Neemi 9:1 - Bibeli do fee

¹ Si ajɔ kɔnfia do mɛɛsiai cukpa akãu bɛ, inɛi Izirɛli ŋa à tɔtɔɔ ku ba a ce anu ku dĩ. À dasi jĩnɛi inɔ kufɔ ŋa nɔ à kosi iri nŋa sãa.

Neemi 9:1 Iomraidhean Croise

Samuɛli 2, 1:2

Ajɔ mɛɛtasiaɛ, ŋɔi mɔkɔ gɔ í to wa bi tɛɛ hai do ikpa asɔi bubaai soogei Saulu ŋa. Mɔkɔu wa dasi ibɔ ku ga í kosi iriɛ sãa wa nyisiò inɔ kufɔ nla nlai. Í naa í sɛɛbataa Davidi.

Bomma 2, 20:3

Zigii Zozafati wa da, nɔ í lasabu nŋu ku dɛdɛ Aɔ̃ Lafɛ̃ɛ. Nɔ í jilɛ anu ku dĩ si dimii Zudaa fei.

Bomma 2, 7:10

Si ajɔ kɔnfia do mɛɛtasiai cukpa mɛɛjesiaui Salomɔɔ í jɔ̀ zamaau fei í nɛ ideɛ do inɔ didɔ̃ na mii jiida iyi Aɔ̃ Lafɛ̃ɛ í cea Davidi do Salomɔɔ do inɛi Izirɛli zamaaɛ ŋau.

Ɛsidarasi 8:21

Tengii itĩi idoi Ahavau, tengi bɛi ǹ ni a ce anu ku dĩ ka sũa Aɔ̃ Lafɛ̃ɛ nwa iri ilɛ ku ba ku jɔ̀ ka ce isɛɛnɛ nwa do laakai ku sũ, hai awa taka nwa do nyaanze nwa ŋa do mii ndu wa ŋa fei.

Ɛsidarasi 8:23

Na ŋɔi í jɔ̀ à ce anu ku dĩ, nɔ à tɔɔ Aɔ̃ Lafɛ̃ɛ nwa ku wɛɛ do awa nɔ í gbɔ kutɔɔ nwa.

Ɛsitɛɛ 4:16

koo tɔtɔɔ Zuifu ŋa iyi à wa Suzeu fei a cea nŋu anu ku dĩ ajɔ mɛɛta do idũ mɛɛta, a maà jɛ nɔ a maà mɔ nkãma. Bɛɛbɛ mɔi í ni nŋu takai nŋu á dĩ anu do woo ce icɛi nŋu ŋa nɔ baa do iyi wooda í ganji fei, nŋu á bɔ bi ilaaluu, nɔ bii í jɛ nŋu á kui, nŋu ku ku.

Ɛsitɛɛ 4:3

Si ilɛ iyi í wa si bommau fei, bii tiai ilaaluu í to fei, Zuifu ŋa à ya wɛɛò inɔ kufɔ nla nlai. Ŋɔi à ya dĩ anu a maa kpataò, nɔ inɛ nkpɔ nkpɔ nŋa ibɔi saakii à ya dasi a maa sũò si ilúlu.

Zɔɔbu 2:12

Waati iyi à hɔ̃nnɛɛ hai jĩijĩ a kù màa, nɔ à lɔsi ku kpata. À ga ibɔ nŋa ŋa nɔ à bu sãa à wasi ku kosi iri nŋa ŋa à waa nyisiò inɔ kufɔ nŋa.

Ezai 22:12

Aɔ̃ Lafɛ̃ɛi lele do ilɛ í kpe ŋɛ ajɔ nŋu í ni i kpata nɔ i maa weewea ŋa. I wa iri nŋɛ ŋa, nɔ i we saaki ŋa i nyisiò inɔ kufɔ nŋɛ.

Zoɛli 2:12

Ŋɔi Aɔ̃ Lafɛ̃ɛ í fɔ í ni, bɛbɛi i nyi wa bi titom ŋa do idɔ nŋɛ fei. I dĩ anu ŋa, i kpata ŋa, nɔ i tɔɔm ŋa.

Kuwee 23:34

sɔ̃ inɛi Izirɛli ŋau i ni, hai si ajɔ maatũsiai cukpa mɛɛjesiau, aa jɛ jingau ŋai azuma akã na irii amu Aɔ̃ Lafɛ̃ɛ.

Kuwee 23:39

Ajɔ maatũsiai cukpa mɛɛjesiau, bii ì da amaajɛi ilɛ nŋɛ ŋa, i cea amu Aɔ̃ Lafɛ̃ɛ jingau ŋa ajɔ mɛɛje. Ajɔ sinteu ajɔi kusĩmii á jɛ. Nɔ ajɔ mɛɛjɔsiau mɔ má, ajɔi kusĩmii.

Zozue 7:6

Ŋɔi Zozue í ga ibɔɛ ŋa nɔ í sɛɛbata si wajui kpakoi akabuui Aɔ̃ Lafɛ̃ɛ hai daakɔ hee alɛ í koo í lɛò, nŋu do inɛ ngboi Izirɛli ŋau, nɔ à kosi iri nŋa ŋa sãa a nyisiò inɔ kufɔ nŋa.

Kuyɛi Zãa 11:3

Nɔ í ni nŋu á jɔ̀ woo jɛ sɛɛda minjii nŋu ŋau a fɔ idei nŋu. Aa maa we saaki ŋa, nɔ nŋu á na ŋa kpãa a ceò walii si afei ajɔ dubu do cĩɔ minji do kita (1.260).

Woo kiiti ŋa 20:26

Ŋɔi inɛi Izirɛli ŋau fei à bɔ Betɛli, nɔ à wasi ku kpata si Aɔ̃ Lafɛ̃ɛ. Ŋɔi à ce anu ku dĩ ajɔ nŋu hai daakɔ hee alɛ í koo í lɛò, nɔ à cea Aɔ̃ Lafɛ̃ɛ kuwee ŋa iyi à ya jo si ina fei sãa sãa do kuweei anu akã.

Samuɛli 1, 4:12

Nɔ ajɔ nŋu bɛ inɛi dimii Bɛnzamɛɛ gɔ í sa wa hai bi ku ce igũ í bɔ Siloo bɛ. Í ga ibɔɛ nɔ í kosi iriɛ sãa ku nyisi inɔ kufɔɛ.

Samuɛli 1, 7:6

Iyi à tɔtɔɔ Misipa bɛ ŋɔi à kpã inyi à dikãɛ ilɛ si wajui Aɔ̃ Lafɛ̃ɛ à dĩ anu ajɔ nŋu bɛ à ni, à ce dulum bi Aɔ̃ Lafɛ̃ɛ. Hai Misipa bɛi Samuɛli í jɛ inɛ ngboi inɛi Izirɛli ŋa.