nŋɛ ŋai si buubuui iwɛ̃ nŋɛ ŋau.

Misee 5:13

An tu jĩi ŋa iyi i gũ ŋa na iwɛ̃ nŋɛ iyi à ya kpe Aseraui nɔ an lɛgɛ ilu nŋɛ ŋaui.

Sofoni 1:5

Inɛ ŋa iyi à ya gũ antaii ile sikifa ŋa a maa tɔɔ cukpa do leleaɔ̃ ŋa, an ce nfei aŋa feii. Inɛ ŋa mɔ iyi à ya maa tɔɔm, nɔ a tɔtɔɔ a maa ceò kugbasi do irii iwɛ̃ iyi à ya kpe Molɔkuu, an ce nfe nŋai.

Zakari 13:2

Aɔ̃ Lafɛ̃ɛi lele do ilɛ í ni, an nya iwɛ̃ ŋau hai si ilɛu nɔ inɛ gɔ kaa ye gigi nŋa má hee a maà kpe iri nŋa. An nya walii ilu ibo ŋau mɔ nɔ n nya lasabu sãmi hai si idɔ nŋa.

Matie 6:24

Jesu í sɔ̃ ŋa má í ni, inɛ gɔ kaa yɔkɔ ku cea lafɛ̃ɛ minji icɛ ajɔ. Ntɔ ntɔ, á cé inɛ akã nɔ ku bi inɛ akã, walakɔ á jirima inɛ akã nɔ ku donda inɛ akã. I kaa yɔkɔ i too Ilaaɔ̃ do fia ajɔ ŋa.

Luku 16:13

Amaacɛ kãma kaa yɔkɔ ku cea lafɛ̃ɛ minji icɛ ajɔ. Ntɔ ntɔ á cé inɛ akã nɔ ku bi inɛ akã, walakɔ ku jirima inɛ akã nɔ ku donda inɛ akã. I kaa yɔkɔ i too Ilaaɔ̃ do fia ajɔ ŋa.

Zaaki 1:8

domi í jɛ ilu idɔ minji iyi kù waa too kpãa akã si kuwɛɛɛ.

Zaaki 4:4

Iŋɛ iyi i kù leekĩò inɛ akã ŋa, i kù mà ŋa iyi bii ì bi andunya, mbɛɛi Ilaaɔ̃i ì ya jɛ ŋa? Inɛ iyi í bi andunya, mbɛɛi Ilaaɔ̃i í ya jɛ.

Zãa 1, 2:15

I maà ti i bi andunya ŋa do mii ŋa iyi à wa si andunya. Inɛ iyi í bi andunya, kubii Ilaaɔ̃ Baaba kù wa siɛ,

Samuɛli 1, 5:4

Iyi iju í má má ŋɔi inɛ ŋau à dede daadaakɔu nɔ à ba wee Dagɔ̃ɔ í cuku í sɛɛbata má si wajui kpakoi Aɔ̃ Lafɛ̃ɛu. Iriɛ do awɔɛ ŋa fei í cɛ wa jilɛ si andɛi ileu, gãgãɛ nŋu akãi í gbe.