Ozee 1:2 - Bibeli do fee

² Ide sinte ŋa iyi Aɔ̃ Lafɛ̃ɛ í sɔ̃ Ozee í ni ku sɔ̃ zamaai nŋu ŋau wee. Aɔ̃ Lafɛ̃ɛ í sɔ̃ Ozee í ni, koo so inaabo à ce sakara, nɔ abou ku bíɛ amu ŋa iyi aa jɛ amai abo à ce sakara, domi inɛi Izirɛli ŋau à ya dabii a maa tɔɔ iwɛ̃ ŋai bɛi inaabo à ce sakara í ya maa dabii si inɛmɔkɔ ŋa, nɔ à fũsi Aɔ̃ Lafɛ̃ɛ awɔ.

Ozee 1:2 Iomraidhean Croise

Bomma 2, 21:13

Kucei ilaalui Izirɛli ŋai ì too si, nɔ ì tale si inɛi Zudaa do inɛi Zeruzalɛmu ŋa iwɛ̃ ku tɔɔ bɛi kpasɛ̃i Akabu í tale si inɛi Izirɛli ŋau. Si antaiɛ ì kpa ifɔɛ ŋa iyi à tiaɛ mɔm si kpasɛ̃i baaɛ.

Iri ku kɔ̃ 106:39

Iwɛ̃ ŋa ku tɔɔ nŋau í yɛi bɛi sakara ku ce bi Aɔ̃ Lafɛ̃ɛ.

Iri ku kɔ̃ 73:27

Inɛ ŋa iyi à jĩɛ à ya ce nfei. Inɛ ŋa iyi à kɔ̀siɛ fei, ì ya ce nfe nŋai.

Zeremi 2:13

Ntɔ ntɔ, hee tuuba minjii zamaam nɔu ihɛ̃ í ce kurara bɛbɛi. À kɔ̀sim, amu iyi ǹ jɛ isɔ̃i inyii kuwɛɛ, nɔ à koo à waa tua ara nŋa lɔgɔ ŋa iyi a kaa yɔkɔ a jilɛ inyi.

Zeremi 2:20

Aɔ̃ Lafɛ̃ɛ í ni, awɔ Izirɛli, hai ku kpɛi ì dedeò ide ku kɔ̀ sim. Ì fɛ anu akã nwau. Nɔ ì ni, n kù bi n maa n jɛ aru. Amma si antaii iri kuta do si abɛ jĩi tũtũ ŋa fei ì ya maa dabii si iwɛ̃ ŋai bɛi abo à ce sakara í ya ce do inɛmɔkɔ ŋa.

Zeremi 2:23

Na mii í ce ì waa ni, n kù riisi aram, n kù tɔɔ iwɛ̃ Baali ŋa. Cɔ isɛɛnɛɛ si lɔɔmau. Jɔ̀ i mà mii iyi ì ce. Ì yɛi bɛi kpookpo zãu iyi í sɛi wa bibii kù mà iyi wa ce.

Zeremi 3:9

Izirɛli í jɔ̀ ilɛu í so riisi. Í ya maa tɔɔ iwɛ̃ ŋa iyi à ce do kuta ŋa do jĩi ŋa.

Ezekiɛli 6:9

Nɔ si ilɛ mmu ŋa bii aa koo a maa jɛ aruu, aa maa ye gigim wai. Aa maa ye gigii bɛi ǹ cea idɔ hai jɛ dee dee nŋa do bɛi ǹ jɔ̀ à fa ijum nŋa iyi í ya maa kãsi iwɛ̃ nŋa ŋau. Nɔ aŋa taka nŋa aa cé ara nŋa na laalɔ ŋa iyi à ceu.

Ozee 2:7

Iye nŋa nŋu iyi í bí ŋau, í ce sakara. Í dasi araɛ anyɔi si waati iyi í fɔ í ni, an too mɔkɔ kaafem ŋai, aŋa iyi à waa muum sɔnda do inyi. Aŋai à waa muum ikũ do acɔ, do ikpo do vɛ̃ɛ.

Ozee 3:1

Ŋɔi Aɔ̃ Lafɛ̃ɛ í sɔ̃m má í ni, abo iyi inɛ gɔ í bi iyi í jɛ abo à ce sakarau, koo buu. Buu do yaase bɛi Aɔ̃ Lafɛ̃ɛ í bi inɛi Izirɛli ŋau. Aŋau bɛ, à ya sindai si iwɛ̃ ŋa, nɔ à ya bi kaa ŋa iyi à ce do rezɛ̃ɛ.

Ozee 5:3

Amu ǹ mà dimii inɛi Efaraimu ŋau, nɔ kucei inɛi Izirɛli ŋau mɔ kù waa manjiim baa keeke. Ntɔ ntɔ, iŋɛi ì tale si inɛi Efaraimu ŋau sakara ku ce, nɔ nsɛi inɛi Izirɛli ŋa fei à so riisi.

Maaku 1:1

Kusintii laabaau jiidai Jesu Kirisi Amai Ilaaɔ̃ wee.

Wooda ku kɔsi 31:16

Ŋɔi Aɔ̃ Lafɛ̃ɛ í sɔ̃ Moizi í ni, kaa kpɛ má aa nyi i koo i ba balaɛ ŋa. Amma si anyii ikuɛ, inɛi Izirɛli ŋau aa lɔsi iwɛ̃ ŋa iyi à wa si ilɛ bii aa lɔ siu ku tɔɔi. Aa fũsim awɔi nɔ a fũ akabuu iyi í wa si gãmɛi awaò ŋau.

Piɛɛ 2, 2:14

Iju nŋa fei si abo kaafe ŋai í ya wa, dulum ci ya to ŋa. À ya mu inɛ ŋa iyi a kù waa leekĩ dim dim do taa. Idɔ nŋa í nɛ dɔ̃ɔnɛi binɛ. Ilaaɔ̃ í ceekpe ŋa.

Kuyɛi Zãa 17:5

À kɔ iri gɔ si ikpoɛ, yaasei iriui í jɛ asii. Iriu wee. Babilɔni ilu nla, iyei inaabo à ta icui andunya ŋa, do iyei daa bututu fei.