Ozee 1:4 - Bibeli do fee

⁴ Ŋɔi Aɔ̃ Lafɛ̃ɛ í sɔ̃ɔ í ni, sɔ amau Yizireɛli, domi waati kù gbe kù waa sɔ̀ má si bii an sãa kpasɛ̃i Yehu mii iyi í ce, si na iyi í jɔ̀ í dikã njɛ ilui Yizireɛli. An jɔ̀ gbugbãi bommai Izirɛliu ku kpa irii.

Ozee 1:4 Iomraidhean Croise

Ilaalu 2, 10:1

Si ilɛi Samari ama kitaò fɛɛwai Akabu í nɛ. Ŋɔi Yehu í ce tia í sambaɛ Samari bi ilu irii Yizireɛli ŋau do inɛ ngbo ŋau do woo mu amai Akabu ŋau, í sɔ̃ ŋa í ni,

Ilaalu 2, 10:17

Iyi Yehu í to Samari, ŋɔi í kpa nyaanzei Akabu ŋa iyi à gbe bɛu fei. Í ce nfe nŋai mam mam si bɛi Aɔ̃ Lafɛ̃ɛ í sɔ̃ Eliiu.

Ilaalu 2, 15:29

Si waatii Pekai Tigilati-Pilezɛɛ ilaalui Asiriu í naa í jɛ ilui Iyɔ̃ɔ igũ do Abɛli-Bɛti-Maaka do Yanoa do Kedɛsi do Hatisɔɔ do ilɛi Galaadi do Galilee do ilɛi dimii Nɛfitaliu fei. Nɔ í mu inɛi bɛ ŋau aru í nɛò.

Ilaalu 2, 15:8

Si adɔ̃ kuntaa do mɛɛjɔsiai bomma ku jɛi Azaria ilaalui Zudaaui Zakari amai Zeroboamuu í jɛ bommai Izirɛli ilui Samari. Nɔ í ce si bommau cukpa mɛɛfa.

Ezai 7:14

Na nŋu, Aɔ̃ Lafɛ̃ɛ takaɛ á na ŋɛ nyinda gɔ. Nyindau wee. Ama mudɛ̃ɛ gɔ á nɛ asĩ nɔ ku bí ama inɛmɔkɔ. Waati iyi á na ku bí amau, Emanuɛlii á kpoo, waatɔ Ilaaɔ̃ í wɛɛ do awa.

Ezai 8:3

Si anyiɛ, ŋɔi ǹ tɔtɔɔ sɛ̃ɛ do abo walii iyi í jɛ abom nɔu, nɔ í nɛ asĩ í bí ama inɛmɔkɔ. Nɔ Aɔ̃ Lafɛ̃ɛ í sɔ̃m í ni n sɔɔ Mahɛɛ-Salali-Haasi-Bazi, waatɔ ce ńya i wusɛ nɔ i ko amanii igũu,

Ezai 9:6

Á jɔ̀ yiikoɛ ku bɔ ku jĩi, nɔ ku jɔ̀ laakai ku sũ hai nɛ kɔɔ ku maa wɛɛ. Nŋui á buba si kitãi bommai Davidi nɔ nŋui á jɛ ilaalui bommau ku ba ku muaa gbugbã nɔ ku jɔ̀ ku maa leekĩ si ntɔ do si dee dee ku jɛ hai nsɛi hee do ajɔ fei. Mii iyi Aɔ̃ Lafɛ̃ɛi lele do ilɛ á ce mbɛ si kubi nlaɛ.

Zeremi 20:3

Amma iyi iju í má, Pasehuu í jɔ̀ à fũ Zeremi wa hai si jĩi nɔu. Nɔ Zeremi í sɔ̃ɔ í ni, Aɔ̃ Lafɛ̃ɛ kaa kpeɛ Pasehuu má. Amma bɛbɛi, Magɔɔ-Misabibui á kpeɛ,

Zeremi 23:2

Na ŋɔi í jɔ̀ Aɔ̃ Lafɛ̃ɛi inɛi Izirɛli ŋau í nyi í fɔ má si gãmɛi inɛ ŋa iyi à waa degbe inɛɛ ŋau í ni, ì fangaa angudãm ŋa, ì lele ŋa ŋa, i kù gbɔ nŋa ŋa. Na nŋu, i cɔ, an naa si ŋɛ na kuce laalɔ nŋɛ ŋau.

Zeremi 3:8

Baa do iyi ǹ kɔ̀si Izirɛli woo kpaasi ideu na sakaraɛ ŋau fei, nɔ ǹ naa tiai njɛ ku kɔ̀siu, ǹ yɛ iyi Zudaa hai jɛ dee deeu kù ce njo, nɔ í koo í riisi araɛ wa bɛi nŋu mɔ.

Ezekiɛli 23:10

Aŋai à jɔ̀ɔ basĩ, nɔ à mu ama inɛmɔkɔɛ do inaaboɛ ŋa nɔ à kpa nŋu takaɛ do taakuba. Do yaase bɛɛbɛi à kiitiɛ nɔ í jɛ bɛi ikɔ bi inaabo mmu ŋa iyi à gbe.

Ezekiɛli 23:31

Si bɛi ì too si kucei igbãɛ, an jɔ̀ awɔ mɔ i mɔ kɔɔfui idɔɔkɔ̃m.

Ozee 1:6

Si anyiɛ, abou í na í nɛ asĩ má, nɔ í bí ama inaabo. Nɔ Aɔ̃ Lafɛ̃ɛ í sɔ̃ɔ má í ni, sɔɔ Lo-Ruhama, waatɔ inɛ iyi a kaa ce araareɛ, domi n kaa n maa n mɔsi do araarei Izirɛli ku ce má n maa n ceaa suuru waati kãma fei.

Ozee 1:9

Nɔ Aɔ̃ Lafɛ̃ɛ í sɔ̃ Ozee í ni, sɔɔ Lo-Ammi, waatɔ kù jɛ zamaam, domi iŋɛ inɛi Izirɛli ŋau i kù jɛ zamaam má ŋa, nɔ amu mɔ n kù jɛ nkãma bi tu ŋɛ má.

Ozee 2:13

An jɔ̀ inɔ didɔ̃ɛ fei ku leekĩi. Nɔ hai jingauɛ ŋa, do jingaui ajɔi cukpa titɔ̃ɛ ŋau, do ajɔi kusĩmiɛ ŋau hee do waati si bii à ya ko a ce jingau ŋau fei, aa leekĩi.

Ozee 2:22

Ntɔ ntɔ an soɛi i jɛ abom na kubi, nɔ do yaase bɛɛbɛi aa mà iyi amui ǹ jɛ Aɔ̃ Lafɛ̃ɛ.

Ozee 9:17

Aɔ̃ Lafɛ̃ɛm á fũsi ŋa awɔi si na iyi í jɔ̀ à kɔ̀ ku gbɔ ideɛ. Na nŋu, aa ya maa sa a maa dabii si ilɛ mmu ŋa.

Amɔsu 9:8

Aɔ̃ Lafɛ̃ɛ wa kã ijuɛ ŋa si bomma ilu taaleu nɔ wa ni, an ce nfeɛi, amma do nŋu fei, n kaa n kpa irii hee do kpasɛ̃i Zakɔbu fei mam mam. Amu Aɔ̃ Lafɛ̃ɛi ǹ fɔ bɛɛbɛ.

Matie 1:21

Á bí ama inɛmɔkɔ nɔ i sɔɔ Jesu. Nŋui á faaba inɛɛ ŋa hai si dulum du ŋa.

Luku 1:13

Amma amalekau í sɔ̃ɔ í ni, maà jɔ̀ njo ku muɛ, Zakari. Ilaaɔ̃ í gbɔ kutɔɔɛ. Elizabɛti aboɛ á bíɛ ama inɛmɔkɔ nɔ i sɔɔ Zãa.

Luku 1:31

Aa ba asĩ i bí ama inɛmɔkɔ nɔ i sɔɔ Jesu.

Luku 1:63

Ŋɔi Zakari í tɔɔ mii gɔ si bii á kɔ si, nɔ í kɔ í ni, Zãai í jɛ iriɛ. Nɔ aŋa fei à biti.

Laabaau jiida iyi Zãa í kɔ 1:42

Ŋɔi í bɔò Simɔɔ bi Jesu. Iyi Jesu í cɔɔ nɔ í ni, ǹ mà iyi awɔi ì jɛ Simɔɔ amai Zãa, amma Sefasii aa ya kpeɛ bɛbɛi. (Iriu bɛ do Piɛɛ fei, yaaseɛi í jɛ kuta.)

Zozue 19:18

Aŋai à nɛ hai Yizireɛli do Kesulɔti do Sunɛmu