Neemi 9:2 - Bibeli do fee

² Nɔ inɛ ŋa iyi à jɛ dimii inɛi Izirɛli ŋau fei à nya ara nŋa wa hai si inɔi isɛ mmu ŋau fei, nɔ à naa tuubai dulum du ŋa ŋa ku ce do ti bala nŋa ŋa.

Neemi 9:2 Iomraidhean Croise

Ilaalu 1, 8:47

bii à kpaasi idɔ nɔ à sinda wa bi tɛɛ nɔ à waa tɔɔɛ suuru hai ilɛi inɛ ŋa iyi à mu ŋau à waa ni, à ce kurara, à ce dulum nɔ à ce laalɔ ŋa,

Ɛsidarasi 10:11

Nsɛi í sĩa i ce tuubai dulum du ŋɛ ŋa bi Aɔ̃ Lafɛ̃ɛi bala nŋɛ ŋa nɔ i jirima idɔɔbiɛ ŋa. I fɛɛfɛ ara nŋɛ do inɛi ilɛ ihɛ̃ ŋau do abo isɛ mmu nŋɛ ŋau.

Ɛsidarasi 6:21

Inɛi Izirɛli ŋa iyi à baa hai bii à tako à waa jɛ aruu à jɛ ijɛi jingauu do inɛ ŋa mɔ iyi à jɔ̀ laalɔ ku cei inɛi ilɛ nŋa ŋau à ba ŋa anu akã ku ce à waa tɔɔ Ilaaɔ̃ Lafɛ̃ɛ nŋa.

Ɛsidarasi 9:1

Si anyii mii ŋau bɛ fei ŋɔi inɛ ngbo gɔ ŋa à naa à sɔ̃m à ni, inɛi Izirɛli ŋa hee do woo wee ŋau do inɛi Levii ŋau a kù fɛɛfɛ ara nŋa do inɛi ilɛ ŋau ihɛ̃. À waa ce laalɔ bɛi inɛi Kanaã ŋa do inɛi Hɛti ŋa do inɛi Ferɛzi ŋa do inɛi Yebusi ŋa do inɛi Amɔɔ ŋa do inɛi Moabu ŋa do inɛi Ezibiti ŋa do inɛi Amɔre ŋa.

Ɛsidarasi 9:15

Awɔ Aɔ̃ Lafɛ̃ɛi awa inɛi Izirɛli ŋa, si dee dee ku jɛɛ ì jɔ̀ awa iyi à gbeu ihɛ̃ nnyi à wɛɛ si hunde. Awa wee à wɛɛ à waa leekĩ si wajuɛ do dulum nla nla, nɔ wee si laalɔ dimi bɛɛbɛ ku ce inɛ kãma kù nɛ kpãa ku wɛɛ si hunde ku maa leekĩò si wajuɛ.

Ɛsidarasi 9:2

Aŋa taka nŋa do ama nŋa ŋa à so abo ŋa si dimii inɛ ŋau, nɔ à jɔ̀ dimi kumáu í tɔtɔɔ do inɛi ilɛ ŋau ihɛ̃. Nɔ inɛi waju ŋau do inɛ ngbo ŋau aŋai à tako à lɔ si dulum nɔu.

Neemi 1:6

Cĩ ijuɛ ŋa nɔ i de itĩ i gbɔ kutɔɔ iyi amu woo ce icɛɛ ǹ wa n ce dasãò idũ. Ǹ wa n tɔɔɛi, kpa idei dulum du wa, awa inɛi Izirɛli woo ce icɛɛ ŋa. Ntɔ ntɔ, amu do kpasɛ̃i baam à ce dulum.

Neemi 10:28

do Maluku do Harimu, do Baana.

Neemi 10:29

Ŋɔi inɛ ŋa iyi à gbe ŋau, hai woo wee ŋau do inɛi Levii ŋau do woo degbe anu koofa ŋau do woo kɔ̃ iri ŋau do woo ce icɛ inɔ kpasɛ̃i Ilaaɔ̃ ŋau hee do awa iyi à nya ara nwa wa hai si inɔi isɛ mmu ŋau fei ku ba ka naa ka too si woodai Ilaaɔ̃u, awa do abo nwa ŋa do ama inɛmɔkɔ nwa ŋa do ama inaabo nwa ŋa iyi aa yɔkɔ a mà ngɔgɔ nɔ a nɛ bisi fei,

Neemi 13:3

Iyi à gbɔ woodau ihɛ̃, ŋɔi à nya isɛ mmu ŋa fei hai si anini nŋa.

Neemi 13:30

Ŋɔi ǹ jɔ̀ à nya inɛ iyi í jɛ isɛ mmu fei hai si anini nŋa. Nɔ ǹ teese ǹ jilɛ wooda iyi woo wee ŋau à nɛ a jirima aŋaò inɛi Levii ŋa, nɔ ǹ jilɛ inɛ fei si icɛɛ.

Iri ku kɔ̃ 144:11

Faabam nɔ i gbam hai si awɔi inɛ ŋa iyi à waa jɛ isɛ mmu ŋau. Aŋa iyi à ya maa sɔ ibo nɔ a fɔ do kugbasi a ni ntɔi aŋa à waa fɔ, amma a ci ya kɔ̃ kuwã nŋa.

Iri ku kɔ̃ 144:7

Hai lele, yɔ awɔɛ ŋa i mum, nɔ i faabam hai si inyi nlau do hai si awɔi isɛ mmu ŋau.

Mɔnda ŋa 28:13

Inɛ iyi wa singa kuraraɛ ŋa ci ya bɔ waju, amma inɛ iyi í ce tuubai kuraraɛ nɔ í jɔ̀ɔ à ya ce araareɛi.

Ezai 2:6

Aɔ̃ Lafɛ̃ɛ, ì fũsi inɛɛ ŋa awɔ aŋa iyi à jɛ tɔkui Zakɔbu ŋau, domi woo ce alisi ŋa iyi à naa hai nunui daakɔ ŋau à waa kɔ̃i bi tu ŋa. Woo ce dobu dobu ŋa à waa kɔ̃ bɛi bi inɛi Filisi ŋa. Nɔ à dĩ akabuu do dimi mmu ŋa.

Zeremi 14:20

Aɔ̃ Lafɛ̃ɛ, à mà inɔ kukã nwa do kurarai bala nwa ŋa, domi à ce dulum bi titɛɛ.

Zeremi 3:13

Nŋu de, jɔ̀ i mà kuraraɛ ŋa. Jɔ̀ i mà iyi ì ce ide ku kɔ̀ bi Aɔ̃ Lafɛ̃ɛ, domi ì dabii si iwɛ̃ ŋai bii fei si abɛ jĩi tũtũ fei. Nɔ ì kɔ̀ idem ku gbɔ.

Daniɛli 9:20

Ŋɔi ǹ mɔsi do kutɔɔ ku ce, nɔ ǹ wa n ce tuubai dulum dom ŋa do ti inɛi Izirɛli zamaam ŋau, nɔ ǹ wa n tɔɔ Aɔ̃ Lafɛ̃ɛm nii ntɔ ntɔ na iri kuta kumáu.

Ozee 5:7

Inɛ ŋau à zamba Aɔ̃ Lafɛ̃ɛi, domi à bí amu ŋa do abo ŋa iyi aŋaò ŋa a kù ce abɔdɔ̃. Na nŋu, hai ihɛ̃ ku bɔ cukpa akã, aa ce nfei ilɛ nŋaui do amani nŋa ŋa.