Neemi 8:9 - Bibeli do fee

⁹ Waati iyi zamaau wa gbɔ idei woodau, aŋa fei à wasi ku kpatai. Amma Neemi ilu ilɛu do Ɛsidarasi iyi í jɛ woo wee do woo kɔ inɛ ŋa si woodau do inɛi Levii ŋa iyi à sisia zamaau yaasei woodau à sɔ̃ ŋa à ni, i maà jɔ̀ inɔ nŋɛ ku fɔ i maa kpata ŋa. Ajɔi nnyiu ihɛ̃, ajɔi inɔ didɔ̃i iyi à nya ikã kú jɛ ti Aɔ̃ Lafɛ̃ɛ nŋɛ.

Neemi 8:9 Iomraidhean Croise

Ilaalu 2, 22:11

Iyi ilaalu Zoziasi í gbɔ idei tiai woodau í tã, ŋɔi í ga ibɔɛ ŋa ku nyisiò inɔ kufɔɛ.

Ilaalu 2, 22:19

ideu í to siɛ. Ì kaye araɛ si wajum waati iyi ì gbɔ ide iyi ǹ ni á na ku ba iluu bɛ do inɛɛ ŋa fei. Ǹ ni an ceekpe ŋa nɔ n ce nfei ilɛ nŋa. Iyi ì gbɔ ideu, ì ga ibɔɛ ŋa na inɔ kufɔ nɔ ì kpata si wajum. Na nŋu, amu mɔ ǹ gbɔ kutɔɔɛu,

Bomma 2, 15:3

Hai ku kpɛ wa inɛi Izirɛli ŋa a kù nɛ Ilaaɔ̃ ntɔ hee má jɛ woo wee iyi á kɔ ŋa si woodai Ilaaɔ̃.

Bomma 2, 30:22

Ŋɔi Ezekiasi í saabu inɛi Levii ŋau fei na icɛ iyi à cea Aɔ̃ Lafɛ̃ɛ. Si azumau bɛ fei, ijɛi jingaui à waa jɛ, à waa ceò kuweei anu akã ŋa, nɔ à ya kɔ̃ iri a maa saabuò Aɔ̃ Lafɛ̃ɛi bala nŋa ŋau.

Bomma 2, 34:19

Iyi ilaalu Zoziasi í gbɔ idei tiai wooda ŋau í tã, ŋɔi í ga ibɔɛ ŋa ku nyisiò inɔ kufɔɛ.

Bomma 2, 34:21

í ni, i koo i bee Aɔ̃ Lafɛ̃ɛ wa ŋa na irii amu takam do inɛ ŋa iyi à gbe si ilɛi Izirɛli do ilɛi Zudaa, ku ba ka gbɔ yaasei ide iyi í wa si tiau ihɛ̃ iyi à yɛ, domi idɔɔkɔ̃ nla nlai Aɔ̃ Lafɛ̃ɛ í wa si wa, si na iyi í jɔ̀ bala nwa ŋa a kù jirima idei Aɔ̃ Lafɛ̃ɛ, nɔ a kù ceò mii iyi à kɔ si tiau ihɛ̃ fei icɛ.

Bomma 2, 35:3

Ŋɔi í sɔ̃ inɛi Levii ŋa iyi à ya maa kɔ inɛi Izirɛli ŋau fei, aŋa iyi à nya ikã a jɛ ti Aɔ̃ Lafɛ̃ɛu í ni, i jilɛ kpakoi akabuui Aɔ̃ Lafɛ̃ɛ si inɔ kpasɛ̃ iyi Salomɔɔ amai Davidi ilaalui Izirɛliu í mau ŋa. I kù nɛ i maa soo si kɔngɔ má ŋa. Bɛbɛi i cea Aɔ̃ Lafɛ̃ɛ nŋɛ do zamaaɛu icɛ ŋa.

Ɛsidarasi 2:63

Nɔ woo mu ilɛu í ni a maà jɛ sɔndai kuwee gɔ, í gbe hee bii woo wee gɔ í ce kubee wa hai bi urimu do tumimu.

Ɛsidarasi 7:11

Ilaalu Aatakusɛɛsi í cea Ɛsidarasi tia. Ɛsidarasiu woo weei í jɛ. Nɔ í nɛ kumài wooda iyi Ilaaɔ̃ í na inɛi Izirɛli ŋa. Nŋui í jɛ woo kɔ inɛ ŋa si woodau. Idei tia iyi Aatakusɛɛsi í naau wee.

Neemi 10:1

Na irii iyi ihɛ̃ feii í jɔ̀ awa inɛi Izirɛli ŋa à ce kuwã nla nla nɔ à jɔ̀ à kɔɔ si tia. Inɛ ngbo nwa ŋa do inɛi Levii nwa ŋa do woo wee nwa ŋa à tɛ̀ si tia nwau awɔ à cĩmboɛ nɔ à dasi sɛɛda.

Neemi 12:26

Inɛ ŋau à ya maa ce icɛ nŋai si waatii Yoyakimu amai Zozue tɔkui Yosadaki, do si waatii Neemi ilu ilɛu do si waatii Ɛsidarasi woo wee iyi í jɛ woo kɔ inɛ ŋa si woodau.

Neemi 7:65

Nɔ woo mu ilɛu í ni a maà jɛ sɔndai kuwee gɔ, í gbe hee bii woo wee gɔ í ce kubee wa hai bi urimu do tumimu.

Neemi 7:70

Amua nŋa ŋa iyi à ce wee. Wura kpɛkɛlɛ dubu kɔnfia (20.000) do isɔ fũfũ dubu minji do cĩɔ minji (2.200).

Woo lasabu 3:4

Waatii ku kpata í wɛɛi nɔ waatii ku nyaanyi í wɛɛi. Waatii ku kakaa í wɛɛi nɔ waatii ku jojo í wɛɛi.

Ezai 61:3

Inɔ kufɔi ikui inɛi Siɔ̃ɔ ŋa à wɛɛò, amma icɛ iyi ǹ naa ku cei í jɛ, n kpaasi agbɛ bii inɔ kufɔ nŋa í wau do inɔ didɔ̃ nla nla. Ilúlu iyi í wa si iri nŋau, n nyaa nɔ n we nŋa bɔngɔtɔbɛɛ kusĩa gɔ. An jɔ́ nŋa ikpo si waju nŋa iyi í bɛjɛ na ara kurou. Araare iyi à wɛɛòu, an nyaai nɔ n da nŋa si ibɔi jingau. Waati bɛɛbɛ, aa so ŋai a wãò jĩi nla ŋa iyi à jɔ̀ Aɔ̃ Lafɛ̃ɛ í nɛ bɛɛrɛu do bɛi lambo iyi wa nyisi amboei Aɔ̃ Lafɛ̃ɛ.

Ozee 4:6

Ntɔ ntɔ, zamaam wa ce nfei si na iyi í jɔ̀ kù nɛ kumà. Nɔ si na iyi í jɔ̀ awɔ takaɛ i kù bi i màm, an nyaɛ hai si icɛm nii. Nɔ si bɛi ì gbɛjɛ woodai amu Aɔ̃ Lafɛ̃ɛɛ, bɛɛbɛ mɔi amu mɔ an gbɛjɛ amaɛ ŋa.

Kuwee 23:24

sɔ̃ inɛi Izirɛli ŋau i ni, si ajɔ sintei cukpa mɛɛjesia, i sĩmi ajɔ akã ŋa. Aa tɔtɔɔ ŋai do irim iŋɛ fei, domi ajɔ nŋu ajɔi gigi ku yei do ibai kuu ŋa.

Malasi 2:13

Mii iyi ì waa ce má ŋa wee. Ì waa kpata, ì waa weewea ŋa nɔ ì waa dikã cikãaju si bi kuweei Aɔ̃ Lafɛ̃ɛu ŋa si na iyi í jɔ̀ kù waa cɔ kuwee nŋɛ ŋa nɔ kù waa gba nkãma hai si awɔ nŋɛ ŋa.

Romu 3:20

Ntɔ ntɔ inɛ kãma kù wɛɛ iyi á yɔkɔ ku jirima wooda hee koo jɛò dee dee si wajui Ilaaɔ̃. Wooda í wɛɛi ku ba ku jɔ̀ amanɛ ku mà iyi nŋu í jɛ ilu dulum.

Romu 7:9

Tako waati iyi n kù mà wooda, ǹ wɛɛ wo, amma waati iyi ǹ na ǹ mà wooda, dulum í dedei

Wooda ku kɔsi 12:12

Tengi bɛi aa wɛɛò inɔ didɔ̃ ŋa si wajui Aɔ̃ Lafɛ̃ɛ, iŋɛ do ama inɛmɔkɔ nŋɛ ŋa do ama inaabo nŋɛ ŋa do woo ce icɛ inɛmɔkɔ nŋɛ ŋa do woo ce icɛ inaabo nŋɛ ŋau, do inɛi Levii ŋa iyi aa wa si ilu nŋɛ ŋau, domi inɛi Levii kãma kaa nɛ ikpɛ̃ si tubu nŋɛ ŋau.

Wooda ku kɔsi 12:7

Tengi bɛi aa jɛ ŋa si wajui Aɔ̃ Lafɛ̃ɛ, iŋɛ do nyaanze nŋɛ ŋa, nɔ aa wɛɛò inɔ didɔ̃ ŋa si na iyi í jɔ̀ Aɔ̃ Lafɛ̃ɛ á wee nŋɛ si wũa nŋɛ ŋa fei.

Wooda ku kɔsi 16:11

Aa kpɛ̃ inɔ didɔ̃ nŋɛi si wajui Aɔ̃ Lafɛ̃ɛ, tengi bii nŋu takaɛ í cica iriɛ ku wau iŋɛ do ama nŋɛ ŋa do woo ce icɛ inɛmɔkɔ walakɔ inaabo ŋa iyi à wa kpasɛ̃ nŋɛ, do inɛi Levii ŋa iyi à wa inɔ ilu nŋɛ ŋa, do inɛ njoo, do kɔyɔ, do jaaɔ̃ ŋa iyi à wa inɔ ilu nŋɛ ŋau.

Wooda ku kɔsi 26:14

N kù jɛ mii ŋau bɛ kãma baa si waati iyi ǹ wɛɛò inɔ kufɔi iku, nɔ n kù na mii ŋau kãmaɛ si waati iyi ǹ wɛɛò riisi, nɔ n kù cea iku kãma amuaɛ. Ǹ jirima ideɛ ŋaui fei, nɔ ǹ ceò wooda ŋa iyi ì nam ŋau fei icɛ.

Zaaki 4:9

I jɔ̀ i wɛɛ do inɔ kufɔ ŋa, i buba gɔɔwoo nŋɛ do kukpata. I jɔ̀ anyi nŋɛ ku kpaasi do kukpata, nɔ inɔ didɔ̃ nŋɛ ku jɛ nŋɛ inɔ kufɔ.