Neemi 8:8 - Bibeli do fee

⁸ Inɛi Levii ŋau à ya cio tiai woodai Ilaaɔ̃ui sãa sãa, nɔ a maa sisia zamaau yaaseɛ ku ba a mà iyi à ciou.

Neemi 8:8 Iomraidhean Croise

Ilaalu 2, 23:2

Ŋɔi à dede à bɔ kpasɛ̃i Aɔ̃ Lafɛ̃ɛ aŋa do inɛi Zudaa ŋau fei do inɛi Zeruzalɛmu ŋau fei hai woo wee ŋau do walii ŋau hee do bɛi inɛ ŋa à wɛɛò ikã ikã fei. Nɔ Zoziasi í cio ide iyi í wa si tiai akabuu iyi à yɛ si kpasɛ̃i Aɔ̃ Lafɛ̃ɛu fei si waju nŋa bɛ.

Ɛsidarasi 4:18

Tia iyi ì sambaam wa ŋau, à cioɛ dee dee ǹ gbɔ,

Neemi 8:12

Ŋɔi zamaau í sinda í nyi ide à bɔ ku jɛ do ku mɔ, nɔ à bu à sambaa kpaasi nŋa ŋa iyi a kù se ngɔgɔu. Ŋɔi aŋa fei à kpɛ̃ inɔ didɔ̃ nla nlau ajɔ, domi à gbɔ ide ŋa iyi à sɔ̃ ŋau do yaase.

Neemi 8:7

Si anyiɛ ŋɔi inɛ fei í leekĩ agbɛɛ, nɔ inɛi Levii gɔ ŋa à sisia zamaau yaasei woodau. Irii inɛi Levii ŋau wee. Zozue do Bani do Serebia do Yaminu do Akubu do Sabetai do Hodiya do Maaseya do Kelita do Azaria do Yozabadi do Hanaa do Pelaya.

Neemi 8:9

Waati iyi zamaau wa gbɔ idei woodau, aŋa fei à wasi ku kpatai. Amma Neemi ilu ilɛu do Ɛsidarasi iyi í jɛ woo wee do woo kɔ inɛ ŋa si woodau do inɛi Levii ŋa iyi à sisia zamaau yaasei woodau à sɔ̃ ŋa à ni, i maà jɔ̀ inɔ nŋɛ ku fɔ i maa kpata ŋa. Ajɔi nnyiu ihɛ̃, ajɔi inɔ didɔ̃i iyi à nya ikã kú jɛ ti Aɔ̃ Lafɛ̃ɛ nŋɛ.

Neemi 9:3

Ŋɔi à dede à leekĩ nɔ à cio nŋa si tiai woodai Aɔ̃ Lafɛ̃ɛ nŋa zakai isɔ mɛɛta. Nɔ si isɔ mɛɛta mmuɛ má à gulɛ à ce tuubai dulum du ŋa si wajui Aɔ̃ Lafɛ̃ɛ nŋa.

Ezekiɛli 46:10

Amanluu do zamaaɛ ŋa fei aa lɔi ajɔ, nɔ aŋaò ŋa fei aa fita mái ajɔ.

Abakuku 2:2

Ŋɔi Aɔ̃ Lafɛ̃ɛ í jɛɛm í ni, kɔ ide iyi ǹ sɔ̃ɛ si kuyɛ. Kɔɔ si kuta ku munga anu ŋau bɛi inɛ á yɔkɔ ku cioɛ sãa sãa.

Luku 24:27

Ŋɔi í sisi nŋa ide iyi à fɔ si kukɔi idei Ilaaɔ̃ fei si gãmɛi nŋu takaɛ. Í sintiɛi hai si tiai Moizi ŋa do ti walii ŋau fei.

Luku 24:32

Nɔ à sɔ̃ njɛ à waa ni, baa si waati iyi wa sɔ̃ wa idei kukɔi Ilaaɔ̃u hai si kpãau wa inɔ nwa kù tũ de.

Luku 24:45

Ŋɔi í mu nŋa laakai jiida ku ba a gbɔ yaasei kukɔi idei Ilaaɔ̃u.

Woo bɛ ŋa 28:23

Nɔ à jilɛ ajɔ iyi aa nyi wa bi tɛɛ má. Iyi ajɔu í to inɛ nkpɔi í naa ile bii í wau. Ŋɔi í ce nŋa waazo hai daakɔ hee alɛ í koo í lɛò. Wa sisi nŋa yaasei bommai Ilaaɔ̃ nɔ wa tusɛ nŋa yaasei idei Jesu hai si woodai Moizi do si tiai walii ŋau ku ba a jɛsi.