Neemi 9:4 - Bibeli do fee

⁴ Ŋɔi Zozue do Bani do Kadimiɛli do Sebania do Buni do Serebia do Bani do Kenani aŋa inɛi Levii ŋau à gũ antaii jĩi ŋa iyi à gũu nɔ à tɔɔ Aɔ̃ Lafɛ̃ɛ nŋa do anu ku dɔ̃ hee lele.

Neemi 9:4 Iomraidhean Croise

Bomma 2, 20:19

Ŋɔi dimii Levii ŋa si tɔkui Kehati ŋa do si tɔkui Kore ŋau à dede ku ba a saabu Aɔ̃ Lafɛ̃ɛi Izirɛliu do anu ku dɔ̃ hee lele.

Neemi 12:8

Inɛi Levii ŋa iyi à wa si inɔi inɛ ŋaui í jɛ Zozue do Binui do Kadimiɛli do Serebia do Zudaa do Matania. Mataniau nŋui í jɛ inɛ ngboi woo kɔ̃ iri ŋau waati iyi à waa tɔɔ Ilaaɔ̃, nŋu do nyaanzeɛ ŋa,

Neemi 3:17

Si anyiɛ inɛi Levii ŋai à waa ce icɛ bɛ do Rehumu amai Bani. Kɔkɔi aŋa mɔ Hasabia inɛ ngboi bubui ilui Keilai wa ce icɛ bɛ do inɛɛ ŋa si tuubai iluɛ.

Neemi 8:4

Do yaase bɛi Ɛsidarasi í cioò tiau wee. Inɛ ŋa à gũ jĩi gɔi, nɔ í gũ antaiɛ í leekĩ si. Inɛ gɔ ŋa à waa leekĩ kɔkɔɛ. Matitia do Sema do Anaya do Uri do Hilikiya do Maaseya, aŋai à wa do ikpa awɔ njɛɛ. Inɛ ŋa mɔ iyi à wa do ikpa awɔ cangaɛ wee. Pedaya do Misaɛli do Malikiya do Hasumu do Hasibadana do Zakari do Mɛsulamu.

Neemi 8:7

Si anyiɛ ŋɔi inɛ fei í leekĩ agbɛɛ, nɔ inɛi Levii gɔ ŋa à sisia zamaau yaasei woodau. Irii inɛi Levii ŋau wee. Zozue do Bani do Serebia do Yaminu do Akubu do Sabetai do Hodiya do Maaseya do Kelita do Azaria do Yozabadi do Hanaa do Pelaya.

Neemi 9:5

Si anyiɛ inɛi Levii gɔ ŋa mɔ à saabu Ilaaɔ̃. Aŋa iyi à saabu Ilaaɔ̃ ŋau wee. Zozue do Kadimiɛli do Bani do Hasabunia do Serebia do Hodiya do Sebania do Petaya. Aŋai à sɔ̃ zamaa à ni a dede a saabu Aɔ̃ Lafɛ̃ɛ nŋau hai nnyi hee do ajɔ fei. Nɔ à ni, Aɔ̃ Lafɛ̃ɛ, jɔ̀ inɛ fei ku saabuɛ, awɔ iyi í nɛ amboe nla nla. Amboeɛu í kpeeò ku fɔ do gɛlɛ.

Iri ku kɔ̃ 130:1

Iri ku kɔ̃i kutɔɔ ku bɔ ku ce. Aɔ̃ Lafɛ̃ɛ, waati iyi ǹ wa si inɔ kufɔ nla nlai ǹ wa n kpeɛ.

Iri ku kɔ̃ 3:4

Amma awɔ, Aɔ̃ Lafɛ̃ɛ, awɔi ì jɛ bɛi tɛlim. Awɔi ì ya jɔ̀ n nɛ bɛɛrɛ nɔ n maa n nɛ do ara ku fũ.

Iri ku kɔ̃ 77:1

Iriu ihɛ̃ ti inɛ ngboi woo kɔ̃ iri ŋai do Yedutunu do Azafu.

Kukpata 3:8

Waati iyi ǹ dɔ̃ siɛ anu ǹ tɔɔɛ sobi, kù de sim itĩ hee ku gbɔ kutɔɔm.

Laabaau jiida iyi Zãa í kɔ 11:43

Iyi í fɔ bɛɛbɛ í tã ŋɔi í la hee lele í ni, Lazaa, fita wa hai bɛ.

Woo bɛ ŋa 7:60

Ŋɔi í cuku í gulɛ wa dɔ̃ anu hee lele wa ni, Lafɛ̃ɛ, maà mu ŋa do dulum nɔu ihɛ̃. Iyi í fɔ bɛɛbɛ í tã nɔ í ku.