Ozee 1:7 - Bibeli do fee

⁷ Amma an ce araarei inɛi Zudaa ŋa. Amu Aɔ̃ Lafɛ̃ɛ nŋa, an faaba ŋa, nɔ n kaa n nɛ baa bukaatai bioo ku loo do taakuba ku loo, walakɔ do igũ, do acĩ ŋa, walakɔ woo gũ acĩ ŋa.

Ozee 1:7 Iomraidhean Croise

Ilaalu 2, 19:29

Nɔ awɔ Ezekiasi, iyi ihɛ̃i á jɛɛ nyinda. Adɔ̃ɔyiu ihɛ̃, amaajɛ calɛ nŋu akãi aa jɛ ŋa. Si adɔ̃ minjisiaɛ má, bɛɛbɛi aa ce ŋa. Amma si adɔ̃ mɛɛtasiaɛ, i gbɛ̃ nɔ i da ŋa. I teese ikoi jĩi ndii rezɛ̃ɛ nŋɛ nɔ i jɛ isoɛ ŋa.

Ilaalu 2, 19:34

Aɔ̃ Lafɛ̃ɛ í ni nŋu á bii si iluu awɔi nŋu ku faabaɛ, si na iyi í jɔ̀ nŋu í jɛ Ilaaɔ̃ do na irii Davidi amaacɛi nŋu.

Ilaalu 2, 19:35

Idũu bɛ ŋɔi amalekai Aɔ̃ Lafɛ̃ɛ í fita nɔ í koo í kpa inɛmɔkɔ dubu cĩɔ do cinɛ do miiu (185.000) si asɔi inɛi Asiri ŋa. Iyi iju í má daadaakɔ, ŋɔi à ba wee iku ŋa mbɛ fei.

Ilaalu 2, 6:18

Ŋɔi inɛi Siri ŋau à waa naa si Elizee nɔ í ce kutɔɔ í ni, Aɔ̃ Lafɛ̃ɛ, jɔ̀ zamaau ihɛ̃ fei ku fɛɛju. Nɔ Ilaaɔ̃ í jɔ̀ à fɛɛju si bɛi Elizee í fɔu.

Iri ku kɔ̃ 33:16

Si igũ, bii ilaalu gɔ í ba í fita si, kù jɛ na sooge nkpɔɛ ŋa. Nɔ bii woo ja igũ ilu wɔɔkɔ gɔ í ba í fita si, kù jɛ na gbugbãɛ.

Iri ku kɔ̃ 44:7

Kù jɛ si bioom nii naanɛm í wa, kù nɔ kù jɛ taakubam nii á faabam.

Kufita 14:13

Ŋɔi Moizi í jɛ nŋa í ni, i maà ce njo ŋa. I leekĩ dim dim ŋa aa yɛ bɛi Aɔ̃ Lafɛ̃ɛ á na ku faaba ŋɛ nnyi, domi inɛi Ezibiti ŋau bɛ iyi ì waa yɛ nnyi ŋa, i kaa yɛ ŋa má ŋa ajɔ kãma.

Kufita 14:30

Ajɔ nŋu bɛ Aɔ̃ Lafɛ̃ɛ í faaba inɛi Izirɛli ŋa hai si awɔi inɛi Ezibiti ŋa nɔ à yɛ iku nŋa ŋa itĩi tenkuu.

Ezai 12:2

Ntɔ ntɔ Ilaaɔ̃i í jɛ woo faaba nwa, siɛi naanɛ nwa í wa, a kù nɛ zigiida má. Aɔ̃ Lafɛ̃ɛi í jɛ gbugbã nwa, nŋui aa ka kɔ̃aa iri. Nŋui í jɛ woo faaba nwa.

Ezai 30:18

Na ŋɔi í jɔ̀ Aɔ̃ Lafɛ̃ɛ wa degbe ku ba ku ce nŋɛ didɔ̃. Aɔ̃ Lafɛ̃ɛ á dedei ku ce araare nŋɛ, domi í jɛ dee dee. Ilu inɔ didɔ̃ ŋai inɛ ŋa iyi kpãa ku cɔ nŋa fei í wa siɛ.

Ezai 49:6

Í sɔ̃m í ni n jɛ woo ce icɛi nŋu, n jɔ̀ dimii Zakɔbu ŋau a dede, nɔ n baaò inɛi Izirɛli ŋa iyi à gbe si hunde ŋau wa, iyi bɛ kù to. Í ni amui nŋu á jɔ̀ n jɛ inya kumái inɛi ilɛ ŋau ku ba faabaɛu ku bɔ hee kɔɔi andunya.

Ezai 7:14

Na nŋu, Aɔ̃ Lafɛ̃ɛ takaɛ á na ŋɛ nyinda gɔ. Nyindau wee. Ama mudɛ̃ɛ gɔ á nɛ asĩ nɔ ku bí ama inɛmɔkɔ. Waati iyi á na ku bí amau, Emanuɛlii á kpoo, waatɔ Ilaaɔ̃ í wɛɛ do awa.

Zeremi 25:5

Aɔ̃ Lafɛ̃ɛ wa sɔ̃ ŋɛ wa ni, i jɔ̀ kpãa laalɔ iyi ì waa too ŋau ŋa, nɔ i jɔ̀ inɔ kukã ku ce nŋɛ ŋau nɔ i sinda i baa wa ŋa bi amu Aɔ̃ Lafɛ̃ɛ nɔ i buba si ilɛ iyi ǹ muaa iŋɛ do bala nŋɛ ŋau hee do ajɔ fei.

Zeremi 25:6

I maà jɔ̀ iŋɛ do iwɛ̃ ŋa i nɛ anu akã hee i koo i maa tɔɔ ŋa nɔ i maa sɛɛbata si waju nŋa ŋa. I maà ce iwɛ̃ ŋa i dedeò idɔɔkɔ̃m má ŋa, nɔ amu mɔ n kaa ce nŋɛ laalɔ kãma.

Zeremi 33:26

To, inɛ á yɔkɔ ku jɛsi iyi ǹ fũsi tɔkui Zakɔbu ŋa awɔ do iyi à jɛ ti Davidi woo ce icɛm nɔu? Kú jɛ si inɔ nŋa ǹ kɔ̀ ku so ilaalu ŋa iyi aa maa gbã dimii Aburahamu do ti Izaaki do ti Zakɔbu ŋau? Aawo. Ǹ nɛ kubi nŋai ntɔ ntɔ, nɔ an nyi n teese kuwɛɛ nŋa mái.

Ozee 1:8

Ŋɔi Gomɛɛ í da Lo-Ruhama amɔ, si anyiɛ nɔ í nɛ asĩ mmuɛ má, nɔ í bí ama inɛmɔkɔ.

Zakari 4:6

Nɔ í jɛɛm í ni, ide iyi Aɔ̃ Lafɛ̃ɛi lele do ilɛ í sɔ̃ Zorobabɛli, nŋu iyi wa ma kpasɛ̃ɛ wee. Í ni, kù jɛ do yiikoi amanɛ, kù nɔ kù jɛ do gbugbãɛi aa ceò icɛɛu. Amma do saabui hundem nii.

Samuɛli 1, 17:47

Nɔ inɛi Izirɛli ŋa fei aa mà iyi kù jɛ do taakuba walakɔ do kakai Aɔ̃ Lafɛ̃ɛ í ya faabaò inɛɛ ŋa. Ntɔ ntɔ, Aɔ̃ Lafɛ̃ɛi á jɛ igũ, nɔ nŋui á so ŋɛ ku da nwa si awɔ.