Ozee 10:1 - Bibeli do fee

¹ Izirɛli í yɛi wo bɛi jĩi ndii rezɛ̃ɛ iyi í ya so jiida jiida. Do yaase bɛi í ya maa so nkpɔ nkpɔu bɛ, bɛɛbɛ mɔi bi kuweeɛ ŋau í kpɔ wa kɔ̃ɔsi. Do yaase bɛi ilɛɛu í sĩa wa koo, bɛɛbɛ mɔi í ya maa ce booda si kuta ŋa iyi í gũ à jɛ iwɛ̃ɛ ŋau.

Ozee 10:1 Iomraidhean Croise

Ilaalu 1, 14:23

Aŋa mɔ à ma geete bi kuwee ŋa, à gũ kuta ŋa, nɔ à gũa Asera iwɛ̃u jĩi ŋa si antaii iri kuta fei do si icui jĩi tũtũ fei.

Zeremi 11:13

Kukpɔi iwɛ̃i inɛi Zudaa ŋau do kukpɔi ilu nŋa ŋau fei à waa mungai. Si ilui Zeruzalɛmu, bi kuwee ŋa iyi à ce do kukpɔi kpãaɛ ŋau fei à waa mungai. Si bi kuwee ŋau bɛi à ya cea iwɛ̃ Baali iyi à ya kpe anyɔu kuwee ŋa.

Zeremi 11:17

Amu Aɔ̃ Lafɛ̃ɛi lele do ilɛ, amu iyi ǹ lɔ jĩi nɔu, amui an jɔ̀ laalɔ ku naa siɛ wa na laalɔ iyi iŋɛ kpasɛ̃i Izirɛli do Zudaa ì cea ara nŋɛ ŋa waati iyi ì dede idɔɔkɔ̃m ŋa na kuweei tuae ku dɔ̃ inunu iyi ì koo ì waa cea iwɛ̃ iyi à ya kpe Baaliu ŋa.

Zeremi 2:28

To, iwoi iwɛ̃ nŋɛ ŋa iyi ì ce ŋau à wa. I jɔ̀ a dede mɛɛ, bii í jɛ aa yɔkɔ a faaba ŋɛ si waatii wahala. Ntɔ ntɔ, iŋɛ inɛi Zudaa ŋa, iwɛ̃ nŋɛ ŋa do ilu nŋɛ ŋa à waa mungai.

Ozee 12:11

Ǹ ba walii ŋa ide ku fɔ, ǹ jɔ̀ à ce kuyɛ ŋa nkpɔ nkpɔ, nɔ do saabui walii ŋau, ǹ fɔ idei mɔnda ŋa.

Ozee 12:8

Gũa ibo ŋai inɛi Kanaã ŋa à waa mu si awɔ. À ya bi inɛ ŋa ku zambai.

Ozee 13:15

Waati iyi kuwɛɛi Efaraimu wa bɔ waju si inɔi inɛɛ ŋa, fufu gɔi í naa siɛ. Fufuu í naai hai ikpa bi gbaau. Amu Aɔ̃ Lafɛ̃ɛi ǹ jɔ̀ fufuu í naa, nɔ inyii isɔ̃ ŋau fei à gbɛ. Lɔgɔ ŋa mɔ à gbɛ. Fufuu í ko amaniɛ ŋau fei í nɛò, nɔ í ko jĩnɛ ilu bɛɛrɛɛ ŋau mɔ fei í nɛò.

Ozee 13:2

Nsɛi wee à waa mɔsi do dulum du ŋa ku ce má. À ya yɔ isɔ fũfũ ŋai a ceò iwɛ̃ ŋa. À ya ce iwɛ̃ ŋaui si bɛi aŋa taka nŋa à lasabu. Woo ce icɛi awɔ ŋai à ya ce fei ndɛɛ. À ya fɔi si gãmɛ nŋa a maa ni, inɛ ŋa à waa ce kuwee do amanɛ ŋa, nɔ à ya maa tɔɔ ama kɛtɛ kombo ŋa.

Ozee 13:6

Amui ǹ gbã ǹ bɔòɛ tuu bii aa jɛ, nɔ ì ba ì jɛ hee ì yo. Amma waati iyi ì ba ì jɛ ì yo, ì baa ì nɛ faau, nɔ ì gbɛjɛm.

Ozee 2:10

Abou kù mà iyi amui ǹ ya n tako n maa n mua nŋu sɔnda wo, do vɛ̃ɛ do ikpo. Amui ǹ muaa fia do wura, nɔ í soo í cea iwɛ̃ iyi à ya kpe Baali amuaɛ.

Ozee 2:8

Na nŋu, amu Aɔ̃ Lafɛ̃ɛ, an cĩmbo kpãaɛi do agũ ŋa. An ce bindii n kaakoɛ ku ba ku maà yɛ kpãaɛ ŋau má.

Ozee 3:4

Ntɔ ntɔ, inɛi Izirɛli ŋa aa wɛɛi waati sisɔ hai nɛ ilaalu, nɔ a kaa nɛ inɛ ngbo ŋa. A kaa nɛ iwɛ̃ ŋa, nɔ a kaa ya ce kuwee ŋa, nɔ a kaa nɛ mii ŋa iyi à ya beeò idɔɔbii Ilaaɔ̃.

Ozee 4:7

Bɛi woo wee ŋau à kpɔ à waa kɔ̃ɔsi bɛɛbɛ mɔi dulum du ŋa í ya maa kɔ̃ɔsi. Na nŋu, an kpaasi mii iyi í jɛ bɛɛrɛ nŋaui ku baa ku jɛ nŋa mii ndii anyɔ.

Ozee 8:11

Efaraimu í ce bi kuwee ŋaui nkpɔ nkpɔ ku ba ku ce dulum. Bi kuwee ŋaui à baa à jɛaa afe bii á ba ku maa ceò dulum.

Ozee 8:4

Aŋa taka nŋai à soa ara nŋa ilaalu ŋa, nɔ kù jɛ baa do woodam. À soa ara nŋa akawe ŋa, nɔ kù jɛ do kumàsim. À cea ara nŋa iwɛ̃ ŋa do isɔ fũfũ nŋa ŋa do wura nŋa ŋa, nɔ nŋui í jɛ kpãa gɔ iyi á nyɔ ŋa.

Kuwee 26:1

I maà cea ara nŋɛ iwɛ̃ ŋa. I maà gbea ara nŋɛ jĩi hee má jɛ i ma mii gɔ ku jɛ iwɛ̃ nŋɛ. Nɔ i maà jilɛa ara nŋɛ kuta iyi à cea booda kusĩa gɔ i gulɛ i maa tɔɔɛ ŋa, domi amui ǹ jɛ Aɔ̃ Lafɛ̃ɛ nŋɛ.

Nahumu 2:2

Iŋɛ inɛi Ninivu ŋa, sooge ŋa à waa naa si ŋɛ. Iŋɛ soogei Ninivu ŋau mɔ, i degbe bindi ku nɛ gbugbãu, nɔ i maa cɔ kpãau ŋa. I ce sɔɔlui igũ ŋa. I dasi wɔɔkɔ nɔ i jɔ̀ i nɛ gbugbã ntɔ ntɔ ŋa.

Kɔrɛnti 2, 5:16

Na nŋu, bɛbɛi a kaa ka cɔ iyi à waa yɛò iju si amanɛ nŋu akã. Baa bii bɛɛbɛi à tako à cea Kirisi wo, nsɛi a kaa ka ce bɛɛbɛ má.

Filipi 2:21

Inɛ ŋa iyi à gbe fei, lasabui idei aŋa taka nŋai à waa ce, lasabu nŋa kù wa si idei Jesu Kirisi.