Neemi 8:3 - Bibeli do fee

³ Ŋɔi wa cio tiau hai daakɔ hee dasã í kpã í baa bɛ si bantumai anu koofai inyiu, nɔ zamaau fei í sotĩ wa gbɔ bɛi wa ka tiai woodau.

Neemi 8:3 Iomraidhean Croise

Neemi 10:29

Ŋɔi inɛ ŋa iyi à gbe ŋau, hai woo wee ŋau do inɛi Levii ŋau do woo degbe anu koofa ŋau do woo kɔ̃ iri ŋau do woo ce icɛ inɔ kpasɛ̃i Ilaaɔ̃ ŋau hee do awa iyi à nya ara nwa wa hai si inɔi isɛ mmu ŋau fei ku ba ka naa ka too si woodai Ilaaɔ̃u, awa do abo nwa ŋa do ama inɛmɔkɔ nwa ŋa do ama inaabo nwa ŋa iyi aa yɔkɔ a mà ngɔgɔ nɔ a nɛ bisi fei,

Neemi 13:1

Si waati akãu bɛ, ŋɔi à cio tia iyi Moizi í kɔ. Ŋɔi à yɛ bii à kɔ à ni inɛi Amɔɔ ŋa do inɛi Moabu ŋa a kù nɛ a tɔtɔɔ do inɛi Izirɛli ŋa a tɔɔ Ilaaɔ̃ ajɔ kãma,

Neemi 8:1

Si ajɔ sintei cukpa mɛɛjesiau inɛi Izirɛli ŋa à ce anu akã à tɔtɔɔ Zeruzalɛmu si bantuma iyi í wa wajui anu koofa iyi à ya kpe anu koofai inyiu. Aŋa fei à tɔtɔɔ bɛi hai inɛmɔkɔ ŋa do inaabo ŋa hee do inɛ ŋa iyi aa yɔkɔ a gbɔ ideu fei. Ŋɔi à sɔ̃ Ɛsidarasi woo kɔ inɛ ŋa si woodau ku naaò tia si bii à kɔ wooda iyi Aɔ̃ Lafɛ̃ɛ í na Moizi na irii aŋa inɛi Izirɛli ŋau wa. Ŋɔi Ɛsidarasi woo weeu í naaò tiai woodau wa si wajui zamaau fei.

Neemi 8:18

Ŋɔi à ya maa cio si tiai woodai Ilaaɔ̃u ajɔ fei, hai ajɔ sinteu hee ku bɔ si ajɔi ankãanyiu. À jɛ jingaui ajɔ mɛɛje, nɔ si ajɔ mɛɛjɔsia, à tɔtɔɔ inɛ ŋa si bɛi à ni si woodau.

Neemi 8:4

Do yaase bɛi Ɛsidarasi í cioò tiau wee. Inɛ ŋa à gũ jĩi gɔi, nɔ í gũ antaiɛ í leekĩ si. Inɛ gɔ ŋa à waa leekĩ kɔkɔɛ. Matitia do Sema do Anaya do Uri do Hilikiya do Maaseya, aŋai à wa do ikpa awɔ njɛɛ. Inɛ ŋa mɔ iyi à wa do ikpa awɔ cangaɛ wee. Pedaya do Misaɛli do Malikiya do Hasumu do Hasibadana do Zakari do Mɛsulamu.

Neemi 8:5

Waati iyi Ɛsidarasi í cĩ tiau zamaau fei wa yɔɔi, domi lelei í wa do waju nŋa, nɔ aŋa fei à dede à leekĩ.

Maaku 12:37

Nɔ Jesu í ni má, to, bii Davidi takaɛ wa kpoo Lafɛ̃ɛ, bɛirei á ce ku jɛ tɔkuɛ má. Nɔ zamaa nkpɔ gɔ wa gbɔ idei Jesu do inɔ didɔ̃.

Luku 19:48

Amma a kù mà bɛirei aa ce, domi inɛ feii í ya maa de si ideɛ itĩ do laakai.

Luku 8:18

Na nŋu, i ce laakai ŋa do yaase bɛi ì waa gbɔò ide ŋa, domi inɛ iyi í nɛ, nŋui à ya kɔ̃ɔa si. Inɛ mɔ iyi kù nɛ, andi iyi wa tamaa siu má à ya gbaai.

Woo bɛ ŋa 13:15

Nɔ inɛ gɔ í cio si tia iyi Moizi do walii ŋau à kɔ. Iyi í cio í tã, ŋɔi inɛ ngboi igbɛ ŋau à ni inɛ gɔ koo bee ŋa ku ni, iŋɛ kpaasi ŋa, bii ì nɛ ide iyi aa muaò inɛ ŋa gbugbã i fɔ ŋa.

Woo bɛ ŋa 13:27

Wee inɛi Zeruzalɛmu ŋa do inɛ ngbo nŋa ŋa a kù mà yooi Jesu í jɛ dee dee, a kù nɔ a kù gbɔ yaasei idei walii ŋa iyi à ya maa cio si ajɔi kusĩmi feiu. Amma do nŋu fei à jɔ̀ ideu í kɔ̃ si waati iyi à yɛ taalei Jesu.

Woo bɛ ŋa 15:21

Hai tako, si ilu fei à ya cio woodai Moizi ile bii Zuifu ŋa à ya ce kutɔtɔɔ si ajɔi kusĩmi fei nɔ a waazo ideɛ.

Woo bɛ ŋa 16:14

Abo gɔ í wa bɛ à ya kpoo Lidi, inɛi Tiatiii, í ya ta acɔi fia nkpɔ nɔ í ya maa jirima Ilaaɔ̃. Iyi à waa ba ŋa ide ku fɔ nɔ wa de itĩ, nɔ Lafɛ̃ɛ í cĩ idɔɛ ku ba ku gbɔ ide iyi Pɔlu wa fɔ.

Woo bɛ ŋa 17:11

Inɛ ŋa iyi à wa bɛ ŋau à lasabu si ideu do laakai í re Zuifu ŋa iyi à wa Tɛsalonika. À gba idei Ilaaɔ̃ do inɔ didɔ̃. Ajɔ fei à ya maa cio kukɔui ku ba a mà bii í jɛ mii iyi Pɔlu í ya maa sɔ̃ ŋau ntɔi.

Woo bɛ ŋa 20:11

Iyi Pɔlu í gũ lelei ileu má í so pɛ̃ɛ í bububuɛ nɔ aŋaò ŋa à jɛ, nɔ í lɔsi ku waazo má hee iju í koo í má í bɛi í nɛ.

Woo bɛ ŋa 20:7

Ŋɔi ajɔ sintei azuma alɛu awa à tɔtɔɔ à waa jɛ ijɛi Lafɛ̃ɛ, ŋɔi Pɔlu í wasi ku cea inɛ ŋau waazo. Bii iju í mái Pɔlu á nɛ. Ŋɔi í jɔ̀ waazoɛu í sɔ hee í to idũ laja.

Woo bɛ ŋa 28:23

Nɔ à jilɛ ajɔ iyi aa nyi wa bi tɛɛ má. Iyi ajɔu í to inɛ nkpɔi í naa ile bii í wau. Ŋɔi í ce nŋa waazo hai daakɔ hee alɛ í koo í lɛò. Wa sisi nŋa yaasei bommai Ilaaɔ̃ nɔ wa tusɛ nŋa yaasei idei Jesu hai si woodai Moizi do si tiai walii ŋau ku ba a jɛsi.

Wooda ku kɔsi 31:9

Ŋɔi Moizi í kɔ woodai Aɔ̃ Lafɛ̃ɛu nɔ í so í na woo wee ŋa do inɛ ngboi Izirɛli ŋau. Woo wee ŋau tɔkui Levii ŋai nɔ aŋai à jɛ woo so kpakoi akabuui Aɔ̃ Lafɛ̃ɛu.

Tɛsalonika 1, 2:13

À ya ka maa saabu Ilaaɔ̃ ajɔ fei domi si waati iyi à waazo nŋɛ i kù doo ideu si idei amanɛ ŋa, amma ì gbaa ŋai si ti Ilaaɔ̃. Nɔ bɛɛbɛ mɔi í jɛ do ntɔ, nɔ wa ce icɛ si iŋɛ woo dasi Jesu naanɛ ŋa.

Zozue 8:35

Nkãma kù gbe iyi Moizi í kɔ iyi Zozue kù kaa si wajui kutɔtɔɔi inɛi Izirɛli ŋau fei, hai inaabo ŋa do amu ŋa do inɛ njoo ŋa iyi à wa anini nŋa ŋau fei.

Kuyɛi Zãa 2:29

Inɛ iyi í nɛ itĩ, ku sotĩ ku gbɔ mii iyi Hundei Ilaaɔ̃ wa sɔ̃ igbɛi inɛi Jesu ŋa fei.

Kuyɛi Zãa 3:22

Inɛ iyi í nɛ itĩ, ku sotĩ ku gbɔ mii iyi Hundei Ilaaɔ̃ wa sɔ̃ igbɛi inɛi Jesu ŋa fei.